फिलिप्पी 1:17 - कोन्छ्‌योककी सुङ

¹⁷ यिने ठतोक लानी खाँदा कितुपतिवी ङला चोन्‍खाङला मङ छेटाङ ङ्‍येशी नोनी सेम टेङ्‍बु क्‍यानी मिन, यिने खोरो थोक्‍ला तिराङ नासाम ताङ्‍नी ख्रीष्‍टकी कोर्ला ख्‍याप्‍टाक क्‍यासुङ।

फिलिप्पी 1:17 Iomraidhean Croise

लूका 21:14

ती तप्‍की ख्‍यिराङ रङगी थोक्‍ला काङ सि गोकिवी सिनी गोमाला के पप माकी।

लोमा छ्‍येतिवी लाका 22:1

पावलकी “ओ अच्‍युनुपतिवा, ख्‍यिरा दोङ्‍ला ङे कोर्ला ताम्‍ङे यी सि गोवु वे। ती ति तेरीकी ङ्‍येना!” सिनी सिक्‍यासुङ।

लोमा छ्‍येतिवी लाका 26:1

तमा अग्रिपासकी पावलला ख्‍युरुङ ख्‍योरो थोक्‍ला लप थुप्‍किवी सिनी सिक्‍यासुङ। तमा पावलकी खोरो थोक्‍ला ताम्‍ङे लापुपला लाक्‍पी छ्‍याक्‍के क्‍यानी दुक सिक्‍यासुङ।

लोमा छ्‍येतिवी लाका 26:24

पावलकी तुक सिनी खोरो थोक्‍ला ताम्‍ङे लपिन वोतुप पेला फेस्‍तसकी थोर ग्‍यप्‍नी “ओ पावल, ख्‍योरुङ ङ्‍योनोक। ख्‍योरो येन्‍देन बङीकी ख्‍युरुङला ङ्‍येन्‍बु जोवु यिन।” सिनी वोरु तेन्‍सुङ।

रोमी 2:8

यिने खुरुङला तिराङ नासाम तोङ्‍गुप ताङ कोन्‍छ्‍योककी सुङ टेङ्‍बुला माङ्‍येन्‍नी लाका दुक्‍टा तिराङ कितुपतिवाला खोकी ङ्‍यिर्मु ताङ पर्च्या तोङ्‍गिवी।

फिलिप्पी 1:18

काङ यिन्‍सिनाङ खक्‍छ्‍येवु ताम्‍ङे ति दी यिन। तिवी सेम टेङ्‍बुकी ख्‍याप्‍टाक क्‍यासिनाङ, सेम मेटेङ्‍बुकी क्‍यासिनाङ ख्रीष्‍टकी कोर्ला राङ ख्‍याप्‍टाक क्‍यावु यिन। तीकी थोक्‍ला ङ छासे गा लानी वे। तमा नरी गा कितिन।

फिलिप्पी 1:7

ख्‍यिराङ तेरीकी थोक्‍ला ङे दी नासाम तङ्‍गुप ति टेके यिन। च्‍यिलासिसिन तसाम ङ चोन्‍खाङला वोतुप पेला ताङ चोन्‍खाङ नेमा तेन्‍नी लेन ल्‍यामु ख्‍याप्‍टाक कितुप ताङ तीला तेन्‍तेन कितुप पेला कोन्‍छ्‍योककी नङ्‍गुप कटिनला ख्‍यिरा ङ ताङ मुला लाका क्‍यासुङ। तुक क्‍यानी ख्‍यिराङला नरी ङे सेमला ज्‍याङ वे।

फिलिप्पी 2:3

खोरो थोक्‍ला तिराङ नासाम तोङ्‍गुप ताङ अम्‍बारङ्‍शिङ कितुप मिन, यिने कुसु ज्‍यम्‍बु क्‍यानी च्‍यिककी च्‍यिकला खुरुङ सिनाङ छ्‍ये यिन सिनी नो की।

१ तिमोथी 2:7

तीकी थोक्‍ला ङ खोकी सुङ ख्‍याप्‍टाक कितुपला लोमा छ्‍ये च्‍युङ्‍गुप यिन। तुक क्‍यानी ङ यहूदी मिन्‍दुप मिरिक यम्‍बाकी मीतिवाला तेपा कि ज्‍यितुपला ताङ टेङ्‍बुकी कोर्ला लोपुप गेकेन साङ च्‍युङ्‍गुप यिन। दी ताम्‍ङे ती टेङ्‍बु सिरिन, जिनोक मिन।

२ तिमोथी 2:9

ती लेन ल्‍यामुकी थोक्‍ला राङ ङ दुक्‍चे क्‍येनला शोरुप मी दोके च्‍याटोक ग्‍यप्‍नी छेटाङ खुरिन वे। यिन्‍सिनाङ कोन्‍छ्‍योककी सुङला च्‍याटोक ग्‍यक मुथुपी।

२ तिमोथी 4:16

थल्‍माला ङ ठिम्‍खाङला क्‍यलुप पेला सी साङ ङे छ्‍योला ताम्‍ङे मालाप, यिने तेरीकी ङला क्‍युर ज्‍याक्‍नी गाल्‍सुङ। तीकी क्‍येन ति तिवाला मोफोक्‍शिता।