फिलिप्पी 1:14 - कोन्छ्‌योककी सुङ

¹⁴ ङ चोन्‍खाङला शोर्सिमा माङ्‍शोक तेपा कितुप अच्‍युनुपतिवा ङार छ्‍येवु गल्‍नी कोन्‍छ्‍योककी सुङ ङाडेङ क्‍यानी ख्‍याप्‍टाक क्‍यासुङ।

फिलिप्पी 1:14 Iomraidhean Croise

मर्कूस 3:3

येशूकी ती लाक्‍पा कम्‍बु ठोक गलुप मी तीला “मी तेरीकी दोङ्‍ला लो।” सिनी सुङ्‍सुङ।

लूका 1:74

खोकी दाक्‍पुला डतिवी लक नेसुर थर च्‍यिनी ज्‍यिवा माक्‍यावा क्‍यानी खोला शब्‍ज्‍यी कितुप ताङ

२ कोरिन्थी 3:12

तुक क्‍यानी ङ्‍यिराङला तुका रेवा वोतुप तप्‍की ङ्‍यिराङ छासे ङाडेङ कितुप गल वे।

२ कोरिन्थी 7:4

ङ ख्‍यिराङला छासे लो तेन्‍गिवी। ङ ख्‍यिरा थोक्‍ला छासे तेके कितिन। ख्‍यिराङ नेसुर ङला मङ टोङ्‍गु ङ्‍येन वे। ङला चो छेटाङ ख्‍येल्‍सिनाङ सेमला छासे गा लानी वे।

एफिसी 3:13

तुक क्‍यानी ङ ख्‍यिराङला गोङ्‍बा शोयी, ख्‍यिरा थोक्‍ला ङे छेटाङ खुर्सुङ सिनी ख्‍यिराङ यिछ्‍येता माकी। दी ति ख्‍यिरा थोक्‍ला छासे ताङ्‍देन वोतुप ताम्‍ङे यिन।

फिलिप्पी 1:20

ङे खक्‍छ्‍येवुला कि राङ गोवु लाका ताङ रेवा ति दी यिन। ङ नाम्‍साङ ङोछाला माख्‍येल्‍नी छासे ङाडेङ ङ्‍येनी शिसिनाङ सेन्‍बु वोसिनाङ नरी दोके तन्‍दा साङ ङे मिजी ति ख्रीष्‍टकी थोक्‍ला मोवा कितुप डोशी।

फिलिप्पी 1:7

ख्‍यिराङ तेरीकी थोक्‍ला ङे दी नासाम तङ्‍गुप ति टेके यिन। च्‍यिलासिसिन तसाम ङ चोन्‍खाङला वोतुप पेला ताङ चोन्‍खाङ नेमा तेन्‍नी लेन ल्‍यामु ख्‍याप्‍टाक कितुप ताङ तीला तेन्‍तेन कितुप पेला कोन्‍छ्‍योककी नङ्‍गुप कटिनला ख्‍यिरा ङ ताङ मुला लाका क्‍यासुङ। तुक क्‍यानी ख्‍यिराङला नरी ङे सेमला ज्‍याङ वे।

फिलिप्पी 4:1

तुक क्‍यानी अच्‍युनुपतिवा, ङ ख्‍यिराङला ङ्‍यिङ्‍ज्‍ये लानी नम पेला ठेतुप सिनी नासाम शर्किनोक। तमा ख्‍यिराङला नासाम तोङ्‍गुप पेला ङ छासे गा लानी मीतिवाला ख्‍यिरा कोर्ला तेके कितिन। ङे ङ्‍यिङ्‍ज्‍येवु अच्‍युनुपतिवा, ख्‍यिराङ तुक राङ क्यानी चोवो येशूला तेपा रम्‍बु क्‍यानी देता।

कलस्सी 4:4

तमा कि थुपा सेक ल्‍यामो क्‍यानी ती सुङ ति ङे ख्‍याप्‍टाक कि थुप्‍शी सिनी तीकी थोक्‍ला ख्‍यिरा मोपोर किटे किसा।

कलस्सी 4:7

दाक्‍पी नुप तुखिकसकी राङ ङे कोर्ला तेरी लेन ति ख्‍यिराङला लप्‍कितो। ती ति ङे ङ्‍यिङ्‍ज्‍येवु नुप यिन, तमा ङे मुला राङ चोवोला शब्‍ज्‍यी कितुप खोङ्‍तेर्मु वोतुप मी यिन।

१ थेसलोनिकी 2:2

गोमाला ङ्‍यिराङ फिलिप्‍पीला वोतुप पेला छेटाङ खुरुप ताङ तेकी मीतिवी ङ्‍यिराङला ङ्‍यिङ्‍मर क्‍यावु ति ख्‍यिराङला छ्‍या वे। ङ्‍यिराङ थेसलोनिकेला वासिमा साङ तेकी मीतिवा ङ्‍यिरा तेन्‍दोकला लासुङ, यिन्‍सिनाङ कोन्‍छ्‍योककी ङ्‍यिराङला ङाडेङ नङ्‍गुप तप्‍की खोकी लेन ल्‍यामु ति ख्‍यिराङला ख्‍याप्‍टाक क्‍यायिन।

२ तिमोथी 2:9

ती लेन ल्‍यामुकी थोक्‍ला राङ ङ दुक्‍चे क्‍येनला शोरुप मी दोके च्‍याटोक ग्‍यप्‍नी छेटाङ खुरिन वे। यिन्‍सिनाङ कोन्‍छ्‍योककी सुङला च्‍याटोक ग्‍यक मुथुपी।