मर्कूस 7:5 - कोन्छ्‌योककी सुङ

⁵ तेसुर फरिसीतिवा ताङ यहूदी छ्‍योकी गेकेनतिवी येशूला टिसुङ, “ख्‍योरे लोमातिवी च्‍यिला ताङ्‍बो ङोकी लुक्‍सु मातेन्‍नी लाक्‍पा मेचेङ्‍गा थ्‍वोनी समा सोवुजा?”

मर्कूस 7:5 Iomraidhean Croise

मत्ती 15:2

“च्‍यिला ख्‍योरे लोमातिवी दाक्‍पी हङ्‍गावातिवी तोङ नेज्‍युनी तेन्‍दुप लुक्‍सु मातेन्‍दुप यिन? तिवा याङ समा साप गोमाला लाक्‍पा मुटुनोक।” सिनी सिक्‍यासुङ।

मर्कूस 7:13

तुक क्‍यानी ख्‍यिरा जोवु लुक्‍सु तेन्‍दुपला कोन्‍छ्‍योककी सुङला ति तेर्मेला जोसुङ। ख्‍यिरा तुका लाका यम्‍बा साङ बङी क्‍या वे।”

मर्कूस 7:8

ख्‍यिराङ कोन्‍छ्‍योककी क ति क्‍युर्नी मीतिवी लुक्‍सु तेन्‍गिनोक।”

मर्कूस 7:9

लोङ खोकी तिवाला सुङ्‍सुङ, “ख्‍यिराङ ख्‍यिरा लुक्‍सु तेन्‍दुपला कोन्‍छ्‍योककी क ति जोल्‍हमु क्‍यानी क्‍युर्नी ज्‍योकिनोक।

लोमा छ्‍येतिवी लाका 21:21

तिवी ख्‍योरो कोर्ला ताम्‍ङे चेयी थोनोक। ती ति यहूदी मिन्‍दुप मिरिक यम्‍बाकी मीतिवी पर्ला देतुप यहूदीतिवाला मोशाकी ठिम क्‍युर्नी ज्‍योकुप ताङ तिवी आङातिवाला यहूदीतिवी च्‍येतुप लुक्‍सु ताङ यम्‍बा लुक्‍सु साङ मातेन सिनी ख्‍योरो लापुप यिन सिनोक।

लोमा छ्‍येतिवी लाका 21:24

दिवाला साङ मुला राङ टि गल्‍नी ख्‍युरुङ साङ चाङ्‍मा कि गोकिवी। तमा दिवाला गोवु डोसुमतिवा साङ ख्‍योरो राङ ग्‍यम बिन। तमा दिवी र्‍ह साङ टेक च्‍यी। तुक क्‍यासिन ख्‍युरुङ मोशाकी ठिमला राङ युकिनोक सिनी ख्‍योरो कोर्ला तिवी थोवु ताम्‍ङे ति टेङ्‍बु मिनोक सिनी तेरीकी हाक्‍कोकिवी।

रोमी 4:12

ती तिराङ मिन, अब्राहाम ति च्‍येतुप लुक्‍सु क्‍यावुतिवी हङ्‍गावा साङ यिन। च्‍येतुप लुक्‍सु क्‍यावु तिराङ मिन, च्‍येतुप लुक्‍सु कितुप सिनाङ गोमाला के कोन्‍छ्‍योकला तेपा कितुपतिवा तेरीकी हङ्‍गावा यिन।

गलाती 1:14

ती पेला ङ ताङ दुरिम वोतुप यहूदी मी बङी नाङ ने ङ ति यहूदी छ्‍योला तेन्‍दुप खामु वोतुप मी यिन। तमा पगावा हङ्‍गावी तेन्‍दुप लुक्‍सु तेरी ङार छ्‍येवु क्‍यानी तेन्‍दुप मी साङ यिन।

२ थेसलोनिकी 3:11

यिने ख्‍यिरा पर्ला माङ्‍शोक मीतिवा छेरा क्‍यानी लाका मिकिवु ताङ मी यम्‍बी क्‍यावु लाकाला तोक्‍सा छोकुप लाका किनोक सिरुप ति ङ्‍यिरे थोसुङ।

२ थेसलोनिकी 3:6

अच्‍युनुपतिवा, दाक्‍पी चोवो येशू ख्रीष्‍टकी मिङला ङ्‍यिराङ ख्‍यिराङला टोङ्‍गु तेरिन। छेरा कितुप ताङ ङ्‍यिरा सिक्‍यावु येन्‍देन मेङ्‍येन्‍दुपतिवा तेरी नेसुर कुतुक दे।