मर्कूस 7:4 - कोन्छ्‌योककी सुङ

⁴ येलुङ हाट ने लोक्‍नी वासिमा खोप्‍रे जु माटुवा क्‍यानी समा मसानोक। तिवी यम्‍बा लुक्‍सुतिवा साङ बङी नोक, ती ति कइ ताङ लोटा ताङ काँसाकी तिप्‍लीतिवा माटुवा क्‍यानी मोथोक्‍नोक।

मर्कूस 7:4 Iomraidhean Croise

मत्ती 23:25

ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो! ख्‍यिराङ खोनक्‍पुतिवा! ख्‍यिरा देर्माङ ताङ कोरी फिला ति शिनी कर्मु जेवी, यिने ख्‍यिरा सेमगी दिङ्‍ला ति देर्पा ताङ खुरुङला तिराङ च्‍युङ्‍शी सिरुप नासाम क्‍येङ्‍गिवी।

मत्ती 23:26

ओ फरिसी मिक शर्वातिवा! तोङ्‍ला कोरा ताङ देर्माङकी नाङ्‍ला ल्‍यामु शी, तुक क्‍यासिन फिला साङ चेङ्‍गा डिवी।

मत्ती 27:24

पिलातसकी खोरो राङ काङ कि मुथुपुप ताङ मीतिवा हराङ हुरुङ कितुप छलुप थोङ्सिमा मी माङ्‍छ्‍योककी मिङ्‍गाला छ्‍यु थ्‍वोनी लाक्‍पा टुयी सिरा “दी मीला सेतुप क्‍येन ति ङला मे। ती क्‍येन ति ख्‍यिरा राङ खुर गोकितो!” सिनी सिक्‍यासुङ।

मर्कूस 7:8

ख्‍यिराङ कोन्‍छ्‍योककी क ति क्‍युर्नी मीतिवी लुक्‍सु तेन्‍गिनोक।”

यूहन्‍ना 2:6

ते तो मिसिन छ्‍यु लिटर सयी शोङ्‍गुप दो पुङ्‍नी जोवु छ्‍यु देकुप दोजुम टुक चोके ज्‍याक्‍नोक। ती दोजुम ति यहूदीतिवी खोप्‍राङ चाङ्‍मा जोप लुक्‍सु तेन्‍दुपला थोकिनोक।

यूहन्‍ना 3:25

तमा यूहन्‍नाकी लोमातिवा ताङ ललाइ यहूदी मी यीकी पर्ला जु चाङ्‍मा जोप यहूदी लुक्‍सुकी कोर्ला लप्‍सिर ग्‍यक्‍टी चेसुङ।

हिब्रू 9:10

ती बुल्‍वा ताङ जिन्‍बा पुलुप ति साप थुङ्‍गुप ताङ नम्‍बा कुतुक कुतुककी चाङ्‍मा जोप ठिमतिवा तेन्‍दुप दोके तिराङ यिन। ती ठिमतिवा ति कोन्‍छ्‍योककी नङ्‍गुप यम्‍बा ठिम सम्‍बा माफोवा सेककी थोक्‍ला बिन्‍दुप क तिराङ यिन।

याकूब 4:8

तमा ख्‍यिराङ कोन्‍छ्‍योककी चिप्‍ला ग्‍युक, तुक क्‍यासिन खो ख्‍यिरा चिप्‍ला फेप्‍किवी। ओ दिक्‍छेनतिवा, ख्‍यिराङ दिक्‍पा कितुप क्‍युर। ओ सेम नटेकोटे वोतुप टेङ, ख्‍यिराङ सेम टेङ्‍बु क्‍यानी यु।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।