मर्कूस 6:3 - कोन्छ्‌योककी सुङ

³ काङ दी याङ मरियमकी पुज्‍युङ शिङ्‍जो ति मिन रो? दी मी ति याकूब ताङ योसेफ ताङ यहूदा ताङ सिमोनकी अच्‍यु मिन? तमा दीकी नुमतिवा दे दाक्‍पी मुला मे रो?” सियी खोला सेमला माला।

मर्कूस 6:3 Iomraidhean Croise

मत्ती 11:6

ङला तेपा कितुप क्‍युर्नी मोज्‍योकुप ति मोलाम थोपुप यिनो।”

मत्ती 12:46

येशूकी मी माङ्‍छ्‍योकला येन्‍देन नङ्‍यिन वोतुप पेला खोकी आमा ताङ नुपतिवा खो ताङ मुला ताम्‍ङे कितुप नोनी पाङ्‍ला लानी देनोक।

मर्कूस 15:40

ते ललाइ पुम्‍पेजातिवी साङ थाक्‍रिङ्‍बु नेसुर ल्‍हयी नोक। तिवी पर्ला मरियम मग्‍दलिनी ताङ याकूब टिक्‍पे ताङ योसेफकी आमा मरियम ताङ सलोमी साङ नोक।

मर्कूस 3:18

तमा अन्‍द्रियास ताङ फिलिप ताङ बारथोलोमाइ ताङ मत्ती ताङ थोमा ताङ अल्‍फयसकी पुज्‍युङ याकूब ताङ थेदियस ताङ कनानकी मी सिमोन ताङ

लूका 2:34

शिमियोनकी तिवाला मोलाम बिन्‍नी आङी आमा मरियमला सिक्‍यासुङ, “ल्‍होसा, दी आङा ति इस्राएलकी मीतिवा बङीला ललाइला ति थर ज्‍यितुपकी थोक्‍ला ताङ ललाइला ति ना तोङ ज्‍यितुपकी थोक्‍ला कोन्‍छ्‍योककी पेतुप यिन। दी ति कोन्‍छ्‍योककी छ्‍या तेन्‍दुप त यिन, मी बङीकी तीकी तेन्‍दोकला लानी खोरो सेमगी नासाम छ्‍या देन्गिवी।

लूका 7:23

ङला तेपा कितुप क्‍युर्नी मोज्‍योकुप ति मोलाम थोपुप यिनो।”

लूका 8:20

तमा मी ललाइकी येशूला “गेकेनकी आमा ताङ नुपतिवा गेकेनला ठेतुप नोनी पाङ्‍ला लानी देन्‍नोक।” सिनी सिक्‍यासुङ।

यूहन्‍ना 14:22

येशूकी तुक सुङ्‍सिमा यहूदा इस्‍करियोत मिन्‍दुप यम्‍बा यहूदा तीकी खोला “चोवो, चोवोकी च्‍यिला खोरुङ ति ङ्‍यिराङला छ्‍या देन्‍गिवी, यिने जम्‍बुलिङकी मीतिवाला ति छ्‍या मेदेन्‍वी?” सिनी टिसुङ।

यूहन्‍ना 6:42

तमा तिवी “दी याङ योसेफकी पुज्‍युङ येशू मिन रो? दीकी पपाआमा याङ दाक्‍पी ङो मेशेवी रो? च्‍यिला दीकी ‘ङ देवाच्‍येन नेमा पाम वावु यिन।’ सिनी सिक्‍यावु यिनाङ?” सिनी सिक्‍यासुङ।

लोमा छ्‍येतिवी लाका 1:13

तिवा यरूशलेम लेप्‍सिमा खोप्‍राङ देतुप खाङ्‍बी तेङाङ तेला गाल। तिवा ति पत्रुस ताङ यूहन्‍ना ताङ याकूब ताङ अन्‍द्रियास ताङ फिलिप ताङ थोमा ताङ बारथोलोमाइ ताङ मत्ती ताङ अल्‍फयसकी पुज्‍युङ याकूब ताङ जिलोट सिनी ङो शेवु सिमोन ताङ याकूबकी पुज्‍युङ यहूदा यिनोक।

लोमा छ्‍येतिवी लाका 12:17

तमा पत्रुसकी तिवाला खरक्‍पा दे सिनी लाक्‍पी छ्‍याक के क्‍यानी कोन्‍छ्‍योककी खोरुङला चुक क्‍यानी चोन्‍खाङ नेमा तेन्‍सुङ सिरुप ताम्‍ङे ति तिवाला लाप्‍सुङ। तमा ती ताम्‍ङे ति याकूब ताङ यम्‍बा तेपा कितुपतिवाला साङ लोपा सिनी खोरुङ ति दासा यम्‍बाला गाल।

१ कोरिन्‍थी 1:23

यिन्‍सिनाङ ङ्‍यिराङ ति ग्‍यङ्‍शिङला कल्‍नी टुङ्‍गुप येशू ख्रीष्‍टकी कोर्ला सुङ ख्‍याप्‍टाक किवी। ती सुङ ङ्‍येन्‍दुप पेला यहूदीतिवी दी ताम्‍ङे ति कोन्‍छ्‍योकला मारे तोङ्‍गुप यिन सिनी सिवी, ग्रीकतिवी दी ताम्‍ङे ति फेन मोथोवु यिन सिनी सिवी।

१ कोरिन्‍थी 9:4

काङ ङ्‍यिराङला साप थुङ्‍गुप ओङ मे रो?

गलाती 1:19

यिने ते ङे चोवो येशूकी नुप याकूबला मिसिन यम्‍बा लोमा छ्‍ये सुला साङ माठे।

१ पत्रुस 2:4

ख्‍यिराङ चोवो येशूकी चिप्‍ला शोक। खो ति खाङ्‍बा जोप मीतिवी फेन मोथोवु यिन सिनी तेन्‍नी क्‍युरुप दो यिन, यिन्‍सिनाङ कोन्‍छ्‍योककी ती दो ति पेनी मीतिवी थोक्‍ला मिजी नङ्‍गुप गोङ छ्‍येन्‍बु वोतुप दो जो नाङ्‍सुङ।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।