मर्कूस 6:2 - कोन्छ्‌योककी सुङ

² ङासोप ङ्‍यिमाला खो यहूदी छ्‍योखाङला फेप्‍नी येन्‍देन नाङ्‍सुङ। ते मी मङ्‍मुकी खोकी येन्‍देन थोनी हलेवा क्‍यासुङ। तमा तिवी “दी मी तीकी दुका ताम्‍ङेतिवा कनी नेसुर लापुप यिनाङ? दी मीला वोतुप रिक्‍पा ति चुका पारकी यिन? दीकी चुक क्‍यानी दुका हलेवु लाका क्‍यावु यिनाङ?

मर्कूस 6:2 Iomraidhean Croise

मत्ती 4:23

येशू गालील लुङ्‍बा तेरी कोरा ग्‍यकिन सिरा यहूदी छ्‍योखाङला सुङ लाप नङ्‍गुप ताङ कोन्‍छ्‍योककी ग्‍येल्‍खापकी कोर्ला लेन ल्‍यामु ख्‍याप्‍टाक कियी नम्‍बा बङीकी नेर्पुतिवा ताङ अमोछ्‍योवुतिवा तेरीला टेक च्‍यिसुङ।

मत्ती 7:28

येशूकी ती तेरी सुङ्सिमा ते वोतुप मी माङ्छ्‍योक खोकी सुङला हलेवा क्‍यासुङ।

मर्कूस 1:39

तेसुर खो तेरी गालील लुङ्‍बा ताङ यहूदी छ्‍योखाङतिवाला फेप्‍नी ख्‍याप्‍टाक कितुप ताङ डेतिवाला तेन्‍सुङ।

मर्कूस 10:1

तेसुर येशू लानी यहूदिया लुङ्‍बा ताङ यर्दन चङ्‍बी फर्केन फेप्‍सुङ। ते येलुङ मी मङ्‍मु खोकी चाला जोम्‍सुङ। तमा खोकी नरी दोके क्‍यानी तिवाला येन्‍देन नाङ्‍सुङ।

लूका 2:47

ते खोकी ताम्‍ङे ङ्‍येन्‍दुपतिवा तेरी खोकी च्‍यु ताङ रिक्‍पा ताङ खोकी टिलेन ग्‍यकुप थोङ्‍नी हलेवा क्‍यासुङ।

लूका 4:15

खोकी यहूदी छ्‍योखाङतिवाला येन्‍देन नाङ्‍सुङ, तमा तेरी मीतिवी खोला सोवा तेक्‍सुङ।

यूहन्‍ना 6:42

तमा तिवी “दी याङ योसेफकी पुज्‍युङ येशू मिन रो? दीकी पपाआमा याङ दाक्‍पी ङो मेशेवी रो? च्‍यिला दीकी ‘ङ देवाच्‍येन नेमा पाम वावु यिन।’ सिनी सिक्‍यावु यिनाङ?” सिनी सिक्‍यासुङ।

यूहन्‍ना 7:15

खोकी नङ्‍गुप येन्‍देन थोसिमा यहूदी गोमा कितुप छ्‍येतिवा हलेवा लानी, “दी मी तीकी काङ मालाप सिनाङ चुक क्‍यानी दोजो येन्‍देन शेवु यिनाङ?” सिनी सिक्‍यासुङ।