मर्कूस 3:9 - कोन्छ्‌योककी सुङ

⁹ मी माङ्‍छ्‍योककी खोरुङला मेटेप्‍शी सिनी येशूकी लोमातिवाला खोरो थोक्‍ला टु च्‍यिक टडिक कि सिनी सुङ्‍सुङ।

मर्कूस 3:9 Iomraidhean Croise

मत्ती 15:39

तमा ती मी माङ्‍छ्‍योकला ताङ्‍सिमा येशू टुला जेनी मगादान लुङ्‍बा नेवा फेप्‍सुङ।

मर्कूस 4:1

येलुङ येशूकी ग्‍येम्‍छो गारीला सुङ लाप नाङ्‍सुङ। ते मी मङ्‍मु खोकी चाला जोम्‍बुप तप्‍की खो टुला जेनी ती टी नाङ्‍ला ज्‍युनी ग्‍येम्‍छो नेवा फेचेक फेप्‍सुङ। ती पेला मीतिवा तेरी ग्‍येम्‍छो गारीकी स कम्‍बुला देन्‍नोक।

मर्कूस 4:36

तमा लोमातिवी मी मङ्‍मुला क्‍युर ज्‍याक्‍नी येशू ज्‍यु वोतुप टुला जेनी खोकी मुला राङ ग्‍येम्‍छो फर्केन डोप छाल्‍सुङ। ती पेला यम्‍बा टुतिवा साङ खोतिवी मुला राङ गाल।

मर्कूस 5:2

येशू टु नेसुर थेन्‍दुप पेला डेकी कुलुप मी यी शेप मीला ज्‍योकुप टककी फुककी पर नेमा वानी खोला ठेसुङ।

मर्कूस 5:30

ती पेला येशूकी शार्क्येक खोरो जु नेसुर ओङ थेन्‍दुप ति हाक्‍कोनी फिल्‍दुङ्‍मा ग्‍युर्नी मी मङ्‍मुतिवाला “सी ङे मज्‍याला रेक्‍सुङ?” सिनी टिसुङ।

मर्कूस 6:32

तुक क्‍यानी खोतिवा तेसुर टुला जेनी कुसुमी दासाला गाल्‍सुङ।

लूका 5:1

ङ्‍यिम्‍ज्‍यिक येशू गनेसरेत सिरुप चोकी गारीला लानी ज्‍युनोक। ती पेला मी मङ्‍मु खोकी गारी गुरीला सुर्तुम ग्‍यकिन वानी कोन्‍छ्‍योककी सुङ ङ्‍येनिन नोक।

लूका 5:3

खो ते वोतुप टु ङ्‍यीकी पर्ला सिमोनकी टुला जेनी तीला टु ति चोकी गारी नेमा चेयी फेचेक क्‍योल सिनी सुङ्‍सुङ। तमा खो ति टुला राङ ज्‍युनी मी मङ्‍मुला सुङ लाप नाङ्‍सुङ।

यूहन्‍ना 6:15

तमा येशूकी मीतिवी खोरुङला उर्च्युम ग्‍यप्‍नी टि गल्‍नी ग्‍येल्‍वु जोप छोलिन नोक सिरुप हाक्‍कोनी खो खरक्‍पा सोक सिरा तेसुर थेन्‍नी च्‍यिक राङ पम्‍दोक नेवा लोक्‍नी फेप्‍सुङ।