मर्कूस 3:8 - कोन्छ्‌योककी सुङ

⁸ ती पेला यहूदिया ताङ यरूशलेम ताङ इदुमिआ ताङ यर्दनकी फर्केन नेसुर ताङ टुरोस ताङ सीदोनकी गारी गुरी नेमा साङ मी माङ्‍छ्‍योक येशूकी क्‍यावु हलेवु लाकाकी कोर्ला थोनी खोकी चाला लेसुङ।

मर्कूस 3:8 Iomraidhean Croise

मत्ती 11:21

“ओ, खोराजीनकी मीतिवा, ख्‍यिराङला मोताप सुकितो! ओ बेथसेदाकी मीतिवा, ख्‍यिराङला मोताप सुकितो! ख्‍यिरा पर्ला क्‍यावु हलेवु लाकातिवा टुरोस ताङ सीदोनला क्‍यावु यिन्‍सिन तेकी मीतिवा गोमाला के रा र्‍होक्‍पुकी मज्‍या कोन्‍नी खोरो गोला थल्‍जाम लुक्‍नी दिक्‍पा ने सेम ग्‍युरुप्‍जा।

मत्ती 4:25

तुक क्‍यानी गालील लुङ्‍बा ताङ डेकोपोलिस ग्‍येसा ताङ यरूशलेम ग्‍येसा ताङ यहूदिया लुङ्‍बा ताङ यर्दन चङ्‍बु फर्केन नेज्‍युन मी मङ्‍मु खोकी तिङ्‍ला तिङ्‍यासुङ।

मर्कूस 7:24

तेसुर येशू टुरोसकी लुङ्‍बा नेवा फेप्‍सुङ। तमा खो खाङ्‍बा यी नाङ्‍ला शुनी सी साङ हाक्‍मोकोशी सिनी ते ज्‍युवु नो क्‍यासुङ, यिने खो यिप्‍नी ज्‍यु माथुप।

मर्कूस 7:31

येलुङ येशू टुरोस नेसुर सीदोनला फेप्‍नी तेसुर गालील ग्‍येम्‍छो नेसुर क्‍यानी डेकापोलिस ग्‍येसाला फेप्‍सुङ।

लूका 6:17

ती ज्‍युक्‍ला येशू लोमातिवा ताङ मुला पम्दोक नेमा मर पाप्‍नी दिङ्‍मा यीला लानी ज्‍युसुङ। ते खोकी यम्‍बा लोमातिवा साङ बङी नोक। तमा तेरी यहूदिया, यरूशलेम, टुरोस ताङ सीदोनकी ग्‍येम्‍छोकी गारी गुरी नेसुर वावु मीतिवा साङ बङी नोक।