मर्कूस 3:10 - कोन्छ्‌योककी सुङ

¹⁰ च्‍यिलासिसिन खोकी मी मङ्मुला टेक च्‍यितुप तप्‍की नेर्पुतिवा तेरी खोला रेक्‍शी सिनी खोकी चाला सुर्तुम ग्‍यकिन नोक।

मर्कूस 3:10 Iomraidhean Croise

मत्ती 12:15

तिवी खोरो तेन्‍दोकला केवुल क्‍यावु ति येशूकी हाक्‍कोनी खो तेसुर फेप्‍सुङ। यिने मी माङ्‍छ्‍योक खोकी तिङ्‍ला तिङ्‍यासुङ। तमा खोकी तिवी पर्ला वोतुप नेर्पुतिवा तेरीला टेक च्‍यिसुङ।

मत्ती 14:14

येशू ग्‍येम्‍छो गारीला लेप्‍नी टु नेसुर थेन्‍सुङ। तमा मी माङ्‍छ्‍योकला थोङ्‍नी खोकी सेमला छासे च्‍यम्‍बा लानी तिवी पर्ला वोतुप नेर्पुतिवाला टेक च्‍यिसुङ।

मत्ती 14:36

तिवी येशूकी नम्‍साकी गारीला तिराङ यिन्‍सिनाङ रेकुप ङ्‍ये च्‍यी सिनी खोला गोङ्‍बा शुसुङ। तमा सी खोकी नम्‍साला रेक्‍वे, तिवा तेरी टेक्‍सुङ।

मत्ती 4:23

येशू गालील लुङ्‍बा तेरी कोरा ग्‍यकिन सिरा यहूदी छ्‍योखाङला सुङ लाप नङ्‍गुप ताङ कोन्‍छ्‍योककी ग्‍येल्‍खापकी कोर्ला लेन ल्‍यामु ख्‍याप्‍टाक कियी नम्‍बा बङीकी नेर्पुतिवा ताङ अमोछ्‍योवुतिवा तेरीला टेक च्‍यिसुङ।

मर्कूस 5:34

तमा येशूकी तीला सुङ्‍सुङ, “पुमो, ख्‍योरो ङला तेपा क्‍यावु तप्‍की ख्‍युरुङ टेक्‍सुङ। लोदिमु क्‍यानी ग्‍युक। तमा तफेन्‍ला ख्‍युरुङ नाम्‍साङ दुक्‍पाला मेख्‍येल्‍शिता।”

मर्कूस 6:56

तमा खो युल ताङ ग्‍येसा ताङ कनी कनी फेप्‍सिनाङ तेकी मीतिवी मी नेर्पुतिवाला हाला ज्‍याक्‍नी खोकी नम्‍सी गारीला यिन्‍सिनाङ रेकुप ङ्‍ये च्‍यी सिनी गोङ्‍बा शुसुङ। तमा खोकी नम्‍सी गारीला रेकुपतिवा तेरीकी खोप्‍रे नेजु ति टेक्‍सुङ।

मर्कूस 8:22

ती ज्‍युक्‍ला येशू खोरे लोमातिवी मुला बेथसेदाला लेप्‍सुङ। ते मीतिवी मिक मोथोङ्‍गुप मी यीला खोकी चाला टि वानी तीला रेक नाङ सिनी खोला गोङ्‍बा शुसुङ।

लूका 5:3

खो ते वोतुप टु ङ्‍यीकी पर्ला सिमोनकी टुला जेनी तीला टु ति चोकी गारी नेमा चेयी फेचेक क्‍योल सिनी सुङ्‍सुङ। तमा खो ति टुला राङ ज्‍युनी मी मङ्‍मुला सुङ लाप नाङ्‍सुङ।

लूका 6:19

तेरी मीतिवा येशूला रेकुप छोल्‍गिनोक, च्‍यिलासिसिन खो नेमा ओङ थेन्‍नी तिवा तेरीला टेक च्‍यिसुङ।

लूका 7:2

ते रोमी मक्‍मी सयी च्‍यिककी खकी छ्‍ये यीकी छासे ङ्‍यिङ्‍ज्‍येवु लावा यी नानी शिला के नोक।

लूका 7:21

ती पेला राङ येशूकी नेजु वोतुपतिवा ताङ दुक्‍पाला ख्‍येलुपतिवा ताङ डेकी कुलुपतिवा बङीला टेक च्‍यि नोक, तमा मिक मोथोङ्‍गुपतिवाला मिक थोङ च्‍यि नोक।

लोमा छ्‍येतिवी लाका 5:15

तमा मीतिवी पत्रुस युकुप लामला नेर्पुतिवा खुन वानी पत्रुस वुङ्‍गुप पेला खोकी र्‍हिप्‍च्‍याङ तिराङ यिन्‍सिनाङ तिवी खला ख्‍येल्‍शी नोनी सप्‍तेन ताङ ठीकी खला नेर्पुतिवाला ङ्‍याल्‍नी ज्‍योकिनोक।

हिब्रू 12:6

च्‍यिलासिसिन खोकी सुला ङ्‍यिङ्‍ज्‍ये क्‍या नङ्‍गिवे, तीला पर्च्या साङ तेर्किवी। तमा खोकी खोरे पुज्‍युङ सिनी चिवुतिवाला छ्‍येर्पा साङ तेर्किवी।”