मर्कूस 2:8 - कोन्छ्‌योककी सुङ

⁸ येशूकी तिवी सेमला दुकै नासाम तङ्‍गुप ति शार्क्येक हाक्‍कोनी तिवाला सुङ्‍सुङ, “ख्‍यिरा च्‍यिला दुका नासाम तोङ्‍गिवी?

मर्कूस 2:8 Iomraidhean Croise

मत्ती 12:15

तिवी खोरो तेन्‍दोकला केवुल क्‍यावु ति येशूकी हाक्‍कोनी खो तेसुर फेप्‍सुङ। यिने मी माङ्‍छ्‍योक खोकी तिङ्‍ला तिङ्‍यासुङ। तमा खोकी तिवी पर्ला वोतुप नेर्पुतिवा तेरीला टेक च्‍यिसुङ।

मत्ती 16:7

खोकी तुक सुङ्‍सिमा लोमातिवी खोप्‍रे पर्ला “दाक्‍पी मुला शुब्‍ज्‍याङ खुर माङुवु तप्‍की खोकी तुक सुङ्‍गुप यिन्‍दे।” सिनी मुक्‍तम तेन्‍सुङ।

मत्ती 9:4

तिवी तुका नासाम तङ्‍गुप ति येशूकी हाक्‍कोनी तिवाला दुक सुङ्‍सुङ, “ख्‍यिराङ च्‍यिला दुका नासाम मेलोवा तोङ्‍गिवी?

मर्कूस 2:7

“च्‍यिला दी मी तीकी दुका ताम्‍ङे कि ताङ? दीकी याङ कोन्‍छ्‍योकला के मारे तोङ्‍गिनोक। कोन्‍छ्‍योक मिसिन सी दिक्‍पातिवा ता ज्‍यि थुप्‍किवी?”

मर्कूस 2:9

दी लाक्‍पा काङ्‍बा शोरुप मीला ‘ख्‍योरो दिक्‍पातिवा तासुङ।’ सिरुप ताङ ‘ख्‍योरो सप्‍तेन खुर्नी ग्‍युक।’ सिरुप ताम्‍ङे नाङ ने चुका ति जोल्‍हमु यिनाङ?

मर्कूस 7:21

मी सेमगी नाङ नेमा थेन्‍दुप सेम नक्‍पुतिवा ति दिवा राङ यिन। छ्‍येवु छ्‍येमु कितुप, कुन कितुप, मी सेतुप, शम्‍डेन कितुप,

लूका 24:38

यिने खोकी तिवाला सुङ्‍सुङ, “ख्‍यिराङ च्‍यिला ज्‍यिवा किवी? ख्‍यिरा सेमला च्‍यिला यिन्‍दे मिन्‍दे नोकिवी?

लूका 5:22

येशूकी तिवी नासाम हाक्‍कोनी तिवाला टि नाङ्‍सुङ, “ख्‍यिरा सेमला च्‍यिला दुका नासाम तोङ्‍गिवी?

लूका 6:8

येशूकी तिवी काङ नासाम तङ्‍गुप ति हाक्‍कोनी ती लाक्‍पा कम्‍बु ठोक गलुप मी तीला “ख्‍युरुङ लानी तेरी मीतिवी पर्ला टङी दे।” सिनी सुङ्‍सुङ। खोकी तुक सुङ्‍सिमा ती मी ति लानी ते टङी देसुङ।

यूहन्‍ना 21:17

तमा थेङ्‍मा सुम्‍बाला येशूकी पत्रुसला “यूहन्‍नाकी पुज्‍युङ सिमोन, काङ ख्‍युरुङ ङला ङ्‍यिङ्‍ज्‍ये किवी?” सिनी टि नाङ्‍सुङ। खोकी थेङ्‍मा सुम सेक “ख्‍योरो ङला ङ्‍यिङ्‍ज्‍ये किवी?” सिनी टिन नङ्‍सिमा पत्रुसला छासे पप लानी येशूला “चोवो, चोवोला राङ तेरी छ्‍या वे। चोवोला ङे ङ्‍यिङ्‍ज्‍ये क्‍यावु ति चोवोला राङ छ्‍या वे।” सिनी सिक्‍यासुङ। येलुङ येशूकी पत्रुसला सुङ्‍सुङ, “ख्‍योरो ङे लुकतिवाला चोसा।

यूहन्‍ना 6:64

यिने ख्‍यिरा पर्ला मी ललाइ ति ङला तेपा राङ मिकिवी।” तमा गोमाला नेज्‍युन खोरुङला तेपा मिकिवुतिवा सु सु यिन, तमा क्‍येन तेरुपतिवा सु सु यिन सिनी खोला छ्‍या नोक।

लोमा छ्‍येतिवी लाका 5:3

यिने पत्रुसकी हननियाला सिक्‍यासुङ, “ओ हननिया, कोन्‍छ्‍योककी थु चाङ्‍माला जिनोक जोनी शिङ चोवु टङ्‍गा चेयी ति खोरो लोला ज्‍योकुप नासाम ति चुक क्‍यानी ख्‍योरो सेमला शैतानकी ज्‍याक बिन्‍सुङ?

लोमा छ्‍येतिवी लाका 8:22

ख्‍युरुङ दी सेम मेटेङ्‍बु कितुप लाका क्‍युर्नी कोन्‍छ्‍योकला मोपोर की! तुक क्‍यासिन ख्‍योरो सेमगी ताम्‍ङे मेलोक्‍पातिवाला खोकी माफ नङ्‍गिते यिन्‍दे।

हिब्रू 4:13

कोन्‍छ्‍योककी ज्‍येवु च्‍यालकतिवी नाङ्‍ला खोकी थोङ मुथुपुप ति काङ साङ मे। खोकी थोङ्‍दाङला तेरी ताम्‍ङेतिवा ठछ्‍येली थोङ्‍गिवी। तमा खोला राङ दाक दाक्‍पी क्‍यावु लाकाकी कोर्ला तेरी ताम्‍ङे टेङ्‍बु कि गोकी।

ज्‍यल्‍का 2:23

तुक राङ क्‍यानी तीकी पुज्‍युङपुमतिवाला साङ शि ज्‍यितिनो। तमा मी तेरीकी सेम ताङ नासाम हाक्‍कोवु ति ङ राङ यिनोक सिनी चर्च तेरीकी हाक्‍कोकितो। तमा ङ ख्‍यिराङला लाका ल्‍यामु क्‍यावुतिवाला छ्‍यक्‍तक ल्‍यामु तेरिनो, लाका मेलोवा कितुपतिवाला पर्च्या तोङ्‍यिनो।