मर्कूस 2:5 - कोन्छ्‌योककी सुङ

⁵ तिवी तेपा थोङ्‍नी येशूकी ती लाक्‍पा काङ्‍बा शोरुप मी तीला सुङ्‍सुङ, “पुज्‍यो! ख्‍योरो दिक्‍पातिवा तासुङ।”

मर्कूस 2:5 Iomraidhean Croise

मत्ती 9:2

ते मीतिवी सप्‍तेन खला ङ्‍यिलोकुप लाक्‍पा काङ्‍बा शोरुप मी यीला खोकी चाला खुर्नी वासुङ। तिवी तेपा थोङ्‍नी येशूकी ती लाक्‍पा काङ्‍बा शोरुप तीला “ओ पुज्‍यो, ङाडेङ की। ख्‍योरो दिक्‍पा तानी वे।” सिनी सुङ्‍सुङ।

मत्ती 9:22

तमा येशू ख्‍युर ग्‍युर्नी ती पुम्‍पेजा तीला ल्‍हानी, “ओ पुमो, ख्‍युरुङ ङाडेङ की। ख्‍योरो तेपा क्‍यावु तप्‍की ख्‍युरुङ टेक्‍सुङ।” सिनी सुङ्‍सुङ। खोकी तुक सुङ्‍लुङ्‍मे ती पुम्‍पेजा ति टेक्‍सुङ।

मत्ती 9:5

‘ख्‍योरो दिक्‍पा तासुङ।’ सिरुप ताम्‍ङे ताङ ‘ख्‍युरुङ लानी यु।’ सिरुप ताम्‍ङे नाङ्‍ला चुका ति मङ जोल्‍हमु यिन?

मर्कूस 2:6

दी थोनी ते वोतुप यहूदी छ्‍योकी गेकेनतिवी खोप्‍रे सेमला दुक सिनी नासाम ताङ्‍नोक,

मर्कूस 5:34

तमा येशूकी तीला सुङ्‍सुङ, “पुमो, ख्‍योरो ङला तेपा क्‍यावु तप्‍की ख्‍युरुङ टेक्‍सुङ। लोदिमु क्‍यानी ग्‍युक। तमा तफेन्‍ला ख्‍युरुङ नाम्‍साङ दुक्‍पाला मेख्‍येल्‍शिता।”

लूका 5:20

तमा येशूकी तिवी तेपा थोङ्‍नी सुङ्‍सुङ, “ओ आङो, ख्‍योरो दिक्‍पा तासुङ।”

लूका 8:48

येशूकी ती पुम्‍पेजाला “पुमो, ख्‍योरो तेपा क्‍यावु तप्‍की ख्‍युरुङ टेक्‍सुङ। त लोदिमु क्‍यानी ग्‍युक।” सिनी सुङ्‍सुङ।

यूहन्‍ना 2:25

मीतिवा चुकै वे सिनी सी साङ खोला लोप मोगोनोक, च्‍यिलासिसिन मीतिवी सेमला काङ वे सिरुप ति खोला छ्‍या नोक।

यूहन्‍ना 5:14

ती ज्‍युक्‍ला येशूकी ती मी तीला यहूदी ल्‍हङाङला ठेसुङ, तमा तीला “ल्‍होसा, त ख्‍युरुङ टेक्‍सुङ, तफेन्‍ला दिक्‍पा माकिता। मिसियाङ ख्‍युरुङला मङ मेलोक्‍पा ख्‍येल्गितो।” सिनी सुङ्‍सुङ।

लोमा छ्‍येतिवी लाका 11:23

बारनाबास ते लेप्‍सिमा तेकी मीतिवाला कोन्‍छ्‍योककी कटिन थोपुप थोङ्‍नी गा क्‍यासुङ। तमा सेमगी दिङ नेज्‍युनी चोवो येशूला तेपा रम्‍बु क्‍यानी दे गोकितो सिनी तिवाला टोङ्‍गु बिन्‍सुङ।

लोमा छ्‍येतिवी लाका 14:9

पावलकी सुङ ख्‍याप्‍टाक कियी वोतुप पेला तीकी ङ्‍येन्‍नी देसुङ। तमा पावलकी तीला केरी ल्‍हासिमा तीकी सेमला “ङ टेक थुप्‍किवी।” सिरुप तेपा वोतुप थोङ्‍नी

लोमा छ्‍येतिवी लाका 5:31

तमा इस्राएलकी मीतिवाला सेम ग्‍युर ज्‍यितुपला ताङ तिवाला तिवी दिक्‍पा ता ज्‍यितुपला खोला राङ ग्‍येल्‍वु ताङ दिक्‍पा ने थर ज्‍यितुप जोनी कोन्‍छ्‍योककी यावी थाकाला चोछ्‍येवु जोनी ज्‍याक्‍सुङ।

१ कोरिन्‍थी 11:30

तुकै यिन्‍दुप तप्‍की ख्‍यिरा पर्ला ललाइ ति जुला रम्‍बु मेतुप ताङ काङ साङ कि मुथुपुप ताङ ललाइ ति नेर्पु गल वे। तमा मिरा चो ति शिसुङ।

२ कोरिन्थी 2:10

ख्‍यिरा सुला माफ तेर्किवे, ङ साङ तीला माफ तेरिनो। दोजो ङे ललाइला काङ रे च्‍यिक रे ताम्‍ङेला माफ बिन्‍सिन ती ति ख्रीष्‍टकी थोङ्‍दाङला ख्‍यिरा थोक्‍ला ङे माफ बिन्‍दुप यिन।

एफिसी 2:8

च्‍यिलासिसिन दाक्‍पी खोला तेपा क्‍यानी खोकी कटिनकी राङ दाक्‍पु दिक्‍पा ने थरुप यिन। दी ति दाक्‍पी ङारकी ङ्‍येतुप मिन, यिने कोन्‍छ्‌योक नेमा थोपुप ङ्‍येम्‍बा यिन।

कलस्सी 3:13

मी ललाइकी ख्‍यिरा तेन्‍दोकला लानी काङ रे च्‍यिक रे ताम्‍ङे क्‍यासिन ख्‍यिराङ च्‍यिककी च्‍यिकला हम क्‍यानी तीला माफ बिन। चोवोकी ख्‍यिराङला माफ नङ्‍गुप दोके ख्‍यिरा साङ माफ तेर गोकिवी।

याकूब 5:15

तेपा क्‍यानी मोपोर क्‍यासिन नेर्पु टेकिवी, तमा कोन्‍छ्‍योककी ती नेर्पुला येर लोङ्‍गिवी। तीकी दिक्‍पा क्‍या वोसिनाङ तीकी क्‍यावु दिक्‍पा ति माफ ङ्‍येकिवी।