मर्कूस 16:2 - कोन्छ्‌योककी सुङ

² तमा ती सला तीला दिन्‍जाकी ङ्‍यिमा थल्‍माला टोपला टेताङ ङ्‍यिमा शरुप पेला तिवा शेप मीला ज्‍योकुप टककी फुककी चाला गाल्‍सुङ।

मर्कूस 16:2 Iomraidhean Croise

मत्ती 28:1

ङासोप ङ्‍यिमा सिन्‍सिमा जा ङ्‍यिमी टोपला टेताङ मरियम मग्‍दलिनी ताङ यम्‍बा मरियम ति येशूकी फुङ्‍बु ज्‍यकुप टककी फुकला ल्‍हापला गाल्‍नोक।

मर्कूस 16:1

ङासोप ङ्‍यिमा सिन्‍सिमा ती गोमु मरियम मग्‍दलिनी ताङ याकूबकी आमा मरियम ताङ सलोमीकी येशूकी फुङ्‍बुला कुतुपला टि जङ्‍बु खाप नुम ङ्‍योसुङ।

मर्कूस 16:3

डोप पेला तिवी “ती फुककी खला च्‍येतुप दो ति सी दोनी तेर्किवी?” सिनी च्‍यिककी च्‍यिकला सिक्‍यासुङ।

लूका 24:1

दिन्‍जाकी ङ्‍यिमा थल्‍माला टोपला टेताङ ती पुम्‍पेजातिवा खोप्‍रे टडिक क्‍यावु टी जङ्‍बु खाप फे ताङ नुम खुर्नी येशूकी फुङ्‍बु ज्‍यकुप टककी फुकला गाल।

यूहन्‍ना 20:1

दिन्‍जाकी ङ्‍यिमा थल्‍माला टोपला टेताङ मरियम मग्‍दलिनी ति येशूकी फुङ्‍बु ज्‍यकुप टककी फुकला गाल। ते गल्‍नी ल्‍हासालेन्‍सिन ती टककी फुककी खला च्‍येनी ज्‍यकुप दो ति तेसुर दोवु ति तीकी थोङ्‍नोक।