मर्कूस 12:1 - कोन्छ्‌योककी सुङ

¹ येलुङ येशूकी तिवाला पे नेसुर दुक सुङ्‍सुङ, “मी मिरा च्‍यिककी गुन्‍डुम शिङ जोनी तीकी गारी गुरीला खोर क्‍यासुङ। तमा गुन्‍डुम चिरुप समा ज्‍योकुपला मुक्‍तुम टुनी गुन्‍डुम शिङ र्‍हेन्‍दुप मतेन यी जोसुङ। ती ज्‍युक्‍ला गुन्‍डुम शिङ ति पिज्‍यिङ्‍बातिवाला तङ ज्‍याक्‍नी खोरुङ ति थाक्‍रिङ्‍बु मी लुङ्‍बाला गाल।

मर्कूस 12:1 Iomraidhean Croise

मत्ती 13:3

खोकी तिवाला पे नेसुर ताम्‍ङे बङी शेन नाङ्‍सुङ, “ङ्‍येना, ङ्‍यिम्‍ज्‍यिक सेन देपुप मी यी सेन देपुपला शिङ खला थेन्‍सुङ।

मत्ती 21:28

तमा येलुङ येशूकी सुङ्‍सुङ, “ख्‍यिरा दी पेकी कोर्ला चुकै नासाम तोङ्‍गिवी? मी मिरा च्‍यिककी ति पुज्‍युङ पिन ङ्‍यी नोक। तीकी खोरो पुज्‍युङ छ्‍ये तीला गल्‍नी, ‘पुज्‍यो, ख्‍युरुङ हारिङ गुन्‍डुम शिङ खला गल्‍नी लाका की।’ सिनी सिक्‍यासुङ।

मत्ती 21:33

येलुङ येशूकी यम्‍बा दुका पे यी साङ शेन नाङ्‍सुङ, “दासा यीला शिङ ज्‍यिन्‍दाक यी नोक। तीकी खोरो शिङ खला गुन्‍डुम चुसिमा तीकी गारी गुरीला खोर क्‍यानोक। तमा ती खोरकी नाङ्‍ला गुन्‍डुम ख्‍वो चिरुपला मुक्‍तुम टुसुङ, तमा र्‍हेन्‍दुप मतेन जोसुङ। ती ज्‍युक्‍ला ती शिङ ति पिज्‍यिङ्‍बातिवाला पिज्‍यिङला तङ ज्‍याक्‍नी ती ति मी लुङ्‍बा गाल्‍सुङ।

मत्ती 21:34

गुन्‍डुम छोनी रुकुप पेला तीकी खोरुङला थोपुप गुन्‍डुम लङ्‍गुपला खोरो लावातिवाला पिज्‍यिङ्‍बातिवी ते ताङ्‍सुङ।

मत्ती 25:14

“येलुङ देवाच्‍येनकी ग्‍येल्‍खाप ति मी लुङ्‍बा डोप पेला खोरो लावातिवाला कताङ्‍नी खोरो नोर टोङ्‍बा ति चेक तेतुप मी मिरा च्‍यिककी पे दोके यिन।

मर्कूस 11:33

तुक क्‍यानी तिवी येशूला “ङ्‍यिराङला याङ छ्‍या राङ मे।” सिनी सिक्‍यासुङ। तमा येशूकी तिवाला सुङ्‍सुङ, “तुकै यिन्‍सिन ङ साङ सी ओङ्‍ज्‍येन नेमा दी लाका कियी वे सिनी ख्‍यिराङला मिसिर।”

मर्कूस 13:34

दी ताम्‍ङे ति मी मिरा च्‍यिककी खोरो लावातिवाला दाक दाक्‍पी कि गोवु लाका चेक तेनी खाङ्‍बा र्‍हेन्‍दुप तीला ति चेर्मु क्‍यानी ल्‍हटे की सिनी खुरुङ ति मी लुङ्‍बा गलुप दोके यिन।

मर्कूस 3:23

ती थोनी येशूकी तिवाला खोरो चाला कताङ्‍नी पे नेसुर दुक सुङ्‍सुङ, “चुक क्‍यानी शैतानकी शैतानला थेन थुप्‍किवी रो?

मर्कूस 4:2

तमा खोकी तिवाला पे नेसुर सुङ मङ्‍मु लाप नाङ्‍सुङ। खोकी तिवाला दुक सुङ्‍सुङ,

लूका 15:13

तमा ङ्‍यिमा चेयी ज्‍युक्‍ला ती पुज्‍युङ छ्‍युङा ति खोरुङला थोपुप टोङ्‍बा ति तेरी रुनी थाक्‍रिङ्‍बु लुङ्‍बाला गाल। ते गल्‍नी तीकी सेम नोजु क्‍यानी खोरो टोङ्‍बा ति तेरी ना ताङ्‍सुङ।

लूका 19:12

तमा खोकी सुङ्‍सुङ, “मी छ्‍ये मिरा च्‍यिक खोरो लुङ्‍बी ग्‍येल्‍वी ओङ थोप्‍नी वुङ्‍गुपला थाक्‍रिङ्‍बो मी लुङ्‍बा गाल्‍सुङ।

लूका 22:9

तमा तिवी खोला टिसुङ, “ङ्‍यिराङ कनी गल्‍नी डेन टडिक कितुप ति गेकेनकी नो वे?”

लूका 8:10

तमा खोकी तिवाला सुङ्‍सुङ, “ख्‍यिराङला याङ कोन्‍छ्‍योककी ग्‍येल्‍खापकी छ्‍याककी ताम्‍ङे हाक्‍कोवु रिक्‍पा बिन वे। यिने मी यम्‍बातिवाला याङ ङ पेतिवा नेसुर शेतिन। तुक क्‍यावु ति ‘तिवी ल्‍हासिनाङ मोथोङ्‍शी, तमा थोसिनाङ हाक्‍मोकोशी सिनी यिन।’”

लोमा छ्‍येतिवी लाका 7:38

ती मोशाकी राङ दाक्‍पी हङ्‍गावातिवाला दासा पाङ्‍थेरीला टिनी वासुङ। तमा सीनै रीला देवाच्‍येनकी लेन क्‍योलुप थुकी मोशा ताङ मुला ताम्‍ङे लाप्‍सुङ। ते राङ सुङ टेङ्‍बु ति मोशाला थोप्‍नी दाक्‍पुला बिन्‍दुप यिन।