मर्कूस 10:1 - कोन्छ्‌योककी सुङ

¹ तेसुर येशू लानी यहूदिया लुङ्‍बा ताङ यर्दन चङ्‍बी फर्केन फेप्‍सुङ। ते येलुङ मी मङ्‍मु खोकी चाला जोम्‍सुङ। तमा खोकी नरी दोके क्‍यानी तिवाला येन्‍देन नाङ्‍सुङ।

मर्कूस 10:1 Iomraidhean Croise

मत्ती 26:55

तमा येशूकी खोरुङला जिम वावुतिवाला सुङ्‍सुङ, “ख्‍यिराङ च्‍यिला च्‍याक्‍पा जिम्‍बुप दोके क्‍यानी खुर्पा ताङ लकाम खुर्नी ङला जिम वावु? ङ ङ्‍यिमी टेङ यहूदी ल्‍हङाङला येन्‍देन बिन्‍सिनाङ ख्‍यिरा ङला माजिम।

मत्ती 4:23

येशू गालील लुङ्‍बा तेरी कोरा ग्‍यकिन सिरा यहूदी छ्‍योखाङला सुङ लाप नङ्‍गुप ताङ कोन्‍छ्‍योककी ग्‍येल्‍खापकी कोर्ला लेन ल्‍यामु ख्‍याप्‍टाक कियी नम्‍बा बङीकी नेर्पुतिवा ताङ अमोछ्‍योवुतिवा तेरीला टेक च्‍यिसुङ।

मर्कूस 1:21

येशू खोरो लोमातिवी मुला कफर्नहुम ग्‍येसाला फेप्‍सुङ। तमा ङासोप ङ्‍यिमाला खो यहूदी छ्‍योखाङला फेप्‍नी मीतिवाला येन्‍देन नाङ्‍सुङ।

मर्कूस 10:2

ती पेला फरिसीतिवा खोला खोक्‍पा ल्‍हापला खोकी चाला वानी, “ख्‍योवी खोरो पेर्मी क्‍युर्नी ज्‍योकुप ति ठिमला गिवी ताङ मेङ्‍गिवी?” सिनी टिसुङ।

मर्कूस 12:35

तमा येशूकी यहूदी ल्‍हङाङला येन्‍देन लोपिन कितुप पेला खोकी दुक सुङ्‍सुङ, “च्‍यिला यहूदी छ्‍योकी गेकेनतिवी ख्रीष्‍ट ति दाऊदकी गिपा यिन सिनी सिवी?

मर्कूस 14:49

ङ ङ्‍यिमी टेङ यहूदी ल्‍हङाङला ख्‍यिरा मुला देनी मीतिवाला लाप्‍सिनाङ ख्‍यिरा ङला माजिम। यिने कोन्‍छ्‍योककी सुङला टिवु ति तेरी छेवुला दुकै च्‍युङ्‍गुप यिन।”

मर्कूस 2:13

ती ज्‍युक्‍ला येशू येलुङ ग्‍येम्‍छोकी गारीला फेप्‍सुङ। ते मी बङी खोकी चाला जोम्‍सालेन्‍सिन खोकी तिवाला येन्‍देन नाङ्‍सुङ।

मर्कूस 4:2

तमा खोकी तिवाला पे नेसुर सुङ मङ्‍मु लाप नाङ्‍सुङ। खोकी तिवाला दुक सुङ्‍सुङ,

मर्कूस 6:2

ङासोप ङ्‍यिमाला खो यहूदी छ्‍योखाङला फेप्‍नी येन्‍देन नाङ्‍सुङ। ते मी मङ्‍मुकी खोकी येन्‍देन थोनी हलेवा क्‍यासुङ। तमा तिवी “दी मी तीकी दुका ताम्‍ङेतिवा कनी नेसुर लापुप यिनाङ? दी मीला वोतुप रिक्‍पा ति चुका पारकी यिन? दीकी चुक क्‍यानी दुका हलेवु लाका क्‍यावु यिनाङ?

मर्कूस 6:34

तमा येशू टु नेमा थेन्‍नी मी मङ्‍मुला ल्‍हासालेन्‍सिन तिवा गोठाला मेतुप लुक दोके नोक नोनी तिवाला च्‍यम्‍बा लानी येन्‍देन बङी नाङ्‍सुङ।

मर्कूस 6:6

तिवी तेपा माक्‍यावु थोङ्‍नी खो हलेवा क्‍यासुङ। तमा येशू युल युलला फेप्‍नी येन्‍देन नाङ्‍सुङ।

यूहन्‍ना 10:40

तेसुर येशू येलुङ यर्दन चङ्‍बी फर्केन फेप्‍सुङ। ती दासा ति थल्‍माला यूहन्‍नाकी मीतिवाला बप्‍तिस्‍मा बिन्‍दुप दासा यिनोक। तमा खो ते राङ ज्‍युसुङ।

यूहन्‍ना 11:7

तमा ती ज्‍युक्‍ला खोकी खोरे लोमातिवाला “लो, त दाक्‍पु येलुङ यहूदियाला राङ लोक्‍नी डोप।” सिनी सुङ्‍सुङ।

यूहन्‍ना 18:20

येशूकी “ङे मी तेरीकी मिङ्‍गाला राङ सिक्यायिन। ङे तेरी यहूदीतिवा जोम्बुप यहूदी छ्‍योखाङतिवा ताङ यहूदी ल्‍हङाङला नरी येन्‍देन लापिन। ङे काङ ताम्‍ङे साङ छ्‍याकला सि माक्‍या वे।