मर्कूस 1:41 - कोन्छ्‌योककी सुङ

⁴¹ तमा खोकी तीला ङ्‍यिङ्‍ज्‍ये लानी छ्‍याक क्‍याङ्‍नी तीला रेक्‍नी दुक सुङ्‍सुङ, “ङला नो वे, ख्‍युरुङ टेक्‍शी।”

मर्कूस 1:41 Iomraidhean Croise

मत्ती 9:36

मी माङ्‍छ्‍योक थोङ्‍सिमा येशूकी सेमला छासे ङ्‍यिङ्‍ज्‍ये लानोक, च्‍यिलासिसिन तिवा गोठाला मेतुप लुक दोके दुक्‍पा ङ्‍येन्‍नी यर्मिन मर्मिन गाल्‍नोक।

मर्कूस 1:40

ती पेला जे ग्‍यपुप मी मिरा च्‍यिक येशूकी चाला वानी पुमुङ सला चुनी दुक सिनी गोङ्‍बा शुसुङ, “गेकेनकी नो वोसिन ङला टेक ज्‍यि थुप्‍किवी।”

मर्कूस 1:42

खोकी तुक सुङ्‍लुङ्‍मे ती मी ति जे ग्‍यपुप नेजु नेसुर टेक्‍सुङ।

मर्कूस 4:39

तमा येशू लानी लुङ छ्‍यर्वाला वोरु तेन्‍नी ग्‍येम्‍छोकी छ्‍यी बालापला “कुसुमी दे! च्‍यपी दे!” सिनी सुङ्‍सुङ। तुक सुङ्‍लुङ्‍मे लुङ छ्‍यर्वा छ्‍येनी टाक्‍टुक कुसुमी गाल।

मर्कूस 5:41

तमा येशूकी ती पुमकी लाक्‍पाला जिम्‍नी सुङ्‍सुङ, “तालिता कूमी!” (दीकी तेन्‍दोक ति “पुमो, ङ ख्‍युरुङला सिरिन, खोक लो!” सिनी सिक्‍यावु यिन।)

मर्कूस 6:34

तमा येशू टु नेमा थेन्‍नी मी मङ्‍मुला ल्‍हासालेन्‍सिन तिवा गोठाला मेतुप लुक दोके नोक नोनी तिवाला च्‍यम्‍बा लानी येन्‍देन बङी नाङ्‍सुङ।

हिब्रू 1:3

खोकी सेवुकी कोन्‍छ्‍योककी मोवा छासे चोछ्‍येवु वोतुप ति छ्‍या देन्‍गिवी, तमा खो ति वुतुङ के कोन्‍छ्‍योक दोके राङ यिन। खोकी खोरो ङार छ्‍येवु सुङ नेसुर राङ स ताङ नामगी तेरी च्‍यालकतिवी खला ग्‍येला किवी। मीतिवाला दिक्‍पा ने थरुप लाका सिन्‍सिमा खो देवाच्‍येनला चोछ्‍येवु कोन्‍छ्‍योककी छ्‍याक यावी थाकाला ज्‍यु वे।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।

हिब्रू 4:15

खो दाक्‍पुला छेटाङ दुङल ख्‍येलुप पेला टोङ्‍गु तेर मुथुपुप कोङ्‍यार छ्‍ये मिन। च्‍यिलासिसिन खो ति दाक्‍पु दोके तेरी ताम्‍ङेला शैतानकी खोक्‍पा ल्‍हापला ख्‍येल्‍सुङ, यिन्‍सिनाङ खोकी दिक्‍पा माक्‍यासुङ।