मर्कूस 1:4 - कोन्छ्‌योककी सुङ

⁴ तमा बप्‍तिस्‍मा तेरुप यूहन्‍नाकी दासा पाङ्‍थेरीला वानी मीतिवाला दिक्‍पा ने थर्वा ङ्‍येतुपकी थोक्‍ला दिक्‍पा ने सेम ग्‍युरुप बप्‍तिस्‍माकी कोर्ला ख्‍याप्‍टाक क्‍यासुङ।

मर्कूस 1:4 Iomraidhean Croise

मत्ती 3:11

ङ याङ ख्‍यिराङला दिक्‍पा ने सेम ग्‍युरुपकी थोक्‍ला छ्‍यु थ्‍वोनी बप्‍तिस्‍मा तेरिन, यिने ङे तिङ्‍ला फेपुप ति ङ सिनाङ ओङ छ्‍येवु वे। तुक क्‍यानी ङ याङ खोकी शप्‍चे साङ खुर छ्‍योवु मे। खोकी ख्‍यिराङला चाङ्‍मा जोपला कोन्‍छ्‍योककी थु चाङ्‍मा ताङ मे थ्‍वोनी बप्‍तिस्‍मा नङ्‍गिवी।

मत्ती 3:6

ते तिवी खोप्‍राङ दिक्छेन यिन सिनी सेम ग्‍युर्सालेन्‍सिन यूहन्‍नाकी तिवाला यर्दन चङ्‍बी नाङ्‍ला बप्‍तिस्‍मा बिन्‍सुङ।

मर्कूस 1:5

तमा यहूदिया लुङ्‍बा ताङ यरूशलेमकी मीतिवा तेरी तीकी चाला गल्‍नी खोरो दिक्‍पा क्‍यावु यिन सिनी ती नेसुर यर्दन चङ्‍बुला बप्‍तिस्‍मा लासुङ।

लूका 1:77

तमा खोकी खोरो मीतिवी दिक्‍पा पङ्‍नी तिवाला थर्वा ङ्‍येकिवी सिरुप रिक्‍पा ख्‍युरुङ लोप्‍कितो।

यूहन्‍ना 3:23

तमा यूहन्‍नाकी साङ सालीम सिरुप दासाकी चाला वोतुप एनोनला मीतिवाला बप्‍तिस्‍मा तेर्किनोक, च्‍यिलासिसिन ते छ्‍यु बङी वोतुप तप्‍की यिन। मीतिवा ङ्‍यिमी टेङ यूहन्‍नाकी चाला वानी बप्‍तिस्‍मा लङ्‍गिनोक।

लोमा छ्‍येतिवी लाका 10:37

येलुङ ती सुङ ति यूहन्‍नाकी बप्‍तिस्‍माकी सेम ग्‍युरुप कोर्ला ख्‍याप्‍टाक क्‍यावु तिङ्‍ला गालील नेज्‍युन गो चुनी यहूदियाकी लुङ्‍बा तेरीला ख्‍याप्‍टाक क्‍यावु सुङ यिन।

लोमा छ्‍येतिवी लाका 22:16

त याङ ख्‍युरुङ च्‍यिला गुनी देकिवी? खोक लानी बप्‍तिस्‍मा लो। तमा खोकी मिङला रेन्‍नी ख्‍योरो दिक्‍पातिवा क्‍युर।’ सिनी सिक्‍यासुङ।