मर्कूस 1:25 - कोन्छ्‌योककी सुङ

²⁵ तमा येशूकी ती डेला वोरु तेन्‍नी सुङ्‍सुङ, “ख्‍युरुङ खरक्‍पा देनी ती मी नाङ नेसुर थेन ग्‍युक!”

मर्कूस 1:25 Iomraidhean Croise

मत्ती 9:30

खोकी तुक सुङ्‍लुङ्‍मे तिवी मिक ति शार्क्येक पेसुङ। तमा येशूकी तिवाला दी ताम्‍ङे ति सुला साङ मासिर सिनी क नाङ्‍सुङ।

मर्कूस 1:24

“ओ नासरतकी येशू, ख्‍युरुङ ङ्‍यिराङला काङ कितुप छोलुप यिन? काङ ख्‍युरुङ ङ्‍यिराङला ना तोङ्‍गुपला फेवु यिन? ख्‍युरुङ सु यिन सिनी ङला छ्‍या वे, ख्‍युरुङ कोन्‍छ्‍योककी तङ्‍गुप मी टेङ्‍बु यिन।”

मर्कूस 1:26

खोकी तुक सुङ्‍लुङ्‍मे ती डे ति ती मीला छासे र्‍हुक च्‍यिनी च्‍यार ग्‍येर्पु यी देनिन सिरा पाङ्‍ला थेन गाल।

मर्कूस 1:34

येशूकी नेजु नम्‍बा बङी वोतुप नेर्पुतिवाला टेक च्‍यिसुङ। तमा खोकी मीतिवी नाङ नेमा डेतिवा बङी तेन्‍सुङ। यिने येशूकी डेतिवाला ताम्‍ङे लप माच्‍यी, च्‍यिलासिसिन येशू सु यिन सिरुप ति तिवाला छ्‍या नोक।

मर्कूस 9:25

येशूकी मी मङ्‍मु सुर्तुम ग्‍यप्‍नी खोरो चाला वुङ्‍गुप थोङ्‍सिमा ती डे तीला वोरु तेन्‍नी, “ओ कुवा ताङ वोन्बा जोप डे, ङ ख्‍युरुङला सिरिन, ती पेजी नाङ नेमा थेन ग्‍युक। तफेन्‍ला तीकी नाङ्‍ला नाम्‍साङ माशुक।” सिनी सुङ्‍सुङ।

लूका 4:35

तमा येशूकी तीला वोरु तेन्‍नी, “खरक्‍पा दे! ती मी नाङ नेसुर थेन ग्‍युक!” सिनी सुङ्‍सुङ। खोकी तुक सुङ्‍लुङ्‍मे ती डे तीकी ती मीला तेरी मीतिवी दोङ्‍ला तला ताङ्‍सुङ, यिने तीला काङ साङ म मातेन्‍वा क्‍यानी थेन्‍नी गाल।

लूका 4:41

डेतिवी साङ “ख्‍युरुङ कोन्‍छ्‍योककी सेवु यिन।” सिनी च्‍यार ग्‍यकिन सिरा मी बङीकी नाङ नेमा थेन्‍नी गाल। यिने येशूकी वोरु तेन्‍नी डेतिवाला काङ ताम्‍ङे लप माच्‍यी, च्‍यिलासिसिन तिवी खोला ख्रीष्‍ट यिन सिनी ङो शेकिनोक।

लोमा छ्‍येतिवी लाका 16:17

तमा ती पुम्‍पेजा तीकी च्‍यार ग्‍यकिन सिरा “दी मीतिवा चोछ्‍येवु कोन्‍छ्‍योकला शब्‍ज्‍यी बुलुप मी यिन। दिवी याङ दिक्‍पा ने थर ज्‍यितुप लामकी कोर्ला ख्‍याप्‍टाक किवी।” सियी पावल ताङ ङ्‍यिरा तिङ्‍ला तिङ्‍यानी लेसुङ।