मर्कूस 1:1 - कोन्छ्‌योककी सुङ

¹ कोन्‍छ्‍योककी सेवु येशू ख्रीष्‍टकी लेन ल्‍यामु ति दुक क्‍यानी गो चुसुङ।

मर्कूस 1:1 Iomraidhean Croise

मत्ती 14:33

ती थोङ्‍सिमा टुला वोतुप लोमातिवी खोला शावा कियी सिरा “वुतुङ के गेकेन याङ कोन्‍छ्‍योककी सेवु राङ यिनोक।” सिनी सिक्‍यासुङ।

मत्ती 17:5

पत्रुसकी तुक सियी वोतुप पेला छासे वो ग्‍यकुप मुक्‍पाकी छुप्‍नी तिवाला उप्‍सुङ। तमा मुक्‍पी पर नेमा “दी ङे ङ्‍यिङ्‍ज्‍येवु पुज्‍युङ यिनो, दीकी मुला ङ छासे गा लानी वे। ख्‍यिराङ दीकी ताम्‍ङे ङ्‍येना।” सिरुप वोरु यी ग्‍यप्‍सुङ।

मत्ती 3:17

ती पेला देवाच्‍येन नेमा “दी ति ङे ङ्‍यिङ्‍ज्‍येवु पुज्‍युङ यिनो। ङ दीकी मुला छासे गा लानी वे।” सिरुप वोरु यी ग्‍यप्‍सुङ।

मत्ती 4:3

ती पेला खोक्‍पा ल्‍हाप शैतान ति खोकी चाला वानी, “दोजो ख्‍युरुङ कोन्‍छ्‍योककी सेवु यिन्‍सिन दी दोतिवाला शुब्‍ज्‍याङला डोशी सिनी सी।” सिनी सिक्‍यासुङ।

लूका 1:35

देवाच्‍येनकी लेन क्‍योलुप थु तीकी तीला सिक्‍यासुङ, “कोन्‍छ्‍योककी थु चाङ्‍मा ख्‍योरो खला फेप्‍कितो, तमा चोछ्‍येवु कोन्‍छ्‍योककी ओङ ति ख्‍योरो खला ख्‍येल्‍गितो। तुक क्‍यानी क्‍येप आङा ति चाङ्‍मा वोतुप यिन, मीतिवी खोला कोन्‍छ्‍योककी सेवु सिनी सितो।

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

यूहन्‍ना 1:34

ती ताम्‍ङे ति ङे थोङ्‍सुङ, तुक क्‍यानी खो ति कोन्‍छ्‍योककी सेवु यिन सिनी ङे पङ्‍बु बिनिन।”

यूहन्‍ना 1:49

तमा नथानेलकी येशूला “रब्‍बी, रब्‍बी याङ कोन्‍छ्‍योककी सेवु के यिन, तमा इस्राएलकी ग्‍येल्‍वु के यिनोक।” सिनी सिक्‍यासुङ।

यूहन्‍ना 20:31

यिने दी थेप टिवु तेन्‍दोक ति येशू ति ख्रीष्‍ट राङ यिन्‍दुप ताङ कोन्‍छ्‍योककी सेवु यिन्‍दुप ति ख्‍यिरा तेपा किशी, तमा खोला तेपा क्‍यानी ख्‍यिराङला नाम्‍साङ मिशिवु मिजी ङ्‍येशी सिनी यिन।

यूहन्‍ना 3:16

कोन्‍छ्‍योककी जम्‍बुलिङकी मीतिवाला दुका ङ्‍यिङ्‍ज्‍ये क्‍या नाङ्‍नी खोकी च्‍यिक राङ वोतुप सेवु ति जम्‍बुलिङला ताङ्‍सुङ। ती ति सी खोला तेपा किवे, तिवा ङ्‍येलाला मोडोशी, यिने नाम्‍साङ मिशिवु मिजी थोप्‍शी सिनी यिन।

यूहन्‍ना 6:69

चोवो याङ कोन्‍छ्‍योककी चाङ्‍मा वोतुप मी यिन सिनी ङ्‍यिरा तेपा क्‍यानी हाक्‍को वे।” सिनी सिक्‍यासुङ।

लोमा छ्‍येतिवी लाका 1:22

ती मी ति यूहन्‍नाकी बप्‍तिस्‍मा तेरुप पेला नेज्‍युनी चोवो येशू ङ्‍यिरे पर नेमा देवाच्‍येनला टि फेवु तुजे सेक ङ्‍यिरा मुला राङ वोतुप ति वुङ गोकिवी। च्‍यिलासिसिन ती मी तीकी येशू टुङ्‍नी ङोसु लावु ताम्‍ङेकी पङ्‍बु ति ङ्‍यिरा मुला राङ तेर गोकिवी।”

लोमा छ्‍येतिवी लाका 13:24

येशू फेपुप सिनाङ गोमाला यूहन्‍नाकी तेरी इस्राएलकी मीतिवाला ‘ङ दिक्‍छेन यिनोक सिनी सेम ग्‍युर्नी बप्‍तिस्‍मा लङ गोकिवी’ सिनी ख्‍याप्‍टाक क्‍यासुङ।

रोमी 8:3

मीतिवाला दिक्‍पा वोतुप तप्‍की मोशाकी ठिमकी काङ साङ कि मुथुप्‍नोक, यिने कोन्‍छ्‍योककी तिवी थोक्‍ला क्‍यासुङ। तीकी तेन्‍दोक ति खोकी च्‍यिक राङ वोतुप सेवु येशू ख्रीष्‍ट ति दिक्‍छेन दोके दी जम्‍बुलिङला ताङ्‍नी मीतिवी दिक्‍पी थोक्‍ला जिन्‍बा च्‍युङ्‍सुङ। तमा मीतिवी क्‍यावु दिक्‍पाकी छ्‍येर्पा ति खोकी खला ख्‍येल च्‍यिसुङ।

रोमी 8:32

दाक्‍पी दिक्‍पी थोक्‍ला कोन्‍छ्‍योककी खोरे सेवु साङ र्‍होक माज्‍याक्‍नी दाक्‍पुला नाङ्‍सुङ सिसिन, खोकी सेवुकी मुला राङ यम्‍बा साङ तेरी कटिन नेसुर दाक्‍पुला मानङ्‍गिवी रो?