लूका 9:44 - कोन्छ्‌योककी सुङ

⁴⁴ “ङे ख्‍यिराङला सिक्‍यावु दी ताम्‍ङे ति ख्‍यिरा ङ्‍याम क्‍यानी ङ्‍येना, ङ मी पुज्‍युङ ति मीतिवी लकला चेक तेकिवी।”

लूका 9:44 Iomraidhean Croise

मत्ती 16:21

ती पेला नेज्‍युनी येशूकी लोमातिवाला “ङ वुतुङ के यरूशलेमला डो गोकिवी, तमा यहूदी गोमा कितुपतिवा ताङ कोङ्‍यार छ्‍येतिवा ताङ यहूदी छ्‍योकी गेकेनतिवी ङला छेटाङ बङी बिन्‍नी सेकिवी, तमा शेप ङ्‍यिमा सुमला कोन्‍छ्‍योककी ङला सेन्‍बु लोङ्‍गिवी।” सिनी सुङ्‍गुप छाल्‍सुङ।

मत्ती 26:2

“तफेनकी ङ्‍यिमा ङ्‍यी ज्‍युक्‍ला यहूदी थरुप तुछ्‍येन गिवी सिरुप ति ख्‍यिराङला छ्‍या वे। ती पेला मीतिवी ङ मी पुज्‍युङला ग्‍यङ्‍शिङला कल्‍नी सेतुपला चेक तेकिवी।”

मर्कूस 8:31

ती ज्‍युक्‍ला येशूकी लोमातिवाला खोरो कोर्ला दुक सिनी सुङ्‍गुप छाल्‍सुङ, “ङ मी पुज्‍युङला दुक्‍पा बङी ङ्‍येकिवी। यहूदी गोमा कितुपतिवा ताङ कोङ्‍यार छ्‍येतिवा ताङ यहूदी छ्‍योकी गेकेनतिवी ङे तेन्‍दोकला लानी ङला सेकिवी। यिने ङ्‍यिमा सुम ज्‍युक्‍ला ङ शेप ने सेन्‍बु लङ्‍गिवी।”

मर्कूस 9:31

च्‍यिलासिसिन खोकी खोरो लोमातिवाला लोपिन नोक। खोकी दुक सिनी लाप्‍सुङ, “मी पुज्‍युङ मीतिवी लकला चेक तेकिवी। तिवी तीला सेकिवी, तमा शेप ङ्‍यिमा सुमकी तिङ्‍ला ती ति सेन्‍बु लङ्‍गिवी।”

लूका 1:66

ती ताम्‍ङे थोवुतिवा तेरीकी खोप्‍रे सेमला “काङ दी आङा याङ ज्‍युक्‍ला चुका पारी गिताङ?” सिनी नो क्‍यासुङ। च्‍यिलासिसिन चोवो कोन्‍छ्‍योककी ओङ ति ती आङी मुला वुतुङ के ज्‍युनोक।

लूका 18:31

तमा येशूकी लोमा च्‍यिङ्‍ङीतिवाला कुतुक टि गल्‍नी सुङ्‍सुङ, “ल्‍होसा, दाक्‍पु यरूशलेम नेवा डोयी वे। मी पुज्‍युङकी कोर्ला कोन्‍छ्‍योककी लुङ्‍तेम्‍बातिवी टिवु तेरी ताम्‍ङे ति छेकितो।

लूका 2:19

यिने मरियमकी ति ती तेरी ताम्‍ङे खोरो सेमगी दिङ्‍ला ज्‍याक्‍नी छासे नासाम ताङ्‍सुङ।

लूका 2:51

ती ज्‍युक्‍ला येशू खोरो पपाआमा मुला नासरतला लोक्‍सुङ, तमा तिवी खला ङ्‍येन्‍नी ज्‍युसुङ। खोकी आमा मरियमकी ती तेरी ताम्‍ङेतिवा खोरो सेमला ज्‍याक्‍सुङ।

लूका 24:44

ती ज्‍युक्‍ला खोकी तिवाला सुङ्‍सुङ, “ङे गोमाला ख्‍यिरा मुला वोतुप पेला ख्‍यिराङला ‘मोशाकी ठिम ताङ कोन्‍छ्‍योककी लुङ्‍तेम्‍बाकी थेप ताङ भजनसंग्रहकी थेपकी नाङ्‍ला ङे कोर्ला टिवु तेरी ताम्‍ङेतिवा छे राङ गोकिवी।’ सिनी सिक्‍या वे।”

लूका 9:22

येलुङ येशूकी सुङ्‍सुङ, “ङ मी पुज्‍युङला दुक्‍पा बङी खुर गोकिवी, तमा यहूदी गोमा कितुप मी छ्‍येतिवा ताङ कोङ्‍यार छ्‍येतिवा ताङ यहूदी छ्‍योकी गेकेनतिवी ङला क्‍येन बिन्‍नी सेकिवी, तमा ङ्‍यिमा सुम ज्‍युक्‍ला ङ शेप ने सेन्‍बु लङ्‍गिवी।”

यूहन्‍ना 16:31

तमा येशूकी लोमातिवाला सुङ्‍सुङ, “त के ख्‍यिराङ ङला तेपा किनोक!

यूहन्‍ना 16:4

ङे ख्‍यिराङला दी ताम्‍ङे सिक्‍यावु ति ज्‍युक्‍ला ती तेरी च्‍युङ्‍गुप पेला ङे ख्‍यिराङला सिक्‍यावु ताम्‍ङे ति ख्‍यिरा नासाम शर्शी सिनी यिन। ङे दी ताम्‍ङे गोमाला ख्‍यिराङला सिमाक्‍यावु ति ङ ख्‍यिरा मुला राङ वोतुप तप्‍की यिन।”

यूहन्‍ना 19:11

तमा येशूकी पिलातसला “दोजो कोन्‍छ्‍योककी दुक कितुप ओङ ख्‍युरुङला मानाङ्‍सुङ सिसिन ख्‍योरो ङला काङ साङ कि मुथुपुप्‍जा। तुक क्‍यानी ङला ख्‍योरो लकला चेक तेतुप मी तीला मङ दिक्‍पाकी क्‍येन फोकिवी।” सिनी सुङ्‍सुङ।

लोमा छ्‍येतिवी लाका 2:23

येशूला ख्‍यिरा कोन्‍छ्‍योककी सुङला मुयुकुपतिवी लकला चेक तेनी ग्‍यङ्‍शिङ लोला कल्‍नी से च्‍यिसुङ। दी ति कोन्‍छ्‍योककी नोवा ताङ दीकी कोर्ला ति तोङ्‍ला राङ खोला छ्‍या नोक।

हिब्रू 2:1

तुक क्‍यानी दाक्‍पी थोवु कोन्‍छ्‍योककी सुङ टेङ्‍बुला मङ छासे ङ्‍यम्‍ले कि गोकिवी। मिसियाङ दाक्‍पु ति खोकी सुङ्‍गुप सुङला क्‍युर ज्‍याक्‍नी लाम मेटेङ्‍बुला डो थुप्‍किवी।