लूका 9:41 - कोन्छ्‌योककी सुङ

⁴¹ ती थोसिमा येशूकी सुङ्‍सुङ, “ओ तेपा मेतुप ताङ सुर्क्योक्‍पा वोतुप गिपा! ङ नम सेक ख्‍यिरा मुला देतुप्‍जा, तमा नम सेक ख्‍यिराङला हम क्‍यानी देतुप्‍जा? ख्‍योरो पुज्‍युङला दे टि शोक ताङ।”

लूका 9:41 Iomraidhean Croise

मत्ती 11:28

ओ दुक्‍पा ताङ दुङल खुर्नी सेमला येन छ्‍येतुपतिवा, ख्‍यिराङ तेरी ङे ते शोक। तमा ङ ख्‍यिराङला ङप्‍सु तेरिन।

मत्ती 12:39

तमा खोकी तिवाला सुङ्‍सुङ, “दुक्‍टा ताङ शम्‍डेनकी गिपाकी तिराङ त छोल्‍गिवी, यिने दी गिपाकी मीतिवी कोन्‍छ्‍योककी लुङ्‍तेम्‍बा योनाकी त मिसिन यम्‍बा त थोङ्‍गुप मेङ्‍येवी।

मत्ती 12:45

तमा ती ति गल्‍नी खुरुङ सिनाङ मङ दुक्‍टा वोतुप डे दिनतिवा टिनी वानी ती दासाला शुनी ते राङ देकिवी। तुक क्‍यानी ती मी ति गोमाला सिनाङ ज्‍युक्‍ला मङ मेलोक्‍पा डिवी। ती दोके दुक्‍टा वोतुप दी गिपाकी मीतिवा साङ तुकै राङ डिवी।”

मत्ती 16:4

दुक्‍टा ताङ शम्‍डेनकी गिपाकी त छोल्‍गिवी, यिने तिवाला योनाकी त मिसिन यम्‍बा त थोङ मुथुपी।” सिनी सुङ्‍सुङ। तोजोयी सुङ्‍सिमा येशू तिवाला ते राङ क्‍युर ज्‍याक्‍नी तेसुर फेप्‍सुङ।

मत्ती 17:17

तमा येशूकी “ओ तेपा माक्‍यानी सेम दुक्‍टा गलुप मीतिवा! ङ नम सेक ख्‍यिरा मुला देतुप्‍जा? नम सेक ङ ख्‍यिराङला हम क्‍यानी देतुप्‍जा? ती पेजाला दे टिनी शोक।” सिनी सुङ्‍सुङ।

मत्ती 23:36

वुतुङ के ङ ख्‍यिराङला टेङ्‍बो सिरिन, दी तेरी ताम्‍ङेकी पर्च्या ति दी गिपाकी खला ख्‍येल्‍गितो।”

मत्ती 3:7

ते फरिसी छोक्‍पा ताङ सदुकी छोक्‍पाकी मीतिवा बङी बप्‍तिस्‍मा लङ्‍गुपला वुङ्‍यिन कितुप थोङ्‍नी यूहन्‍नाकी तिवाला दुक सिनी वोरु तेन्‍सुङ, “ओ, रुल कुपेङकी च्‍यप्‍रुक दोके दुक्‍टा वोतुपतिवा! वुङ्‍गुप छलुप कोन्‍छ्‍योककी पर्च्या ने टो सिनी ख्‍यिराङला सी सिक्‍यासुङ?

मर्कूस 10:14

येशूकी ती थोङ्‍सिमा ङ्‍यिर्मु क्‍यानी लोमातिवाला सुङ्‍सुङ, “आङा टिक्‍पेतिवाला ङे चाला वुङ च्‍यी, तिवाला माग्‍येक। च्‍यिलासिसिन कोन्‍छ्‍योककी ग्‍येल्‍खाप ति दिवा च्‍यिन्‍दैकी ति यिन।

मर्कूस 10:49

येशू फेपिन फेपिन टङी लानी, “तीला छुर कतोङ।” सिनी सुङ्‍सुङ। तमा मीतिवी ती मिक मोथोङ्‍गुप तीला कताङ्‍नी सिक्‍यासुङ, “ङाडेङ क्‍यानी येर लो। खोकी ख्‍युरुङला कतोङ्‍यिन नोक।”

मर्कूस 9:19

येशूकी सुङ्‍सुङ, “ओ, तेपा मेतुप गिपा! ङ ख्‍यिरा मुला नम सेक देतुप्‍जा? ङ ख्‍यिराङला नम सेक हम कितुप्‍जा? ती पेजाला ङे चाला टि शोक ताङ।”

लूका 8:25

तमा खोकी तिवाला “ख्‍यिरा तेपा कनी गाल?” सिनी टिसुङ। तिवा ज्‍यिवा ताङ हलेवा कियी सिरा खोप्‍राङ पर्ला दुक सिक्‍यासुङ, “खो ति सु यिनाङ? खोकी क नङ्‍सिन लुङ ताङ छ्‍यी बालापकी साङ खोकी कला ङ्‍येन्‍गिनोक।”

लूका 9:40

ङे गेकेनकी लोमातिवाला ती डे तीला तेन तोङ सिनी गोङ्‍बा शुयिन, यिने तिवी देन माथुप।”

लूका 9:42

तमा ती पेजा ति येशूकी चाला वुङ्‍यिन कितुप पेला साङ डेकी तीला तल ताङ्‍नी र्‍हुक च्‍यिसुङ। यिने येशूकी ती डे तीला वोरु तेन्‍नी ती पेजाला टेक च्‍यिनी तीकी पपाला चेक तेसुङ।

यूहन्‍ना 14:9

येशूकी तीला सुङ्‍सुङ, “फिलिप, दोजोयी पेला सेक ङ ख्‍यिरा मुला वोसिनाङ ख्‍योरो ङला ङो मेशेवी? सी ङला थोङ वे, तीकी पपाला थोङ्‍गुप यिन। यिने च्‍यिला ख्‍युरुङ ‘ङ्‍यिराङला पपा छ्‍या तेन।’ सिनी सिवी?

यूहन्‍ना 20:27

तमा खोकी थोमाला “ख्‍योरो लाक्‍पी थेप्‍तोक ङे लाक्‍पाला ज्‍याक्‍नी ल्हो, तमा ख्‍योरो लाक्‍पा ङे याशिङ्‍बाला ज्योक। यिन्‍दे मिन्‍दे नो माक्‍यानी ङ सेन्‍बु लावु ति तेपा की।” सिनी सुङ्‍सुङ।

लोमा छ्‍येतिवी लाका 13:18

तमा दासा पाङ्‍थेरीला लो खल ङ्‍यी सेक तिवी कोन्‍छ्‍योककी सुङला माङ्‍येन्‍सिनाङ खो हम क्‍यानी ज्‍युसुङ।

लोमा छ्‍येतिवी लाका 2:40

पत्रुसकी यम्‍बा ताम्‍ङेतिवा साङ बङी सिक्‍यासुङ। तमा तिङ्‍ला तिवाला दुक सिनी टोङ्‍गु बिन्‍सुङ, “ख्‍यिराङ दी दुक्‍टाकी गिपा ने र्‍होकुप लाका किसा।”

रोमी 2:4

याङ्‍ना कोन्‍छ्‍योककी ख्‍युरुङला सेम ग्‍युर च्‍यिनी दिक्‍पा ने थर ज्‍यितुपला गा कितुप ति हाक्‍माकोनी खोकी च्‍यम्‍बा ताङ हम क्‍या देतुप ताम्‍ङेला मो बेप्‍किवी रो?

हिब्रू 3:19

तुक क्‍यानी दाक्‍पी हाक्‍कोकिवी, तेपा माक्‍यावु तप्की तिवा ङासोपकी दासाला शुकुप माङ्‍येसुङ।

हिब्रू 4:11

ती तप्‍की दाक्‍पु साङ खोकी ङप्‍सु ङ्‍येतुपला अछ्‍योता सेक टेमु कितुप। तुक क्‍यानी दाक्‍पु सु साङ तेपा माक्‍यानी खोकी कला मेङ्‍येन्‍दुप मीतिवा दोके तेन्‍नी मोतोङ्‍शी।

हिब्रू 4:2

दाक्‍पी हङ्‍गावातिवाला दोके दाक्‍पुला साङ लेन ल्‍यामु सिक्‍यानी वे। यिने तिवाला सिक्‍यावु सुङ ति तेर्मेला गाल वे। च्‍यिलासिसिन तिवी ती लेन ल्‍यामु थोसिनाङ तेपा माक्‍या।

हिब्रू 7:25

तुक क्‍यानी खोला तेपा क्‍यानी कोन्‍छ्‍योककी चिप्‍ला वुङ्‍गुपतिवा तेरीला खोकी वुतुङ के दिक्‍पा ने थर ज्‍यिकिवी। च्‍यिलासिसिन तेपा कितुपतिवी थोक्‍ला कोन्‍छ्‍योकला मोपोर ताङ गोङ्‍बा शोपला खो नरी ङोसु ज्‍युकिवी।