लूका 9:11 - कोन्छ्‌योककी सुङ

¹¹ यिने मी मङ्‍मुकी दी ताम्‍ङे हाक्‍कोनी खोला तिङ्‍यासुङ। खोकी तिवाला गासो शुनी तिवाला कोन्‍छ्‍योककी ग्‍येल्‍खापकी कोर्ला लाप नाङ्‍सुङ, नेजु टेक ज्‍यि गोवुतिवाला टेक च्‍यिसुङ।

लूका 9:11 Iomraidhean Croise

मत्ती 12:15

तिवी खोरो तेन्‍दोकला केवुल क्‍यावु ति येशूकी हाक्‍कोनी खो तेसुर फेप्‍सुङ। यिने मी माङ्‍छ्‍योक खोकी तिङ्‍ला तिङ्‍यासुङ। तमा खोकी तिवी पर्ला वोतुप नेर्पुतिवा तेरीला टेक च्‍यिसुङ।

मत्ती 14:14

येशू ग्‍येम्‍छो गारीला लेप्‍नी टु नेसुर थेन्‍सुङ। तमा मी माङ्‍छ्‍योकला थोङ्‍नी खोकी सेमला छासे च्‍यम्‍बा लानी तिवी पर्ला वोतुप नेर्पुतिवाला टेक च्‍यिसुङ।

मत्ती 21:31

ख्‍यिरा नासामला ती पुज्‍युङ पिन ङ्‍यीकी नाङ्‍ला चुका तीकी पपी नोवाला वोतुप ति क्‍यासुङ?” तिवी “पुज्‍युङ छ्‍ये तीकी।” सिनी सिक्‍यासुङ। तमा खोकी तिवाला सुङ्‍सुङ, “वुतुङ के ङ ख्‍यिराङला सिरिन। से दुतुपतिवा ताङ छ्‍येमुतिवा ख्‍यिराङ सिनाङ गोमाला कोन्‍छ्‍योककी ग्‍येल्‍खापला लेप्‍किवी।

मत्ती 21:43

तुक क्‍यानी ङ ख्‍यिराङला सिरिन। कोन्‍छ्‍योककी ग्‍येल्‍खाप ति ख्‍यिरा नेसुर ठोनी खोकी कला ङ्‍येन्‍दुप यम्‍बा मिरिककी मीतिवाला तेर्किवी।

लूका 1:53

खोकी ल्‍होतुङ्‍बा वोतुपतिवाला समा ल्‍यामुकी डा च्‍यिनी वे, छ्‍युक्‍पुतिवाला ति लाक्‍पा तोङ्‍बा राङ लोक्‍नी ताङ वे।

लूका 5:31

तमा येशूकी तिवाला सुङ्‍सुङ, “नेजु मेतुपतिवाला ति आम्‍ज्‍यी मोगोवी, यिने नेर्पुतिवाला ति गोकिवी।

लूका 8:1

ती ज्‍युक्‍ला येशू ग्‍येसा ग्‍येसा ताङ युल युलला फेपिन सिरा कोन्‍छ्‍योककी ग्‍येल्‍खापकी लेन ल्‍यामु ख्‍याप्‍टाक क्‍या नाङ्‍सुङ। खोकी लोमा च्‍यिङ्‍यीतिवा खोकी मुला नोक।

लूका 8:10

तमा खोकी तिवाला सुङ्‍सुङ, “ख्‍यिराङला याङ कोन्‍छ्‍योककी ग्‍येल्‍खापकी छ्‍याककी ताम्‍ङे हाक्‍कोवु रिक्‍पा बिन वे। यिने मी यम्‍बातिवाला याङ ङ पेतिवा नेसुर शेतिन। तुक क्‍यावु ति ‘तिवी ल्‍हासिनाङ मोथोङ्‍शी, तमा थोसिनाङ हाक्‍मोकोशी सिनी यिन।’”

लूका 9:10

ती ज्‍युक्‍ला लोमातिवा लोक्‍नी वानी खोप्‍रे क्‍यावु तेरी लाकाकी कोर्ला येशूला लाप्‍सुङ। तमा खोकी तिवाला टिनी खोप्‍राङ तिराङ बेथसेदा सिरुप ग्‍येसाला फेप्‍सुङ।

लूका 9:12

तमा नाम ल्‍होवु पेला लोमा च्‍यिङ्‍यीतिवा येशूकी चिप्‍ला वानी सिक्‍यासुङ, “गेकेन, दी मीतिवाला देवा तोङ, तमा तिवा गारी गुरीला वोतुप युलतिवा ताङ सप्‍ले कितुपतिवी खाङ्‍बा गल्‍नी दाक दाक्‍पी थोक्‍ला साप समा ताङ देतुप दासा छोल्शी। दी दाक्‍पु देतुप ति काङ साङ मेङ्‍येवु दासा पाङ्‍थेरी यिन।”

लूका 9:2

तमा तिवाला कोन्‍छ्‍योककी ग्‍येल्‍खाप ख्‍याप्‍टाक कितुप ताङ नेर्पुतिवाला टेक ज्‍यितुपला ताङ्‍सुङ।

यूहन्‍ना 4:34

तमा येशूकी लोमातिवाला सुङ्‍सुङ, “ङे समा ति ङला तोङ्‍गुप कोन्‍छ्‍योककी नोवाला वोतुप दोके कितुप ताङ खोकी ङला कि ज्‍यितुप लाका तेरी कितुप यिन।

यूहन्‍ना 6:37

ङे पपी ङला चेक तेन नङ्‍गुप मीतिवा तेरी ङे ते वुङ्‍गिवी, तमा ङे ते वुङ्‍गुपतिवाला ङ नाम्‍साङ लोक्‍नी मोतोङ।

लोमा छ्‍येतिवी लाका 28:31

तमा सी साङ पावलला माक्‍येक। तुक क्‍यानी पावलकी ज्‍यिवा माक्‍यावा क्‍यानी कोन्‍छ्‍योककी ग्‍येल्‍खापकी कोर्ला ख्‍याप्‍टाक कियी ताङ चोवो येशू ख्रीष्‍टकी कोर्ला येन्‍देन बिन्‍सुङ।

रोमी 10:14

यिने खोला तेपा माक्‍यावुतिवी याङ खोला चुक क्‍यानी रेन्‍गिवी रो? तिवी खोकी कोर्ला थोवु साङ माथो वे, चुक क्‍यानी तिवी खोला तेपा कितुप्‍जा? खोकी कोर्ला ख्‍याप्‍टाक कितुप मी मेसुङ सिसिन चुक क्‍यानी मीतिवी खोकी सुङ थोकिवी रो?

रोमी 10:17

तुक क्‍यानी तेपा ति कोन्‍छ्‍योककी सुङ थोसिमा गिवी, तमा ती थोवु सुङ ति ख्रीष्‍टकी सुङ नेसुर गिवी।

रोमी 15:3

च्‍यिलासिसिन ख्रीष्‍टकी साङ खोरुङ तिराङ गा माक्‍या। ती तप्‍की कोन्‍छ्‍योककी सुङला दुक सिनी टि वे, “चोवोकी तेन्‍दोकला लानी बिन्‍दुप क्‍येन ति तन्‍दा ङला फोक्‍सुङ।”

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

हिब्रू 4:16

तुक क्‍यानी दाक्‍पु ज्‍यिवा माक्‍यानी कटिन वोतुप कोन्‍छ्‍योककी ग्‍येल्‍ठिककी चिप्‍ला डोप। तमा कतुकार ख्‍येलुप पेला दाक्‍पुला कटिन ताङ च्‍यम्‍बा थोप्‍किवी।