लूका 8:7 - कोन्छ्‌योककी सुङ

⁷ तमा ललाइ सेन ति छेर्माङ दोङ्‍बी पर्ला ख्‍येल्‍नी छेर्माङ दोङ्‍बु साङ मुला राङ ग्‍या वानी तीला सेप्‍सुङ।

लूका 8:7 Iomraidhean Croise

मत्ती 13:22

तमा छेर्माङ दोङ्‍बी पर्ला ख्‍येलुप सेन ति दी मी दोके यिन। तीकी सुङ ङ्‍येन्‍गिवी, यिने दी जम्‍बुलिङकी पप ताङ टोङ्‍बाकी नासामकी ती सुङला क्‍येक्‍नी डेलु मोगोर्वी।

मत्ती 13:7

ललाइ ति छेर्माङ दोङ्‍बी पर्ला ख्‍येल्‍सुङ, तमा छेर्माङ दोङ्‍बु ग्‍यानी वानी तीला सेप्‍सुङ।

मर्कूस 4:7

ललाइ सेन ति छेर्माङ दोङ्‍बी पर्ला ख्‍येल्‍सुङ। तमा छेर्माङ दोङ्‍बु ग्‍या वानी तीला सेप्‍नी डुमा ग्‍यक माथुप।

लूका 21:34

“तुक क्‍यानी ख्‍यिराङ दाक दाक्‍पी थोक्‍ला च्‍याङ्‍से देता, सेम नोजु कितुप ताङ छ्‍याङ थुनी जेप ताङ मिजीकी थोक्‍ला पप कितुपला ख्‍यिरा सेम ख्‍येल माज्‍यी। मिसियाङ ती तुजे ति तर्वा दोके ख्‍यिरा हाक्‍माकोवा क्‍यानी ख्‍यिरा खला ख्‍येल्‍गिवी।

लूका 8:14

छेर्माङ दोङ्‍बी पर्ला ख्‍येलुपतिवा ति दिवा राङ यिन। तिवी सुङ ङ्‍येन्‍गिवी, यिने मिजी क्‍योङ्‍गुप पेला पप ताङ टोङ्‍बा ताङ मिजी किर्मुकी नासाम ताङ्‍नी डेलु मोगोर्वी।

लूका 8:6

तमा ललाइ सेन ति दोप्‍रोक खला ख्‍येल्‍नी क्‍येसुङ, यिने ते स लेन्‍बा मेतुप तप्‍की ती ति कम्‍बु ठोक गाल।

लूका 8:8

तमा ललाइ सेन ति स ल्‍यामुला ख्‍येल्‍नी क्‍येनी ग्‍यानी दोम्‍बा सयी डुमा ग्‍यप्‍सुङ।” ती सुङ्‍सिमा येशूकी “सी ति ङ्‍येन्‍दुप नम्‍ज्‍योक नोके, तीकी ङ्‍येन्‍शी।” सिनी थोर ग्‍यप्‍नी सुङ्‍सुङ।