लूका 8:5 - कोन्छ्‌योककी सुङ

⁵ “सेन देपुप मी यी सेन देपुपला थेन्‍सुङ। तीकी सेन देप्‍सालेन्‍सिन ललाइ सेन ति लामला ख्‍येल्‍नी तिवा ति मीतिवी काङ्‍बी वोक्‍ला लेपुप ताङ नामगी च्‍यच्‍युमतिवी थुनी सोसुङ।

लूका 8:5 Iomraidhean Croise

मत्ती 13:37

तमा खोकी तिवाला सुङ्‍सुङ, “सेन ल्‍यामु देपुप मी ति ङ मी पुज्युङ यिन।

मत्ती 5:13

“ख्‍यिराङ ति जम्‍बुलिङकी छ यिन। दोजो छकी छेटोक तोर्सुङ सिसिन चुक क्‍यानी येलुङ छेटोक जो थुप्‍किवी रो? ती याङ काङ साङ फेन मोथोवु गल्‍नी पाङ्‍ला क्‍युर्नी मी काङ्‍बी वोक्‍ला लेपुप तिराङ यिन।

मर्कूस 4:15

तमा लामला ख्‍येलुप सेन ति दुका मीतिवा दोके यिन। तिवाला कोन्‍छ्‍योककी सुङ ख्‍याप्‍टाक कितुप पेला तिवी थोवु ति थोसुङ, यिने शैतान शार्क्येक वानी तीकी थोवु सुङ ति ठोनी डिवी।

लूका 8:4

तमा मी मङ्‍मु जोम्‍बुप ताङ ग्‍येसा ग्‍येसा नेसुर मीतिवा येशूकी चाला वुङ्‍यिन कितुप पेला खोकी तिवाला दुका पे यी शेन नाङ्‍सुङ,

लूका 8:6

तमा ललाइ सेन ति दोप्‍रोक खला ख्‍येल्‍नी क्‍येसुङ, यिने ते स लेन्‍बा मेतुप तप्‍की ती ति कम्‍बु ठोक गाल।

हिब्रू 2:1

तुक क्‍यानी दाक्‍पी थोवु कोन्‍छ्‍योककी सुङ टेङ्‍बुला मङ छासे ङ्‍यम्‍ले कि गोकिवी। मिसियाङ दाक्‍पु ति खोकी सुङ्‍गुप सुङला क्‍युर ज्‍याक्‍नी लाम मेटेङ्‍बुला डो थुप्‍किवी।