लूका 8:42 - कोन्छ्‌योककी सुङ

⁴² च्‍यिलासिसिन तीकी लो च्‍यिङ्‍ङी लेपुप च्‍यिक राङ वोतुप पुम ति नानी शिला के नोक। येशू तीकी मुला फेपिन कितुप पेला मी माङ्‍छ्‍योककी खोला पुलिन नोक।

लूका 8:42 Iomraidhean Croise

मर्कूस 5:24

तमा येशू ती ताङ मुला फेप्‍सालेन्‍सिन मी मङ्‍मु खोकी तिङ्‍ला पुसुम ग्‍यकिन तिङ्‍यासुङ।

लूका 7:12

येशू ग्‍येसाकी गे चाला लेप्‍तुछ्‍येप पेला मीतिवी शेप मी यीला खुर्नी तेमा थेनिन नोक। ती शेप मी ति पेर्मी युक्‍सिम यीकी च्‍यिक राङ वोतुप पुज्‍युङ यिनोक। ती युलकी मीतिवा बङी ती युक्‍सिम ताङ मुला नोक।

लूका 8:41

ती पेला याइरस सिरुप यहूदी छ्‍योखाङकी मी छ्‍ये यी वानी येशूकी शापकी चाला देनी खोरो खाङ्‍बा फेप सिनी खोला गोङ्‍बा शुसुङ।

लूका 8:43

ती पेला ते मी माङ्‍छ्‍योककी पर्ला लो च्‍यिङ्‍ङी सेक ठक थेन्‍दुप नेजु वोतुप पुम्‍पेजा यी नोक। तीकी खोरो लोला वोतुप टोङ्‍बा तेरी डोसुम ताङ्‍सिनाङ तीला सी साङ टेक ज्‍यि माथुप्‍नोक।

लूका 8:45

तमा येशूकी “सी ङला रेक ताङ?” सिनी टिसुङ। यिने तेरीकी “ङे याङ मारेक।” “ङे याङ मारेक।” सिनी सिक्‍यासुङ। तमा पत्रुसकी “गेकेन, मी माङ्‍छ्‍योककी गेकेनकी गारी गुरीला चुम्‍नी पुलिन वे।” सिनी सिक्‍यासुङ।

रोमी 5:12

तुक क्‍यानी मी च्‍यिककी दिक्‍पा क्‍यावु तप्‍की दी जम्‍बुलिङला दिक्‍पा वानी ती दिक्‍पाकी जोसालेन्‍सिन मी ति शेपला ख्‍येल्‍सुङ। ती दोके तेरी मीतिवी दिक्‍पा क्‍यावु तप्‍की शेप ति तेरी मीतिवा खला ख्‍येल्‍सुङ।