लूका 8:3 - कोन्छ्‌योककी सुङ

³ तमा यम्‍बा ति ग्‍येल्‍वु हेरोदकी खाङ्‍बी लाका चेक लावु मी खुजासकी पेर्मी योअन्‍ना ताङ सुसन्‍ना ताङ यम्‍बा पुम्‍पेजातिवा नोक। ती पुम्‍पेजातिवी खोप्‍रे टोङ्‍बा नेसुर येशू ताङ खोकी लोमातिवाला शब्‍ज्‍यी कियी नोक।

लूका 8:3 Iomraidhean Croise

मत्ती 14:1

ती पेला गालीलला ग्‍येला कितुप हेरोदकी येशूकी कोर्ला ताम्‍ङे थोनोक।

मत्ती 14:3

गोमाला हेरोदकी खोरो नुप फिलिपकी पेर्मी हेरोदियासकी थोक्‍ला यूहन्‍नाला जिम्‍नी चोन्‍खाङला उप्‍नोक।

मत्ती 14:6

तमा हेरोद क्‍येवु तुछ्‍येनला हेरोदियासकी पुम तीकी डेन्‍बुतिवी दोङ्‍ला छ्‍यम्‍नी हेरोदला छासे गा लाङ्‍नोक।

मत्ती 2:11

तिवा ती खाङ्‍बी नाङ्‍ला शुनी आङा ति आमा मरियम ताङ मुला वोतुप थोङ्‍सुङ, तमा ती आङाला शावा क्‍यासुङ। तमा खोप्‍रे लोला खुरुप तेर्गाम ख पेनी सेर ताङ टि जङ्‍बु खाप पो ताङ मुर्र ति आङाला पुल्‍सुङ।

मत्ती 20:8

गोमु नाम ल्‍होसिमा ती गुन्‍डुम शिङ ज्‍यिन्‍दाक तीकी खोरो शिङ ल्हाप लावा छ्‍ये तीला ‘लाका कितुपतिवाला कताङ्‍नी तेरी सिनाङ तिङ्‍ला वावुतिवा नेसुर गो चुनी तेरी सिनाङ गोमाला वावुतिवा सेक ल बिन।’ सिनी योक कुसुङ।

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

मत्ती 26:11

पेराङ्‍बुतिवा याङ ख्‍यिरा मुला नरी लुकिवी, यिने ङ याङ ख्‍यिरा मुला नरी मुलुवी।

मत्ती 27:55

ते पुम्‍पेजातिवा साङ बङी थाक्‍रिङ्‍बु नेसुर ल्‍हानी देनोक। तिवा ति येशूला शब्‍ज्‍यी कियी सिरा गालील नेसुर खोकी तिङ्‍ला तिङ्‍यानी वावु यिनोक।

लूका 24:10

ती पुम्‍पेजातिवा ति मरियम मग्‍दलिनी ताङ योअन्‍ना ताङ याकूबकी आमा मरियम यिनोक, तमा तिवी मुला वोतुप यम्‍बा पुम्‍पेजातिवी साङ लोमातिवाला ती ताम्‍ङे ति सिक्‍यासुङ।

यूहन्‍ना 12:6

तीकी तुक सिक्‍यावु ति पेराङ्‍बुतिवाला नासाम ताङ्‍नी सिक्‍यावु मिन, यिने खोरुङ राङ कुर्मेन यिन्‍दुप तप्‍की यिन। ती ति टङ्‍गा ज्‍योकुप मी यिन्‍सिनाङ तीकी पर्चिक पर्चिक टङ्‍गा ज्‍योकुप छयी नङ नेसुर खोरो थोक्‍ला टङ्‍गा थेन्‍गिनोक।

लोमा छ्‍येतिवी लाका 13:1

एन्‍टिओखियाकी चर्चला कोन्‍छ्‍योककी लुङ्‍तेम्‍बातिवा ताङ गेकेनतिवा नोक। तिवा ति बारनाबास ताङ नक्‍पु सिरुप शिमियोन ताङ कुरेनी नेसुर वावु लुकियस ताङ ग्‍येल्‍वु हेरोद टिक्‍पे वोतुप पेलाकी दाल्‍जा मनेन ताङ शाऊल नोक।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

फिलिप्पी 4:22

दे वोतुप येशू ख्रीष्‍टला तेपा कितुप मीतिवा तेरी ताङ खक्‍छ्‍येवुला रोमी ग्‍येल्‍वी ग्‍येल्‍खाङकी मीतिवी साङ ख्‍यिराङला टसी देलेक सिनी तङ वोतो।

१ तिमोथी 5:10

तीकी पुज्‍युङपुमतिवा ल्‍यामु क्‍यानी र्‍होलुप ताङ खोरो खाङ्‍बा वुङ्‍गुप डेन्‍बुतिवाला ताङ्‍देन क्‍यावु ताङ कोन्‍छ्‍योकला तेपा कितुपतिवाला शब्‍ज्‍यी क्‍यावु ताङ दुक्‍पाला ख्‍येलुपतिवाला दाल्‍जा किटे कितुप ताङ लाका काङ साङ ल्‍यामु क्‍यानी मी यम्‍बाला खोरो किताङ नालु ल्‍यामु वोतुप ति छ्‍या तेन्‍दुप वुङ गोकिवी।