लूका 8:25 - कोन्छ्‌योककी सुङ

²⁵ तमा खोकी तिवाला “ख्‍यिरा तेपा कनी गाल?” सिनी टिसुङ। तिवा ज्‍यिवा ताङ हलेवा कियी सिरा खोप्‍राङ पर्ला दुक सिक्‍यासुङ, “खो ति सु यिनाङ? खोकी क नङ्‍सिन लुङ ताङ छ्‍यी बालापकी साङ खोकी कला ङ्‍येन्‍गिनोक।”

लूका 8:25 Iomraidhean Croise

मत्ती 14:31

तमा येशूकी शार्क्येक छ्‍याक क्‍याङ्‍नी पत्रुसला जिम्‍नी, “ओ तेपा मेतुप, ख्‍युरुङ च्‍यिला तेपा माक्‍यानी यिन्‍दे मिन्‍दे नो किवी?” सिनी सुङ्‍सुङ।

मत्ती 17:20

तमा खोकी तिवाला सुङ्‍सुङ, “ती ति ख्‍यिराङला तेपा अला मेतुप तप्‍की यिन। वुतुङ के ङ ख्‍यिराङला सिरिन, ख्‍यिराङला राय छेर्माङ डुमा च्‍यिक चोयी तेपा वोसिन ख्‍यिरा दी री तीला ‘दे नेसुर फर पोक्‍नी ग्‍युक!’ सिक्‍यासिन ती ति पोक्‍नी डिवी। तमा ख्‍यिरा कि मुथुपुप ति काङ साङ मेवी।

मत्ती 6:30

हारिङ वोतुप ताङ सला मेला र्‍हेकुप सकी चला साङ कोन्‍छ्‍योककी तुक क्‍यानी छ्‍या नाङ्‍सुङ सिसिन, ओ तेपा अला मेतुपतिवा, ख्‍यिराङला याङ खोकी मङ छ्‍यानी मनङ्‍गिवी रो?

मत्ती 8:10

ती थोनी येशू छासे हलेवा क्‍यासुङ। तमा खोकी तिङ्‍ला तिङ्‍योकुप मीतिवी थाकाला ग्‍युर्नी दुक सुङ्‍सुङ, “वुतुङ के ङ ख्‍यिराङला सिरिन, इस्राएलकी मीतिवी पर्ला साङ दुका तेपा रम्‍बु याङ तन्‍दा सेक ङे माथोङ वे।

मत्ती 8:26

तमा येशू शेङ्‍नी तिवाला “ओ तेपा अला मेतुप टेङ! ख्‍यिराङ च्‍यिला ज्‍यिवा किवी?” सिनी सुङ्‍नी ती लुङ छ्‍यर्वा ताङ छ्‍यी बालापला वोरु तेन्‍सिमा ती ग्‍येम्‍छो ति छासे कुसुमी गाल्‍सुङ।

मर्कूस 4:35

ती छेर्मु सोर्‍हिपला येशूकी खोरो लोमातिवाला “दाक्‍पु ग्‍येम्‍छो फर्केन डोप।” सिनी सुङ्‍सुङ।

लूका 12:28

हारिङ वोसिनाङ सला मेला र्‍हेन क्‍युरुप सकी चला साङ कोन्‍छ्‍योककी दुक क्‍यानी कोन्‍नी नङ्‍गिवी सिसिन, ओ तेपा अला मेतुप टेङ, ख्‍यिराङला याङ मङ छासे क्‍यानी कोन मनङ्‍गिवी रो?

लूका 8:24

तमा लोमातिवा येशूकी चाला गल्‍नी खोला ङ्‍यी चेयी सिरा सिक्‍यासुङ, “गेकेन, ओ गेकेन, ङ्‍यिराङ छ्‍यी नाङ्‍ला नुम्‍नी शेप छाल्‍सुङ!” ती थोसिमा येशू शेङ्‍नी ती लुङ ताङ ल्‍हकुप छ्‍यी बालापला वोरु तेन्‍सुङ। तमा लुङ ताङ छ्‍यी बालाप ति छ्‍याक्‍नी तेरी कुसुमी गाल्‍सुङ।

लूका 8:26

तमा येशू ताङ खोरो लोमातिवा गालील नेसुर चोकी फर्केनला वोतुप गेरासेनसकी लुङ्‍बाला लेप्‍सुङ।

यूहन्‍ना 11:40

येशूकी तीला “ख्‍योरो ङला तेपा क्‍यासिन कोन्‍छ्‍योककी मोवा ति थोङ्‍गितो सिनी ङे ख्‍युरुङला सि माक्‍या?” सिनी सुङ्‍सुङ।