लूका 8:21 - कोन्छ्‌योककी सुङ

²¹ तमा येशूकी तिवाला सुङ्‍सुङ, “सी कोन्‍छ्‍योककी सुङ ङ्‍येन्‍नी ती सुङला युकिवे, तिवा ति ङे आमा ताङ नुपतिवा यिनो।”

लूका 8:21 Iomraidhean Croise

मत्ती 17:5

पत्रुसकी तुक सियी वोतुप पेला छासे वो ग्‍यकुप मुक्‍पाकी छुप्‍नी तिवाला उप्‍सुङ। तमा मुक्‍पी पर नेमा “दी ङे ङ्‍यिङ्‍ज्‍येवु पुज्‍युङ यिनो, दीकी मुला ङ छासे गा लानी वे। ख्‍यिराङ दीकी ताम्‍ङे ङ्‍येना।” सिरुप वोरु यी ग्‍यप्‍सुङ।

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

मत्ती 25:45

ती पेला ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ माक्‍यावे, ती ति ङला राङ माक्‍यावु यिन।’

मत्ती 28:10

तमा येशूकी तिवाला सुङ्‍सुङ, “ज्‍यिवा माकी। ख्‍यिराङ गल्‍नी ङे लोमातिवाला गालीलला ग्‍युक सिनी लोप। ते तिवी ङला ठेकिवी।”

लूका 8:15

तमा स ल्‍यामुला ख्‍येलुपतिवा ति दिवा राङ यिन। तिवा सेम टेङ्‍बु ताङ ल्‍यामु क्‍यानी सुङ ङ्‍येन्‍नी ती सुङ ति नरी सेमला ज्‍याक्‍नी हम क्‍यान देनी डेलु गोर्किवी।”

लूका 8:20

तमा मी ललाइकी येशूला “गेकेनकी आमा ताङ नुपतिवा गेकेनला ठेतुप नोनी पाङ्‍ला लानी देन्‍नोक।” सिनी सिक्‍यासुङ।

यूहन्‍ना 13:17

ख्‍यिरा दी ताम्‍ङे हाक्‍कोनी ती दोके क्‍यासुङ सिसिन ख्‍यिराङला मोलाम थोप्‍किवी।

यूहन्‍ना 20:17

तमा येशूकी तीला “ङला जिम जिम्‍वा माज्‍योक, च्‍यिलासिसिन ङ तरोङ साङ पपी चाला लोक्‍नी मागल वे। यिने ख्‍युरुङ ङे लोमातिवी चाला गल्‍नी ख्‍यिरा पपा यिन्‍दुप ङे पपा, ख्‍यिरा कोन्‍छ्‍योक यिन्‍दुप ङे कोन्‍छ्‍योककी ते ङ लोक्नी डोयी वे सिनी लोप।” सिनी सुङ्‍सुङ।

२ कोरिन्थी 5:16

तफेन्‍ला ङ्‍यिराङ सुला साङ जम्‍बुलिङकी मीतिवी मीला ल्‍हावु दोके क्‍यानी मल्‍हावी। थेङ्‍मा यी ङ्‍यिरा साङ ख्रीष्‍टला तुक राङ क्‍यानी ल्‍हावु यिन, यिने त याङ तुक क्‍यानी मल्‍हावी।

२ कोरिन्थी 6:18

“तमा ङ ख्‍यिरा पपा यिनो, ख्‍यिराङ ति ङे पुज्‍युङपुमतिवा यिनो। सिनी चोछ्‍ये वोतुप चोवो कोन्‍छ्‍योककी सुङ्‍गिवी।”

याकूब 1:22

ख्‍यिराङ कोन्‍छ्‍योककी सुङला ङ्‍येन्‍दुप तिराङ क्‍यानी रङला जिनोकला मेख्‍येल्‍शी, यिने खोकी सुङला यु।

१ यूहन्‍ना 2:29

खो टेङ्‍बु वोतुप ति ख्‍यिराङला छ्‍या वोतुप तप्‍की कोन्‍छ्‍योककी थोङ्‍दाङला टेङ्‍बु वोतुप लाका कितुपतिवा तेरी खोकी गिपा यिन सिनी ख्‍यिरा हाक्‍कोकिवी।

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।