लूका 8:15 - कोन्छ्‌योककी सुङ

¹⁵ तमा स ल्‍यामुला ख्‍येलुपतिवा ति दिवा राङ यिन। तिवा सेम टेङ्‍बु ताङ ल्‍यामु क्‍यानी सुङ ङ्‍येन्‍नी ती सुङ ति नरी सेमला ज्‍याक्‍नी हम क्‍यान देनी डेलु गोर्किवी।”

लूका 8:15 Iomraidhean Croise

मत्ती 24:13

यिने चो दुक्‍पा ख्‍येल्‍सिनाङ ज्‍युक्‍ला सेक डेकला देतुप तीला कोन्‍छ्‍योककी र्‍होकितो।

लूका 11:28

ती थोनी येशूकी सुङ्‍सुङ, “बोरु कोन्‍छ्‍योककी सुङ ङ्‍येन्‍नी ती सुङला युकुपतिवा के मोलाम थोपुप यिनो।”

लूका 6:45

मी ल्‍यामुकी खोरो सेमला ज्‍यकुप ताम्‍ङे ल्‍यामु नेमा ल्‍यामु राङ देन्गिवी, तमा मी दुक्‍टाकी खोरो सेमला ज्‍यकुप ताम्‍ङे टुक्‍टा नेमा दुक्‍टा राङ देन्गिवी। च्‍यिलासिसिन खोरो सेमला काङ क्‍येङ नोके, ती ति ख नेमा राङ लप्‍किवी।”

लूका 8:14

छेर्माङ दोङ्‍बी पर्ला ख्‍येलुपतिवा ति दिवा राङ यिन। तिवी सुङ ङ्‍येन्‍गिवी, यिने मिजी क्‍योङ्‍गुप पेला पप ताङ टोङ्‍बा ताङ मिजी किर्मुकी नासाम ताङ्‍नी डेलु मोगोर्वी।

लूका 8:16

“सी साङ दिप्‍ली च्‍येनी नेक्‍योक वोक्‍ला उप्‍नी मोज्‍योकिवी, याङ्‍ना ठीकी वोक्‍ला मोज्‍योकिवी। बोरु तीला खाङ्‍बी नाङ्‍ला वुङ्‍गुपतिवाला ठछ्‍येली थोङ्‍शी सिनी च्‍योक्‍ची खला ज्‍योकिवी।

यूहन्‍ना 14:15

“दोजो ख्‍यिरा ङला ङ्‍यिङ्ज्‍ये क्‍यावु यिन्‍सिन ङे कला ङ्‍येन्‍गिवी।

यूहन्‍ना 15:10

ङ पपी कला ङ्‍येन्‍नी खोकी ङ्‍यिङ्‍ज्‍येला देतुप दोके ख्‍यिराङ ङे कला ङ्‍येन्‍सुङ सिसिन ङे ङ्‍यिङ्‍ज्‍येला देकिवी।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

रोमी 6:22

यिने त याङ ख्‍यिराङ दिक्‍पा ने थर्नी कोन्‍छ्‍योककी थोक्‍ला शब्‍ज्‍यी कितुप च्‍युङ्‍गुप तप्‍की ख्‍यिराङ कोन्‍छ्‍योककी थोङ्‍दाङला टेङ्‍बु ङ्‍येनी ख्‍यिराङला नाम्‍साङ मिशिवु मिजी थोप्‍नी वे।

रोमी 7:18

तुक क्‍यानी दी ताम्‍ङे ति ङला छ्‍या वे। ङे मिजीला ताम्‍ङे ल्‍यामु काङ साङ मे। च्‍यिलासिसिन काङ ल्‍यामु नोके ती लाका ति कितुप सिनी ङे नोक्‍यासिनाङ ती ति ङे कि मुथुपी।

रोमी 7:4

ती तप्‍की अच्‍युनुपतिवा, ख्‍यिराङ ख्रीष्‍ट ताङ मुला ठिमकी थोक्‍ला साङ शिसुङ। तुक क्‍यानी ख्‍यिराङ साङ ठिमकी ओङ नेसुर थर्नी शेप नेसुर ङोसु लावु ख्रीष्‍टकी मुला च्‍यिक्‍पा राङ च्‍युङ वे। तुक क्‍यानी ख्‍यिराङ डेलु गरुप दोके कोन्‍छ्‍योककी थोक्‍ला लाका ल्‍यामु कि गोकिवी।

रोमी 8:25

यिने दाक्‍पु मिककी मोथोङ्‍गुप च्‍यालकला रेवा किवी सिसिन ती रेवा क्‍यावु ति माथोपा सेक हम क्‍यानी गुनी दे गोकिवी।

१ कोरिन्‍थी 7:19

च्‍येतुप लुक्‍सु क्‍यावु ताङ माक्‍यावु ति खक्‍छ्‍येवु मिन, यिने कोन्‍छ्‍योककी कला ङ्‍येन्‍दुप ति खक्‍छ्‍येवु यिन।

एफिसी 2:8

च्‍यिलासिसिन दाक्‍पी खोला तेपा क्‍यानी खोकी कटिनकी राङ दाक्‍पु दिक्‍पा ने थरुप यिन। दी ति दाक्‍पी ङारकी ङ्‍येतुप मिन, यिने कोन्‍छ्‌योक नेमा थोपुप ङ्‍येम्‍बा यिन।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

कलस्सी 1:10

तुक क्‍यासिन ख्‍यिरा चोवोकी सेमला डोप मिजी क्‍याङ्‍नी नरी खोला गा लोङ थुप्‍किवी। तमा ख्‍यिराङ तेरी मङ मङ लाका ल्‍यामु कितुप च्‍युङ्‍नी कोन्‍छ्‍योककी नङ्‍गुप रिक्‍पाला फरिन डिवी।

कलस्सी 1:6

ती लेन ल्‍यामु ति ख्‍यिरा ते वा वे। तमा ती ति तेरी जम्‍बुलिङला फेल्‍नी डोयी वे। ती दोके क्‍यानी ख्‍यिरा कोन्‍छ्‍योककी टेङ्‍बु वोतुप कटिनकी ताम्‍ङे थोनी हाक्‍कोवु पेला नेज्‍युनी ती लेन ल्‍यामुकी ख्‍यिरा पर्ला लाका कियी वे।

हिब्रू 10:36

तमा कोन्‍छ्‍योककी नोवाला वोतुप ति तेरी डुप्‍सिमा खोकी ख्‍यिरा थोक्‍ला थाक्‍छ्‍येन नङ्‍गुप ति थोपुपला ख्‍यिराङ नरी हम क्‍यानी दे गोकिवी।

हिब्रू 2:1

तुक क्‍यानी दाक्‍पी थोवु कोन्‍छ्‍योककी सुङ टेङ्‍बुला मङ छासे ङ्‍यम्‍ले कि गोकिवी। मिसियाङ दाक्‍पु ति खोकी सुङ्‍गुप सुङला क्‍युर ज्‍याक्‍नी लाम मेटेङ्‍बुला डो थुप्‍किवी।

याकूब 1:4

ख्‍यिराङ हम क्‍यानी देतुप ति मङ ल्‍हक्‍पा गल्‍सिमा तेपा रम्‍बु च्‍युङ्‍नी ख्‍यिरा मिजीला काङ साङ ङ्‍युङ्‍मु मेवी।

१ यूहन्‍ना 2:3

दाक्‍पु कोन्‍छ्‍योककी क नङ्‍गुप सुङला युसुङ सिसिन दाक्‍पी खोला ङो शेवु यिन सिनी हाक्‍कोकिवी।