लूका 8:10 - कोन्छ्‌योककी सुङ

¹⁰ तमा खोकी तिवाला सुङ्‍सुङ, “ख्‍यिराङला याङ कोन्‍छ्‍योककी ग्‍येल्‍खापकी छ्‍याककी ताम्‍ङे हाक्‍कोवु रिक्‍पा बिन वे। यिने मी यम्‍बातिवाला याङ ङ पेतिवा नेसुर शेतिन। तुक क्‍यावु ति ‘तिवी ल्‍हासिनाङ मोथोङ्‍शी, तमा थोसिनाङ हाक्‍मोकोशी सिनी यिन।’”

लूका 8:10 Iomraidhean Croise

मत्ती 11:25

ती पेला येशूकी दुक सुङ्‍नी मोपोर क्‍या नाङ्‍सुङ, “ओ पपा, देवाच्‍येन ताङ जम्‍बुलिङकी चोवो, ङ पपाला थुचिछे बुलिन। च्‍यिलासिसिन पपी दी ताम्‍ङे ति रिक्‍पा वोतुप ताङ लापुप मीतिवाला छ्‍याकला ज्‍याक्‍नी आङा टिक्‍पे दोके मालापुप मीतिवाला छ्‍या तेन्‍सुङ।

मत्ती 16:17

तमा येशूकी तीला सुङ्‍सुङ, “योनाकी पुज्‍युङ सिमोन, ख्‍युरुङला मोलाम थोपुप यिनो। दी ताम्‍ङे ख्‍युरुङला हाक्‍को च्‍यितुप ति मीकी क्‍यावु मिन, यिने देवाच्‍येनला ज्‍यु वोतुप ङे पपी क्‍यावु यिन।

मर्कूस 4:11

तमा खोकी तिवाला सुङ्‍सुङ, “ख्‍यिराङला ति कोन्‍छ्‍योककी ग्‍येल्‍खापकी छ्‍याककी ताम्‍ङे बिन वे। यिने कोन्‍छ्‍योककी ग्‍येल्‍खापकी मी मिन्‍दुपतिवाला ति तेरी ताम्‍ङे पेतिवा नेसुर राङ लप्‍किवी।

मर्कूस 4:12

ती ति ‘तिवी ल्‍हाप याङ ल्‍हेवी, यिने मोथोङ्‍गिवी। थोवु याङ थोकिवी, यिने हाक्‍मोकोवी। तुक क्‍यानी तिवी सेम ग्‍युर्नी दिक्‍पा ने माफ ङ्‍ये मिज्‍यिवुला यिन।’”

यूहन्‍ना 12:40

“कोन्‍छ्‍योककी तिवी मिक ति मोथोङ्‍गुप जो वे, तिवी सेम ति क्‍योङ्बु जो वे। तुक क्‍यानी तिवी मिककी मोथोङ्‍गिवी, सेमगी साङ हाक्‍मोकोवी, तमा ङे थाकाला लोक्‍नी मेङ्‍गिवी। मिसियाङ ङे तिवाला टेक ज्‍यितुप्‍जा।”

रोमी 16:25

त याङ दाक्‍पु तेरीकी कोन्‍छ्‍योकला मोवा कितुप। खोकी राङ ख्‍यिराङला ङे ख्‍याप्‍टाक क्‍यावु येशू ख्रीष्‍टकी लेन ल्‍यामु नेसुर नरी तेपा रम्‍बु क्‍या दे ज्‍यिकिवी। ती लेन ल्‍यामु ति कल्‍वा कल्‍वा नेज्‍युनी छ्‍याकला ज्‍याङ वोतुप यिन।

१ कोरिन्‍थी 12:11

यिने तेरी लाका कितुप ति कोन्‍छ्‍योककी थु चाङ्‍मा नेमा थोपुप यिन। ती कटिनकी ङ्‍येम्‍बातिवा ति खोकी नोवाला वोतुपतिवा तेरीला नङ्‍गिवी।

कलस्सी 2:2

ङे तुक क्‍यावु ति ख्‍यिराङ ताङ तिवी सेमला ङाडेङ ङ्‍येनी च्‍यिककी च्‍यिकला ङ्‍यिङ्‍ज्‍ये किशी सिनी यिन। तुक क्‍यासिन वुतुङ के ख्‍यिराङ तेरीकी सुङ टेङ्‍बु हाक्‍कोनी सेमला तेन्‍तेन तेपा क्‍यानी कोन्‍छ्‍योककी छ्‍याकला वोतुप ख्रीष्‍टला ल्‍यामु क्‍यानी ङो शे थुप्‍किवी।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”