लूका 7:6 - कोन्छ्‌योककी सुङ

⁶ ती थोसिमा येशू तिवी मुला फेप्‍सुङ। खो तिवी मुला रोमी मक्‍मी छ्‍येकी खाङ्‍बी चिप्‍ला लेप्‍तुछ्‍येप पेला रोमी मक्‍मी छ्‍ये तीकी खोरो दाल्‍जातिवाला येशूकी चिप्‍ला ताङ्‍नी खोला दुक सि च्‍यिसुङ, “चोवो, होप्‍ग्‍यल माशु। च्‍यिलासिसिन ङ याङ गेकेनला ङे खाङ्‍बी नाङ्‍ला फेप शु छ्‍योवु मे।

लूका 7:6 Iomraidhean Croise

मत्ती 20:28

ङ मी पुज्‍युङ ति मीतिवा नेमा शब्‍ज्‍यी ङ्‍येतुपला वावु मिन, यिने शब्‍ज्‍यी कितुपला ताङ मी बङीला दिक्‍पा ने थर ज्‍यितुपकी थोक्‍ला ङरा मिजी तेरुपला वावु यिन।”

मत्ती 3:11

ङ याङ ख्‍यिराङला दिक्‍पा ने सेम ग्‍युरुपकी थोक्‍ला छ्‍यु थ्‍वोनी बप्‍तिस्‍मा तेरिन, यिने ङे तिङ्‍ला फेपुप ति ङ सिनाङ ओङ छ्‍येवु वे। तुक क्‍यानी ङ याङ खोकी शप्‍चे साङ खुर छ्‍योवु मे। खोकी ख्‍यिराङला चाङ्‍मा जोपला कोन्‍छ्‍योककी थु चाङ्‍मा ताङ मे थ्‍वोनी बप्‍तिस्‍मा नङ्‍गिवी।

मर्कूस 5:24

तमा येशू ती ताङ मुला फेप्‍सालेन्‍सिन मी मङ्‍मु खोकी तिङ्‍ला पुसुम ग्‍यकिन तिङ्‍यासुङ।

लूका 5:8

दी थोङ्‍सिमा सिमोन पत्रुसकी येशूकी दोङ्‍ला पुमुङ चुनी सिक्‍यासुङ, “ओ चोवो, ङे नेसुर फेप। ङ मी दिक्‍छेन यिन।”

लूका 7:4

तमा तिवा येशूकी चाला वानी दुक सिनी गोङ्‍बा शुसुङ, “गेकेन, ती रोमी मक्‍मी छ्‍ये ति गेकेन नेसुर दाल्‍जा ङ्‍ये छ्‍योवु मी यिन।

लूका 7:5

च्‍यिलासिसिन ती ति दाक्‍पी मिरिकला ङ्‍यिङ्‍ज्‍ये कितुप मी यिन, दाक्‍पी यहूदी छ्‍योखाङ साङ जो बिन्‍सुङ।”

लूका 7:7

तुक क्‍यानी ङ गेकेनकी चाला वुङ साङ मोछ्‍योवु वे सिनी नासाम तङ्‍यिन। सुङ तिराङ सुङ्‍सिन ङे लावा ति टेकिवी।

लूका 8:49

येशूकी तुक सुङ्‍यिन वोतुप पेला याइरसकी खाङ्‍बा नेसुर मी यी वानी याइरसला “ख्‍योरो पुम याङ शिसुङ। त गेकेनला मङ होप्ग्‍यल माशु।” सिनी सिक्‍यासुङ।

लोमा छ्‍येतिवी लाका 10:38

कोन्‍छ्‍योककी नासरतकी येशूला खोकी थु चाङ्‍मा ताङ ङार छ्‍येवु ओङ नाङ्‍सुङ। तमा कोन्‍छ्‍योक ति खोकी मुला राङ ज्‍यु वोतुप तप्‍की लुङ्‍बाकी छो ज्‍यीला खोकी लाका ल्‍यामुतिवा कियी शैतानकी दुक्‍पा बिन्‍नी नानी वोतुप ताङ डेकी कुलुपतिवा तेरीला टेक च्‍यितुप ति ख्‍यिराङला साङ छ्‍या वे।

याकूब 4:10

ख्‍युरुङ कोन्‍छ्‍योककी थोङ्‍दाङला कुसु ज्‍यम्‍बु क्‍यानी मिजी क्‍योङ, तमा खोकी ख्‍युरुङला छ्‍ये जो नङ्‍गिवी।

याकूब 4:6

यिने खोकी दाक्‍पुला छासेकी कटिन नङ्‍गिवी। ती तप्‍की कोन्‍छ्‍योककी सुङला दुक सिनी टि वे, “अम्‍बारङ्‍शिङ कितुपतिवाला कोन्‍छ्‍योक गा मालङ्‍गिवी, यिने सेम बोल्‍मु वोतुपतिवाला कटिन नङ्‍गिवी।”