लूका 7:22 - कोन्छ्‌योककी सुङ

²² यूहन्‍नाकी लोमातिवाला येशूकी दुक सुङ्‍सुङ, “ख्‍यिराङ गल्‍नी ख्‍यिरा काङ थोवु ताङ काङ थोङ्‍गुप ति यूहन्‍नाला सी। मिक मोथोङ्‍गुपतिवा थोङ्‍गिवी, थेङ्‍बातिवा युकिवी, जे ग्‍यपुप नेजु वोतुपतिवा टेकिवी, वोन्‍बातिवा थोकिवी, शेपतिवा सेन्‍बु लोङ्‍गिवी, तमा पेराङ्‍बुतिवाला लेन ल्‍यामु ख्‍याप्‍टाक कियी वे।

लूका 7:22 Iomraidhean Croise

मत्ती 11:5

‘मिक मोथोङ्‍गुपतिवा मिक थोङ थुप्‍किवी, थेङ्‍बातिवा युक थुप्किवी, जे ग्‍यपुप नेजु वोतुपतिवा टेक ज्‍यिकिवी, वोन्‍बातिवा थो थुप्‍किवी, शेपतिवा सेन्‍बु लोङ्‍गिवी, तमा पेराङ्‍बुतिवाला लेन ल्‍यामु ख्‍याप्‍टाक कियी वे।’

मत्ती 21:14

ते ल्‍हङाङला मिक मोथोङ्‍गुप ताङ काङ्‍बा थेङ्‍बा वोतुप मीतिवा खोकी चाला वानोक, तमा खोकी तिवाला टेक च्‍यिसुङ।

लूका 4:18

“चोवो कोन्‍छ्‍योककी थु चाङ्‍मा ङे खला ख्‍येल वे। खोकी ङला पेराङ्‍बुतिवाला लेन ल्‍यामु ख्‍याप्‍टाक कितुपला चिनी वे। तमा चोन्‍खाङला शोरुपतिवाला ताङ मिक मोथोङ्‍गुपतिवाला पि तोङ्‍गुपकी कोर्ला ख्‍याप्‍टाक कितुपला ङला ताङ्‍सुङ। तमा मी ङ्‍यप्‍च्‍येला ख्‍येलुपतिवाला पि तोङ ज्‍यितुपला ताङ

लूका 7:21

ती पेला राङ येशूकी नेजु वोतुपतिवा ताङ दुक्‍पाला ख्‍येलुपतिवा ताङ डेकी कुलुपतिवा बङीला टेक च्‍यि नोक, तमा मिक मोथोङ्‍गुपतिवाला मिक थोङ च्‍यि नोक।

लूका 7:23

ङला तेपा कितुप क्‍युर्नी मोज्‍योकुप ति मोलाम थोपुप यिनो।”

यूहन्‍ना 1:46

तमा ती थोनी नथानेलकी फिलिपला “नासरत नेसुर काङ ल्‍यामु वुङ थुप्‍किवी रो?” सिनी सिक्‍यासुङ। यिने फिलिपकी “वानी ल्हो ताङ।” सिनी सिक्‍यासुङ।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

लोमा छ्‍येतिवी लाका 8:7

च्‍यिलासिसिन मी माङ्‍शोक नेमा डेतिवा थोर ग्‍यप्‍नी च्‍यार देनिन थेन्‍सुङ। तमा जे ग्‍यपुप मीतिवा ताङ युक मुथुवुतिवा साङ टेक्‍सुङ।

याकूब 2:5

तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?