लूका 7:13 - कोन्छ्‌योककी सुङ

¹³ येशूकी ती युक्‍सिमला थोङ्‍सिमा तीला ङ्‍यिङ्‍ज्‍ये लानी, “माङु।” सिनी सुङ्‍सुङ।

लूका 7:13 Iomraidhean Croise

मर्कूस 8:2

“दी मीतिवाला ङ ङ्‍यिङ्‍ज्‍ये लङ्‍गिनोक, च्‍यिलासिसिन तिवा ङ ताङ मुला देनी तन्‍दा ङ्‍यिमा सुम गाल, तमा तिवी मुला काङ साप समा मे।

लूका 10:1

ती ज्‍युक्‍ला चोवो येशूकी यम्‍बा लोमातिवा मिरा खाल दिन ताङ ङ्‍यी पेनी मिरा ङ्‍यी ङ्‍यी क्‍यानी खोरुङ फेपुप छलुप तेरी ग्‍येसा ताङ दासाला खो सिनाङ गोमाला ताङ्‍सुङ।

लूका 11:1

ङ्‍यिम्‍ज्‍यिक दासा यीला येशू मोपोर कियी नोक। मोपोर क्‍यान छर्सिमा खोकी लोमातिवी पर ने मिरा च्‍यिककी खोला सिक्‍यासुङ, “चोवो, यूहन्‍नाकी खोरो लोमातिवाला मोपोर कितुप लापुप दोके ङ्‍यिराङला साङ मोपोर कितुप लाप नाङ्‍नी।”

लूका 11:39

तमा चोवोकी तीला सुङ्‍सुङ, “तन्‍दा ख्‍यिराङ फरिसीतिवा याङ कोरा ताङ देर्माङ फिला ति ल्‍यामु क्‍यानी शिकिवी, यिने ख्‍यिरा नाङ्‍ला ति देर्पा ताङ दुक्‍टाकी क्‍येङ्‍नी वे।

लूका 12:42

तमा चोवोकी सुङ्‍सुङ, “चुका मी ति खोङ्‍तेर्मु ताङ रिक्‍पा वोतुप खाङ्‍बी लाका चेक लावु मी वोज्‍यिवी? ज्‍यिन्‍दाककी तीला खोरो यम्‍बा लावातिवाला टेके तुजेला समा तेरुपला चेक तेकिवी।

लूका 13:15

यिने येशूकी तीला सुङ्‍सुङ, “ओ खोनक्‍पुतिवा, काङ ख्‍यिरा रे रेकी ङासोप ङ्‍यिमाला साङ खोरो लाङ ताङ पुङ्‍गोकतिवा गोठे नाङ नेमा ताङ्‍नी छ्‍यु लितुपला दा मोडोवी?

लूका 17:5

तमा लोमा च्‍यिङ्‍ङीतिवी येशूला सिक्‍यासुङ, “ङ्‍यिरा तेपा ति फेल च्‍यी।”

लूका 17:6

तमा खोकी तिवाला सुङ्‍सुङ, “ख्‍यिराङला राय डुमा चोयी तेपा वोतुप यिन्‍सिन दी किम्‍बुकी दोङ्‍बु तीला ‘पिनी ग्‍येम्‍छो नाङ्‍ला चु।’ सिक्‍यासिन तुकै राङ च्‍युङ्‍गिवी।”

लूका 18:6

लोङ चोवोकी सुङ्‍सुङ, “ती ठिम कितुप मी मेटेङ्‍बु तीकी काङ सिनोक, ङ्‍येना।

लूका 19:8

यिने जखायसकी खोक लानी चोवोला सिक्‍यासुङ, “चोवो, ल्‍होसा! त याङ ङ ङे टोङ्‍बा फेका यी पेराङ्‍बुतिवाला गोनी तेरिन। तमा ङे मी ललाइला क्‍येन्‍नी काङ रे च्‍यिक रे ठोवु वोसिन तीकी दोम्‍बा ज्‍यी फर लोक्‍नी तेरिन।”

लूका 22:61

तोजो पेला चोवोकी ग्‍युर्नी पत्रुसला केरी ल्‍हासुङ। तमा चोवोकी खोरुङला “हारिङ च्‍यवु कुकुरी मातेन्‍दा सेक ख्‍योरो ङला थेङ्‍मा सुम ङो मेशेवी सिवी।” सिनी सुङ्‍गुप ताम्‍ङे ति पत्रुसकी टेन्‍सुङ।

लूका 24:3

तिवा टककी फुककी नाङ्‍ला शुनी ल्‍हासालेन्‍सिन चोवो येशूकी फुङ्‍बु ति ते मिन्‍दुक।

लूका 24:34

दुक सियी नोक, “वुतुङ के चोवो याङ ङोसु लानी सिमोनकी चिप्‍ला छ्‍यार्सुङ।”

लूका 7:12

येशू ग्‍येसाकी गे चाला लेप्‍तुछ्‍येप पेला मीतिवी शेप मी यीला खुर्नी तेमा थेनिन नोक। ती शेप मी ति पेर्मी युक्‍सिम यीकी च्‍यिक राङ वोतुप पुज्‍युङ यिनोक। ती युलकी मीतिवा बङी ती युक्‍सिम ताङ मुला नोक।

लूका 7:14

तमा खो गोमा कोर्नी खोरो छ्‍याक ति टामला रेक्‍सिमा रो खुरुपतिवा ति ते राङ टङ टङी देसुङ। तमा येशूकी सुङ्‍सुङ, “ओ आङो, ङ ख्‍युरुङला सिरिन, खोक लो।”

लूका 7:19

दुक सिनी येशूला टेपला खोकी चाला ताङ्‍सुङ, “फेप्‍किवी सिनी सिक्‍यावु ति गेकेन राङ यिनाङ की, ङ्‍यिराङ मी यम्‍बाला राङ गुनी दे गोकिवी?”

लूका 8:52

ते मी तेरी ती पुम शेपकी थोक्‍ला ङुप्‍राङ कियी वोतुप थोङ्‍नी खोकी तिवाला सुङ्‍सुङ, “ङुप्‍राङ माकी। दी याङ माशी वे, ङ्‍यिलोकुप तिराङ यिन।”

यूहन्‍ना 11:2

ती मरियम ति ज्‍युक्‍ला येशूकी शापला टि जङ्‍बु खाप नुम पुनी खोरो र्‍ह थ्‍वोनी पिन तेरुप पुम्‍पेजा यिनोक। ती नावु लाजरस ति तीकी नुप यिनोक।

यूहन्‍ना 11:3

लाजरस नासिमा तीकी अज्‍यी मार्था ताङ मरियम तीकी येशूला “चोवो, चोवोकी ङ्‍यिङ्‍ज्‍येवु दाल्‍जा ति नानी वे।” सिनी लेन ताङ्‍नोक।

यूहन्‍ना 20:13

तिवी मरियमला “ओ नुमो, ख्‍युरुङ च्‍यिला ङिवी?” सिक्‍यानोक। तमा मरियमकी तिवाला “मी ललाइकी ङे चोवोकी फुङ्‍बु खुन गाल्‍नोक, तीकी ती फुङ्‍बुला कनी ज्‍यकुप यिन ङला छ्‍या मे।” सिनी सिक्‍यासुङ।

यूहन्‍ना 20:15

तमा येशूकी तीला “नुमो, ख्‍युरुङ च्‍यिला ङिवी? सुला छोल्‍गिवी?” सिनी टि नाङ्‍सुङ। यिने मरियमकी नासामला खो ति दुम्‍डोक ल्‍हाप मी यिन्‍दे नोनी, “अच्‍यो, अच्‍यी खोकी फुङ्‍बु ति खुन फेवु यिन्‍सिन ती ति कनी ज्‍याङ वे ङला सुङ्‍नी, ङ खोकी फुङ्‍बुला खुर्नी डोयी।” सिनी सिक्‍यासुङ।

यूहन्‍ना 4:1

येशूकी यूहन्‍नाकी सिनाङ मङ लोमातिवा जोवु ताङ बप्‍तिस्‍मा नङ्‍गुप ताम्‍ङे फरिसीतिवी थोवु ति येशूकी हाक्‍कोनोक।

यूहन्‍ना 6:23

तमा तिबेरियास नेसुर वावु यम्‍बा टुतिवा ति गोमाला चोवोकी कोन्‍छ्‍योकला थुचिछे पुल्‍नी मी माङ्‍छ्‍योकला शुब्‍ज्‍याङ नङ्‍गुप दासाकी चाला राङ लेप्‍नोक।

१ कोरिन्‍थी 7:30

तमा पप क्‍यानी ङोपतिवा माङुवा क्‍यानी देशी। गा कितुपतिवा गा मिकिवुतिवा दोके क्‍यानी देशी, ङ्‍योप्‍चे ग्‍यकुपतिवा खोरो लोला काङ साङ मेतुप दोके जोनी देशी।

१ थेसलोनिकी 4:13

अच्‍युनुपतिवा शेपतिवी कोर्ला ख्‍यिराङ हाक्‍माकोवा क्‍यानी मेदेशी, तमा रेवा मेतुप मीतिवा दोके सेम्‍दुक क्‍यानी साङ मेदेशी सिरुप ति ङ्‍यिरा नोवा वे।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।

हिब्रू 4:15

खो दाक्‍पुला छेटाङ दुङल ख्‍येलुप पेला टोङ्‍गु तेर मुथुपुप कोङ्‍यार छ्‍ये मिन। च्‍यिलासिसिन खो ति दाक्‍पु दोके तेरी ताम्‍ङेला शैतानकी खोक्‍पा ल्‍हापला ख्‍येल्‍सुङ, यिन्‍सिनाङ खोकी दिक्‍पा माक्‍यासुङ।