लूका 6:8 - कोन्छ्‌योककी सुङ

⁸ येशूकी तिवी काङ नासाम तङ्‍गुप ति हाक्‍कोनी ती लाक्‍पा कम्‍बु ठोक गलुप मी तीला “ख्‍युरुङ लानी तेरी मीतिवी पर्ला टङी दे।” सिनी सुङ्‍सुङ। खोकी तुक सुङ्‍सिमा ती मी ति लानी ते टङी देसुङ।

लूका 6:8 Iomraidhean Croise

मत्ती 9:4

तिवी तुका नासाम तङ्‍गुप ति येशूकी हाक्‍कोनी तिवाला दुक सुङ्‍सुङ, “ख्‍यिराङ च्‍यिला दुका नासाम मेलोवा तोङ्‍गिवी?

मर्कूस 3:3

येशूकी ती लाक्‍पा कम्‍बु ठोक गलुप मी तीला “मी तेरीकी दोङ्‍ला लो।” सिनी सुङ्‍सुङ।

लूका 13:12

तमा येशूकी तीला थोङ्‍सिमा तीला चाला कताङ्‍नी सुङ्‍सुङ, “ओ पुमो, त ख्‍युरुङ ख्‍योरो नेजु नेमा टेक्‍सुङ।”

लूका 5:22

येशूकी तिवी नासाम हाक्‍कोनी तिवाला टि नाङ्‍सुङ, “ख्‍यिरा सेमला च्‍यिला दुका नासाम तोङ्‍गिवी?

लूका 6:9

तमा येशूकी खोरुङला चिवा क्‍यानी देतुपतिवाला सुङ्‍सुङ, “ङ ख्‍यिराङला ताम्‍ङे यी टेयिन। ङासोप ङ्‍यिमाला काङ कितुप ति दाक्‍पी ठिमला टेके यिन? लाका ल्‍यामु कितुप टेके यिनाङ की, लाका मेलोक्‍पा कितुप? र्‍होकुप टेके यिनाङ की, सेतुप?”

यूहन्‍ना 2:25

मीतिवा चुकै वे सिनी सी साङ खोला लोप मोगोनोक, च्‍यिलासिसिन मीतिवी सेमला काङ वे सिरुप ति खोला छ्‍या नोक।

यूहन्‍ना 21:17

तमा थेङ्‍मा सुम्‍बाला येशूकी पत्रुसला “यूहन्‍नाकी पुज्‍युङ सिमोन, काङ ख्‍युरुङ ङला ङ्‍यिङ्‍ज्‍ये किवी?” सिनी टि नाङ्‍सुङ। खोकी थेङ्‍मा सुम सेक “ख्‍योरो ङला ङ्‍यिङ्‍ज्‍ये किवी?” सिनी टिन नङ्‍सिमा पत्रुसला छासे पप लानी येशूला “चोवो, चोवोला राङ तेरी छ्‍या वे। चोवोला ङे ङ्‍यिङ्‍ज्‍ये क्‍यावु ति चोवोला राङ छ्‍या वे।” सिनी सिक्‍यासुङ। येलुङ येशूकी पत्रुसला सुङ्‍सुङ, “ख्‍योरो ङे लुकतिवाला चोसा।

यूहन्‍ना 9:4

ङ्‍यिमी गुङला राङ ङला तोङ्‍गुप तीकी लाकातिवा दाक्‍पी कि गोकिवी। नुपला याङ सी साङ लाका कि मुथुपी।

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

लोमा छ्‍येतिवी लाका 26:26

दी ताम्‍ङेकी कोर्ला ग्‍येल्‍वुकी हाक्‍को वे। तुक क्‍यानी ती ताम्‍ङे ति ङ ङाडेङ क्‍यानी लपिन वे। च्‍यिलासिसिन दी तेरी ताम्‍ङे ति छ्‍याकला मेतुप तप्‍की ग्‍येल्‍वुकी साङ बानी माज्‍याक वे।

फिलिप्पी 1:28

तमा ख्‍यिराङ रङगी डतिवी काङ क्‍यासिनाङ ज्‍यिवा माकी। तुक क्‍यासिन ख्‍यिरा डतिवा फम्‍बुप ताङ ख्‍यिराङ ति दिक्‍पा ने थरुप त छ्‍या देन्‍गिवी। ती थर्वा ति कोन्‍छ्‍योककी नङ्‍गिवी।

हिब्रू 4:13

कोन्‍छ्‍योककी ज्‍येवु च्‍यालकतिवी नाङ्‍ला खोकी थोङ मुथुपुप ति काङ साङ मे। खोकी थोङ्‍दाङला तेरी ताम्‍ङेतिवा ठछ्‍येली थोङ्‍गिवी। तमा खोला राङ दाक दाक्‍पी क्‍यावु लाकाकी कोर्ला तेरी ताम्‍ङे टेङ्‍बु कि गोकी।

१ पत्रुस 4:1

चुक क्‍यानी ख्रीष्‍टकी खोरे जुला दुक्‍पा खुर नाङ्‍सुङ, ख्‍यिरा साङ खोकी दोके क्‍यानी दुक्‍पा खुरुपला टडिक क्‍यानी दे। च्‍यिलासिसिन सी ख्रीष्‍टकी थोक्‍ला जुला दुक्‍पा खुर्किवे, तीकी दिक्‍पा कितुप क्‍युर्किवी।

ज्‍यल्‍का 2:23

तुक राङ क्‍यानी तीकी पुज्‍युङपुमतिवाला साङ शि ज्‍यितिनो। तमा मी तेरीकी सेम ताङ नासाम हाक्‍कोवु ति ङ राङ यिनोक सिनी चर्च तेरीकी हाक्‍कोकितो। तमा ङ ख्‍यिराङला लाका ल्‍यामु क्‍यावुतिवाला छ्‍यक्‍तक ल्‍यामु तेरिनो, लाका मेलोवा कितुपतिवाला पर्च्या तोङ्‍यिनो।