लूका 5:5 - कोन्छ्‌योककी सुङ

⁵ तमा सिमोनकी सिक्‍यासुङ, “गेकेन, ङ्‍यिरे नुप सिर चो टेमु क्‍यासिनाङ ङ्‍या च्‍यिक साङ जिम माथुप। यिने गेकेनकी दुक सुङ्‍गुप तप्‍की ङ जाल ग्‍यकिन।”

लूका 5:5 Iomraidhean Croise

लूका 17:13

थोर ग्‍यप्‍नी दुक सिक्‍यासुङ, “ओ गेकेन येशू, ङ्‍यिराङला च्‍यम्‍बा नङ्‍डे की।”

लूका 8:24

तमा लोमातिवा येशूकी चाला गल्‍नी खोला ङ्‍यी चेयी सिरा सिक्‍यासुङ, “गेकेन, ओ गेकेन, ङ्‍यिराङ छ्‍यी नाङ्‍ला नुम्‍नी शेप छाल्‍सुङ!” ती थोसिमा येशू शेङ्‍नी ती लुङ ताङ ल्‍हकुप छ्‍यी बालापला वोरु तेन्‍सुङ। तमा लुङ ताङ छ्‍यी बालाप ति छ्‍याक्‍नी तेरी कुसुमी गाल्‍सुङ।

लूका 8:45

तमा येशूकी “सी ङला रेक ताङ?” सिनी टिसुङ। यिने तेरीकी “ङे याङ मारेक।” “ङे याङ मारेक।” सिनी सिक्‍यासुङ। तमा पत्रुसकी “गेकेन, मी माङ्‍छ्‍योककी गेकेनकी गारी गुरीला चुम्‍नी पुलिन वे।” सिनी सिक्‍यासुङ।

लूका 9:33

तमा ती मिरा ङ्‍यी ति येशू ताङ मुला क्‍येनी डोप पेला राङ पत्रुसकी येशूला सिक्‍यासुङ, “गेकेन, ङ्‍यिराङ दे राङ देतुप ल्‍यामु नोक। ङ्‍यिराङ बर्केङ सुम चोके जेवी, च्‍यिक ति गेकेनकी थोक्‍ला, च्‍यिक ति मोशाकी थोक्‍ला, तमा च्‍यिक ति एलियाकी थोक्‍ला।” यिने पत्रुसकी खोरो काङ सिक्‍यावु ति खोरुङला राङ छ्‍या मिन्‍दुक।

लूका 9:49

ती ज्‍युक्‍ला यूहन्‍नाकी सिक्‍यासुङ, “गेकेन, मिरा च्‍यिककी गेकेनकी मिङला डे देनिन वोतुप ङ्‍यिरा थोङ्‍सुङ। यिने ती ति दाक्‍पी तिङ्‍ला तिङ्‍योकुप मी मिन्‍दुप तप्‍की ङ्‍यिरा तीला तुक कितुपला क्‍येकिन।”

यूहन्‍ना 15:14

दोजो ख्‍यिरा ङे कला ङ्‍येन्‍सुङ सिसिन ख्‍यिराङ ङे दाल्‍जातिवा यिनो।

यूहन्‍ना 2:5

ती ज्‍युक्‍ला येशूकी आमा तीकी तेकी लावातिवाला “खोकी ख्‍यिराङला काङ सुङ्‍गिवे, तुकै राङ किसा।” सिनी सिक्‍यासुङ।

यूहन्‍ना 21:3

सिमोन पत्रुसकी तिवाला “ङ याङ ङ्‍या जिम्‍बुपला डोयी।” सिनी सिक्‍यासिमा तिवी पत्रुसला “ङि्‍यराङ साङ ख्‍योरो मुला राङ डोयी।” सिनी सिक्‍यासुङ। तमा तिवा मुला राङ टुला जेनी गाल्‍सुङ। यिने ती नुपला तिवी ङ्‍या च्‍यिक साङ जिम माथुप।