लूका 5:21 - कोन्छ्‌योककी सुङ

²¹ ती थोनी यहूदी छ्‍योकी गेकेनतिवा ताङ फरिसीतिवी च्‍यिककी च्‍यिकला सिक्‍यासुङ, “कोन्‍छ्‍योकला मारे तोङ्‍गुप ताम्‍ङे कितुप दी मी ति सु यिन? कोन्‍छ्‍योककी तिराङ मिसिन सी दिक्‍पा ता ज्‍यि थुप्‍किवी रो?”

लूका 5:21 Iomraidhean Croise

मत्ती 26:65

ती थोसिमा तेरी सिनाङ कोङ्‍यार छ्‍ये तीकी खोरो मज्‍या र्‍होलिन सिरा दुक सिक्‍यासुङ, “दीकी याङ कोन्‍छ्‍योकला के मारे तोङ्‍गिनोक। तुक क्‍यानी त याङ दाक्‍पुला यम्‍बा पङ्‍बु काङ गोसुङ रो? मलोक दीकी कोन्‍छ्‍योकला मारे तङ्‍गुप ताम्‍ङे याङ ख्‍यिरा थोनिङ सिन्‍सुङ।

मत्ती 9:3

तमा यहूदी छ्‍योकी गेकेनतिवी खोप्‍रे सेमला “दीकी याङ कोन्‍छ्‍योकला के मारे तोङ्‍गिनोक।” सिनी नासाम ताङ्‍नोक।

लूका 3:8

वुतुङ के ख्‍यिराङ दिक्‍पा ने सेम ग्‍युर्नी कोन्‍छ्‍योककी थाकाला वावु यिन्‍सिन ती दोके लाका ल्‍यामु की। तमा ख्‍यिरा सेमला ‘दाक्पु ति अब्राहामकी गिपा यिन।’ सिनी सिरुप माछोल। च्‍यिलासिसिन ङ ख्‍यिराङला सिरिन, कोन्‍छ्‍योककी दी दोतिवा नेसुर साङ अब्राहामकी गिपा जो थुप्‍किवी।

लूका 5:17

ङ्‍यिम्‍ज्‍यिक येशूकी सुङ लाप नङ्‍यिन वोतुप पेला गालील ताङ यहूदियाकी तेरी युलतिवा ताङ यरूशलेम नेसुर वावु फरिसीतिवा ताङ यहूदी छ्‍योकी गेकेनतिवा खोकी चिप्‍ला राङ देनोक। चोवो कोन्‍छ्‍योककी ओङ ति खो मुला वोतुप तप्‍की खोकी नेर्पुतिवाला टेक च्‍यिसुङ।

लूका 5:22

येशूकी तिवी नासाम हाक्‍कोनी तिवाला टि नाङ्‍सुङ, “ख्‍यिरा सेमला च्‍यिला दुका नासाम तोङ्‍गिवी?

लूका 7:49

ती थोनी ते सापला देतुपतिवी खोप्‍राङ पर्ला दुक सिक्‍यासुङ, “दिक्‍पा साङ ता ज्‍यितुप ती मी ति सु यिनाङ?”

यूहन्‍ना 10:33

तमा यहूदीतिवी खोला दुक सिक्‍यासुङ, “ख्‍योरो लाका ल्‍यामु क्‍यावु तप्‍की ङ्‍यिरा ख्‍युरुङला दो बेपुप छलुप मिन, यिने कोन्‍छ्‍योकला मारे तङ्‍गुप तप्‍की यिन। ख्‍युरुङ मी यिन्‍सिनाङ खुरुङला राङ ङ कोन्‍छ्‍योक यिन सिनी सिनोक।”

रोमी 8:33

खोकी पेन नङ्‍गुप मीतिवाला सी साङ क्‍येन ग्‍यक मुथुपी। तिवाला टेङ्‍बु सिनी चेप ति कोन्‍छ्‍योक राङ यिन।