लूका 5:2 - कोन्छ्‌योककी सुङ

² खोकी ल्‍हासालेन्‍सिन चोकी गारीला टु ङ्‍यी चोके नोक, तमा ङ्‍या जिम्‍बुपतिवा टी फिला देनी खोप्‍रे जाल टुयी नोक।

लूका 5:2 Iomraidhean Croise

मत्ती 4:18

ङ्‍यिम्‍ज्‍यिक येशू गालीलकी ग्‍येम्‍छो गारी नेमा फेपिन वोतुप पेला पत्रुस सिरुप सिमोन ताङ तीकी नुप अन्‍द्रियास ति ग्‍येम्‍छो नाङ्‍ला जाल क्‍युरिन वोतुप थोङ्‍सुङ। तिवा ति ङ्‍या जिम्‍बुप मीतिवा यिनोक।

मत्ती 4:21

खो तेसुर फेपिन वोतुप पेला येलुङ जब्‍दियाकी पुज्‍युङ याकूब ताङ तीकी नुप यूहन्‍ना पिन ङ्‍यी खोप्‍रे पपा जब्‍दियाकी मुला टी नाङ्‍ला देनी जाल ल्‍हेन्‍दा ग्‍यकिन वोतुप थोङ्‍सुङ। तमा खोकी तिवाला साङ कताङ्‍सुङ।

मर्कूस 1:16

ङ्‍यिम्‍ज्‍यिक येशू गालीलकी ग्‍येम्‍छो गारी ने फेप्‍सालेन्‍सिन सिमोन ताङ तीकी नुप अन्‍द्रियास ति ग्‍येम्‍छोला ङ्‍या जिम्‍बुपला जाल क्‍युरिन वोतुप थोङ्‍सुङ, च्‍यिलासिसिन तिवा ति ङ्‍या जिम्‍बुप मी यिनोक।

मर्कूस 1:19

तेसुर येशू फेचेक फेपुप पेला जब्‍दियाकी पुज्‍युङ याकूब ताङ तीकी नुप यूहन्‍ना ति टी नाङ्‍ला देनी जाल ल्‍हेन्‍दा ग्‍यकिन वोतुप थोङ्‍नी

लूका 5:1

ङ्‍यिम्‍ज्‍यिक येशू गनेसरेत सिरुप चोकी गारीला लानी ज्‍युनोक। ती पेला मी मङ्‍मु खोकी गारी गुरीला सुर्तुम ग्‍यकिन वानी कोन्‍छ्‍योककी सुङ ङ्‍येनिन नोक।

लूका 5:3

खो ते वोतुप टु ङ्‍यीकी पर्ला सिमोनकी टुला जेनी तीला टु ति चोकी गारी नेमा चेयी फेचेक क्‍योल सिनी सुङ्‍सुङ। तमा खो ति टुला राङ ज्‍युनी मी मङ्‍मुला सुङ लाप नाङ्‍सुङ।

यूहन्‍ना 1:40

यूहन्‍नाकी ताम्‍ङे थोनी येशूकी तिङ्‍ला तिङ्‍योकुप मिरा ङ्‍यीकी पर्ला मिरा च्‍यिक ति सिमोन पत्रुसकी नुप अन्‍द्रियास नोक।