लूका 5:11 - कोन्छ्‌योककी सुङ

¹¹ तमा तिवी खोप्‍रे टुतिवा ति चे गारीला क्‍यल ज्‍याक्‍सिमा तिवी मुला वोतुप तेरी क्‍युर ज्‍याक्‍नी खोकी तिङ्‍ला तिङ्‍यासुङ।

लूका 5:11 Iomraidhean Croise

मत्ती 10:37

सी ङला सिनाङ खोरो पपाआमाला मङ ङ्‍यिङ्‍ज्‍ये किवे, ती ति ङे तिङ्‍ला तिङ्‍योक मोछ्‍योवी। सी ङला सिनाङ खोरो पुज्‍युङपुमला मङ ङ्‍यिङ्‍ज्‍ये किवे, ती साङ ङे तिङ्‍ला तिङ्‍योक मोछ्‍योवी।

मत्ती 19:27

तमा पत्रुसकी खोला “ल्‍हो ताङ, चोवोकी तिङ्‍ला तिङ्‍योकुपला ङ्‍यिरा तेरी क्‍युर्नी ज्‍याकिन। त कोन्‍छ्‍योक नेमा ङ्‍यिराङला काङ ङ्‍येकिवी?” सिनी सिक्‍यासुङ।

मत्ती 19:29

तमा सी ङे थोक्‍ला खोरो खाङ्‍बा ताङ अच्‍युनुप ताङ अज्‍यीनुम ताङ पपाआमा ताङ पुज्‍युङपुम ताङ शिङ क्‍युर ज्‍याक्‍नी ङे तिङ्‍ला तिङ्‍योकिवे, तीला तीकी क्‍युर्नी ज्‍यकुप सिनाङ दोम्‍बा सयी मङ ल्‍हक्‍पा थोप्‍किवी, तमा नाम्‍साङ मिशिवु मिजी थोप्‍किवी।

मत्ती 4:20

खोकी तुक सुङ्‍सिमा तिवा पिन ङ्‍यिकर ङ्‍या जिम्‍बुप जालतिवा क्‍युर ज्‍याक्‍नी खोकी तिङ्‍ला तिङ्‍यासुङ।

मत्ती 4:22

तमा तिवा खोप्‍रे पपा ताङ टु ति ग्‍यङ क्‍युर ज्‍याक्‍नी येशूकी तिङ्‍ला तिङ्‍यासुङ।

मर्कूस 10:21

तमा येशूकी तीला ल्‍हानी ङ्‍यिङ्‍ज्‍ये लानी सुङ्‍सुङ, “तरोङ साङ ख्‍युरुङला ताम्‍ङे च्‍यिक ङ्‍युङ्‍मु वे। त गल्‍नी ख्‍योरे मुला वोतुप ति तेरी चोनी पेराङ्‍बुतिवाला बिन। तुक क्‍यासिन ख्‍युरुङला देवाच्‍येनकी नोर थोप्‍किवी। तमा वानी ङे तिङ्‍ला तिङ्‍यो।”

लूका 5:28

तमा लेवी ति लानी खोरो मुला वोतुप तेरी क्‍युर ज्‍याक्‍नी येशूकी तिङ्‍ला तिङ्‍यासुङ।