लूका 4:6 - कोन्छ्‌योककी सुङ

⁶ तमा तीकी खोला सिक्‍यासुङ, “ङ दी तेरी ओङ्‍ज्‍येन ताङ मोवा ति ख्‍युरुङला तेरिन। दी तेरी ङला थोप्‍नी वे। तुक क्‍यानी ङे सुला तेरुप नो वे, तीला राङ तेरिन।

लूका 4:6 Iomraidhean Croise

लूका 4:7

ख्‍योरे ङला शावा क्‍यासिन दी तेरी ख्‍युरुङला तेरिन।”

यूहन्‍ना 12:31

तन्‍दा ति कोन्‍छ्‍योककी दी जम्‍बुलिङला ठिम कितुप तुजे यिन, त कोन्‍छ्‍योककी दी जम्‍बुलिङला ओङ्ज्‍येन कितुप शैतानला तेन तोङ्‍गिवी।

यूहन्‍ना 14:30

त याङ ङ ख्‍यिरा मुला ताम्‍ङे अला मलाप, च्‍यिलासिसिन दी जम्‍बुलिङला ओङ्ज्‍येन कितुप शैतान ति वुङ्‍यिन नोक। तीकी ङला काङ साङ ओङ्ज्‍येन कितुप ङार मे।

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

२ कोरिन्थी 11:14

यिने दी ताम्‍ङे ति हलेवु ताम्‍ङे मिन, च्‍यिलासिसिन शैतान साङ वोसिरला वोतुप देवाच्‍येनकी मीतिवा दोके जोनी युकिवी।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

१ पत्रुस 1:24

तुक क्‍यानी कोन्‍छ्‍योककी सुङला दुक सिनी टि वे, “तेरी मीतिवा च दोके यिन, मीतिवा चोछ्‍ये वोसिनाङ तिवा ति चे मेन्‍दोक दोके यिन। च रेर्पा गल्‍सिमा मेन्‍दोक ङ्‍यिल्‍गिवी,

१ यूहन्‍ना 5:19

दाक्‍पु ति कोन्‍छ्‍योककी पुज्‍युङपुमतिवा यिन सिनी दाक्‍पुला छ्‍या वे। यिने दी जम्‍बुलिङ ति तेरी दुक्‍टाकी ओङला शोर्नी वे।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 13:2

तीकी जु ति जिक दोके नोक। तमा तीकी काङ्‍बातिवा तोमकी काङ्‍बा दोके ताङ ख ति सेङ्‍गी ख दोके नोक। ती डुक तीकी खोरो ङार ताङ ग्‍येल्‍ठिक ताङ ओङ्‍ज्‍येन ग्‍येर्पु ति ती सेम्‍ज्‍येन तीला बिन्‍सुङ।

ज्‍यल्‍का 13:7

कोन्‍छ्‍योकला तेपा कितुप मीतिवी मुला थमु ग्‍यकुप ताङ तिवी खला ग्‍येलुप ओङ्‍ज्‍येन साङ कोन्‍छ्‍योककी तीला नाङ्‍सुङ। तमा तेरी गिपातिवा ताङ मीतिवा ताङ ग्‍येतामतिवा ताङ मिरिकतिवाला ग्‍येला कितुप ओङ साङ नाङ्‍सुङ।