लूका 4:34 - कोन्छ्‌योककी सुङ

³⁴ “ओ नासरतकी येशू, ख्‍युरुङ ङ्‍यिराङला काङ कितुप छोलुप यिन? काङ ख्‍युरुङ ङ्‍यिराङला ना तोङ्‍गुपला फेवु यिन? ङ ख्‍युरुङला ङो शेकिवी। ख्‍युरुङ ति कोन्‍छ्‍योककी चाङ्‍मा वोतुप मी यिन।”

लूका 4:34 Iomraidhean Croise

मत्ती 8:29

येशूला थोङ्‍सिमा तिवा च्‍यार ग्‍यकिन सिरा “ओ कोन्‍छ्‍योककी सेवु, ख्‍योरे ति ङ्‍यिरा मुला काङ तम्‍जी वे? ठिमकी तुजे माछेवाला राङ ख्‍युरुङ ङ्‍यिराङला दुक्‍पा तेरुपला फेवु यिन?” सिनी सिक्‍यासुङ।

मर्कूस 1:24

“ओ नासरतकी येशू, ख्‍युरुङ ङ्‍यिराङला काङ कितुप छोलुप यिन? काङ ख्‍युरुङ ङ्‍यिराङला ना तोङ्‍गुपला फेवु यिन? ख्‍युरुङ सु यिन सिनी ङला छ्‍या वे, ख्‍युरुङ कोन्‍छ्‍योककी तङ्‍गुप मी टेङ्‍बु यिन।”

मर्कूस 1:34

येशूकी नेजु नम्‍बा बङी वोतुप नेर्पुतिवाला टेक च्‍यिसुङ। तमा खोकी मीतिवी नाङ नेमा डेतिवा बङी तेन्‍सुङ। यिने येशूकी डेतिवाला ताम्‍ङे लप माच्‍यी, च्‍यिलासिसिन येशू सु यिन सिरुप ति तिवाला छ्‍या नोक।

मर्कूस 5:7

तमा थोर ग्‍यप्‍नी, “ओ तेरी सिनाङ चोछ्‍येवु कोन्‍छ्‍योककी सेवु येशू, ख्‍योरे ति ङे मुला काङ तम्‍जी वे? ङला दुक्‍पा मातेर सिनी कोन्‍छ्‍योकला न क्‍योल।” सिनी सिक्‍यासुङ।

लूका 1:35

देवाच्‍येनकी लेन क्‍योलुप थु तीकी तीला सिक्‍यासुङ, “कोन्‍छ्‍योककी थु चाङ्‍मा ख्‍योरो खला फेप्‍कितो, तमा चोछ्‍येवु कोन्‍छ्‍योककी ओङ ति ख्‍योरो खला ख्‍येल्‍गितो। तुक क्‍यानी क्‍येप आङा ति चाङ्‍मा वोतुप यिन, मीतिवी खोला कोन्‍छ्‍योककी सेवु सिनी सितो।

लूका 4:33

ती पेला ते यहूदी छ्‍योखाङ नाङ्‍ला डेकी कुलुप मी यी नोक। तीकी च्‍यार ग्‍यकिन सिरा सिक्‍यासुङ,

लूका 4:41

डेतिवी साङ “ख्‍युरुङ कोन्‍छ्‍योककी सेवु यिन।” सिनी च्‍यार ग्‍यकिन सिरा मी बङीकी नाङ नेमा थेन्‍नी गाल। यिने येशूकी वोरु तेन्‍नी डेतिवाला काङ ताम्‍ङे लप माच्‍यी, च्‍यिलासिसिन तिवी खोला ख्रीष्‍ट यिन सिनी ङो शेकिनोक।

लूका 8:28

तीकी येशूला थोङ्‍सिमा च्‍यार ग्‍यप्‍नी खोकी दोङ्‍ला खवुतुङ्‍मा देनी थोर देनिन सिरा, “ओ चोछ्‍येवु कोन्‍छ्‍योककी सेवु येशू, ख्‍योरे ति ङे मुला काङ तम्‍जी वे? ङ गोङ्‍बा शोयिन, ङला दुक्‍पा मातेर।” सिनी सिक्‍यासुङ।

लूका 8:37

तमा गेरासेनसकी फार छुर लुङ्‍बाकी तेरी मीतिवा छासे ज्‍यिवा क्‍यावु तप्‍की खोप्‍राङला क्‍युर ज्‍याक्‍नी फेप सिनी येशूला गोङ्‍बा शुसुङ। तुक क्‍यानी येशू टुला जेनी लोक्‍नी फेप्‍सालेन्‍सिन

लोमा छ्‍येतिवी लाका 16:39

ती तप्‍की तिवा वानी पावल ताङ सिलासला माफ लाङ्‍सुङ। तमा तिवाला पाङ्‍ला टि गल्‍नी दी ग्‍येसा नेवा फेप सिनी ताङ्‍सुङ।

लोमा छ्‍येतिवी लाका 2:27

च्‍यिलासिसिन कोन्‍छ्‍योककी ङला शेप मीला ज्‍योकुप टककी फुक नाङ्‍ला राङ क्‍युर्नी मोज्‍योकिवी। तमा खोरो पेतुप मीला शेप ति शितोक ताङ रुल्‍नी ना साङ डो मिज्‍यिवी।

लोमा छ्‍येतिवी लाका 3:14

खो ति चाङ्‍मा ताङ टेङ्‍बु यिन्‍सिनाङ खोला ख्‍यिरा गा माक्‍यानी मी शेन्‍बा यीला के पिताङ तोङ सिनी गोङ्‍बा शुसुङ।

लोमा छ्‍येतिवी लाका 4:27

वुतुङ के हेरोद ताङ पन्‍तियस पिलातस ङ्‍यिकर यहूदी मिन्‍दुक मिरिक यम्‍बातिवा ताङ इस्राएलकी मीतिवी मुला दी ग्‍येसाला राङ जोम्‍सुङ, तमा जोम्‍सिमा कोन्‍छ्‍योककी खोरुङला शब्‍ज्‍यी बुलुपला पेन नङ्‍गुप चाङ्‍मा वोतुप येशूकी तेन्‍दोकला लासुङ।

हिब्रू 2:14

ती पुज्‍युङपुमतिवा श ताङ ठकला वोतुप जु यिन्‍दुप तप्‍की खो साङ तिवा दोके श ताङ ठकला वोतुप जु च्‍युङ्‍सुङ। तुक क्‍यानी खो टुङ्‍नी शेपकी ङार वोतुप शैतानला ना ताङ्‍सुङ।

याकूब 2:19

कोन्‍छ्‍योक च्‍यिक राङ वे सिनी ख्‍यिरा सिवी, ती ताम्‍ङे ति ल्‍यामु यिन। डेतिवी साङ तुकै राङ सिवी, यिने तिवा ज्‍यिवा लानी र्‍हुकिवी।

१ यूहन्‍ना 3:8

सी दिक्‍पा किवे, ती ति डेकी ति यिन। च्‍यिलासिसिन डेकी गोमा नेज्‍यु दिक्‍पा कियी वे। तुक क्‍यानी डेकी लाकातिवा ना तोङ्‍गुपला राङ कोन्‍छ्‍योककी सेवु येशू ख्रीष्‍ट फेवु यिन।

ज्‍यल्‍का 20:2

तीकी ति तोङगी रुल यिन्‍दुप डुक तीला जिम्‍नी लो तोङ्‍डा च्‍यिककी थोक्‍ला टासुङ। ती डुक तीला डे याङ्‍ना शैतान साङ सिवी।

ज्‍यल्‍का 3:7

“फिलाडेल्‍फियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘चाङ्‍मा ताङ टेङ्‍बु वोतुप तीकी सुङ्‍गुप यिन। तीकी लोला दाऊदकी ग्‍येसाकी गो बेतुप लिमी वे। सी साङ तीकी पेतुप गो ति च्‍ये मुथुपी, याङ्‍ना सी साङ तीकी च्‍येतुप गो ति बे मुथुपी।