लूका 4:23 - कोन्छ्‌योककी सुङ

²³ तमा येशूकी तिवाला सुङ्‍सुङ, “वुतुङ के ख्‍यिरे ङला ‘ओ आम्‍ज्‍यी, ख्‍योरो खुरुङला राङ टेक च्‍यी।’ सिरुप पे शेकिवी, तमा ‘कफर्नहुमला ख्‍योरो काङ क्‍यावु ति ङ्‍यिरे थो वे, ती ति दे ख्‍योरो युलला साङ की।’ सिनी सिवी।”

लूका 4:23 Iomraidhean Croise

मत्ती 13:54

तमा रङगी ग्‍येसा नासरतला राङ फेप्‍नी तेकी यहूदी छ्‍योखाङला येन्‍देन नाङ्‍सुङ। खोकी येन्‍देन नङ्‍गुप थोङ्‍सिमा मीतिवा हलेवा क्‍यानी दुक सिनी टिसुङ, “दी मी तीला दुका रिक्‍पा ताङ हलेवु लाका कितुप ओङ ति कनी नेसुर थोप ताङ?

मत्ती 4:13

तमा खो नासरतला क्‍युर ज्‍याक्‍नी कफर्नहुमला फेप्‍नी ते राङ ज्‍युसुङ। ती कफर्नहुम ति जब्‍लुन ताङ नप्‍ताली लुङ्‍बाला वोतुप गालील ग्‍येम्‍छो चाला ख्‍येल्‍गिनोक।

मत्ती 4:23

येशू गालील लुङ्‍बा तेरी कोरा ग्‍यकिन सिरा यहूदी छ्‍योखाङला सुङ लाप नङ्‍गुप ताङ कोन्‍छ्‍योककी ग्‍येल्‍खापकी कोर्ला लेन ल्‍यामु ख्‍याप्‍टाक कियी नम्‍बा बङीकी नेर्पुतिवा ताङ अमोछ्‍योवुतिवा तेरीला टेक च्‍यिसुङ।

मर्कूस 6:1

तेसुर येशू खोरे लोमातिवी मुला खोरे युल नासरतला फेप्‍सुङ।

लूका 2:39

योसेफ ताङ मरियम ति चोवो कोन्‍छ्‍योककी ठिमला टिवु दोके तेरी क्‍या सिन्‍सिमा खोप्‍रे युल गालीलकी नासरतला लोक्‍सुङ।

लूका 2:51

ती ज्‍युक्‍ला येशू खोरो पपाआमा मुला नासरतला लोक्‍सुङ, तमा तिवी खला ङ्‍येन्‍नी ज्‍युसुङ। खोकी आमा मरियमकी ती तेरी ताम्‍ङेतिवा खोरो सेमला ज्‍याक्‍सुङ।

लूका 4:16

तमा येशू खुरुङ र्‍होलुप नासरतला फेप्‍नी नरी दोके क्‍यानी ङासोप ङ्‍यिमाला यहूदी छ्‍योखाङला फेप्‍सुङ। तमा खो कोन्‍छ्‍योककी सुङ लोपुपला खोक लानी

लूका 4:31

ती ज्‍युक्‍ला येशू गालील लुङ्‍बाकी कफर्नहुम सिरुप ग्‍येसाला फेप्‍सुङ। ते खोकी ङासोप ङ्‍यिमाला यहूदी छ्‍योखाङला मीतिवाला येन्‍देन नङ्‍यिन नोक।

लूका 4:35

तमा येशूकी तीला वोरु तेन्‍नी, “खरक्‍पा दे! ती मी नाङ नेसुर थेन ग्‍युक!” सिनी सुङ्‍सुङ। खोकी तुक सुङ्‍लुङ्‍मे ती डे तीकी ती मीला तेरी मीतिवी दोङ्‍ला तला ताङ्‍सुङ, यिने तीला काङ साङ म मातेन्‍वा क्‍यानी थेन्‍नी गाल।

लूका 6:42

ओ खोनक्‍पु, गोमाला ख्‍योरो मिकला वोतुप दुङ्‍मा ति थेन, तमा तिराङ ख्‍युरुङ मी यम्‍बी मिकला वोतुप बोप ति थेन्‍दुपला ठछ्‍येली थोङ्‍गिवी।”

यूहन्‍ना 4:28

तमा ती पुम्‍पेजा ति खोरो दिङ्‍गर क्‍युर ज्‍याक्‍नी खोरो युलला छ्‍योङ्‍बाल ग्‍यम लोङ गल्‍नी युलकी मीतिवाला

२ कोरिन्थी 5:16

तफेन्‍ला ङ्‍यिराङ सुला साङ जम्‍बुलिङकी मीतिवी मीला ल्‍हावु दोके क्‍यानी मल्‍हावी। थेङ्‍मा यी ङ्‍यिरा साङ ख्रीष्‍टला तुक राङ क्‍यानी ल्‍हावु यिन, यिने त याङ तुक क्‍यानी मल्‍हावी।