लूका 4:18 - कोन्छ्‌योककी सुङ

¹⁸ “चोवो कोन्‍छ्‍योककी थु चाङ्‍मा ङे खला ख्‍येल वे। खोकी ङला पेराङ्‍बुतिवाला लेन ल्‍यामु ख्‍याप्‍टाक कितुपला चिनी वे। तमा चोन्‍खाङला शोरुपतिवाला ताङ मिक मोथोङ्‍गुपतिवाला पि तोङ्‍गुपकी कोर्ला ख्‍याप्‍टाक कितुपला ङला ताङ्‍सुङ। तमा मी ङ्‍यप्‍च्‍येला ख्‍येलुपतिवाला पि तोङ ज्‍यितुपला ताङ

लूका 4:18 Iomraidhean Croise

मत्ती 11:5

‘मिक मोथोङ्‍गुपतिवा मिक थोङ थुप्‍किवी, थेङ्‍बातिवा युक थुप्किवी, जे ग्‍यपुप नेजु वोतुपतिवा टेक ज्‍यिकिवी, वोन्‍बातिवा थो थुप्‍किवी, शेपतिवा सेन्‍बु लोङ्‍गिवी, तमा पेराङ्‍बुतिवाला लेन ल्‍यामु ख्‍याप्‍टाक कियी वे।’

मत्ती 12:18

“ङे थोक्‍ला पेतुप लावा ति दी राङ यिन। दी ति ङे ङ्‍यिङ्‍ज्‍येवु यिन। दीकी मुला ङ छासे गा लानी वे। ङ ङे थु चाङ्‍मा ति दीला तेरिन। तमा दीकी तेरी मिरिककी मीतिवाला ङे ठिम टेङ्‍बुकी थोक्‍ला ख्‍याप्‍टाक किवी।

मत्ती 12:20

ङे ठिम टेङ्‍बुकी ग्‍येला कितुप तुजे मालेपा सेक तीकी ककुप ङ्‍युङ्‍माला मोच्‍योकिवी, शितुछ्‍येप सलोक्‍टी मेसेवी।

मत्ती 4:16

कोन्‍छ्‍योकला ङो माशेनी दिक्‍पी ओङला देतुपतिवी वोसिर ग्‍येर्पु यी थोङ्‍सुङ। तमा कोन्‍छ्‍योकला ङो माशेनी शेपकी र्‍हिपला देतुपतिवी खला दिक्‍पा ने थर ज्‍यितुप वोसिर यी ग्‍यप्‍सुङ।”

मत्ती 5:3

“मोलाम थोपुप यिनो, सेमला नरी कोन्‍छ्‍योकला छोलुपतिवा, च्‍यिलासिसिन देवाच्‍येनकी ग्‍येल्‍खाप ति तिवी ति यिनो।

लूका 4:17

कोन्‍छ्‍योककी लुङ्‍तेम्बा यशैयाकी टिवु टिलुप थेप लानी तीला पेसिमा ती नाङ्‍ला दुक सिनी टिवु ति छल्‍नी रासुङ,

लूका 6:20

तमा येशूकी खोरो लोमातिवी थाकाला ल्‍हयी सिरा सुङ्‍सुङ, “ख्‍यिराङ पेराङ्‍बुतिवाला मोलाम थोपुप यिनो, च्‍यिलासिसिन कोन्‍छ्‍योककी ग्‍येल्‍खाप ति ख्‍यिरा ति यिनो।

लूका 7:22

यूहन्‍नाकी लोमातिवाला येशूकी दुक सुङ्‍सुङ, “ख्‍यिराङ गल्‍नी ख्‍यिरा काङ थोवु ताङ काङ थोङ्‍गुप ति यूहन्‍नाला सी। मिक मोथोङ्‍गुपतिवा थोङ्‍गिवी, थेङ्‍बातिवा युकिवी, जे ग्‍यपुप नेजु वोतुपतिवा टेकिवी, वोन्‍बातिवा थोकिवी, शेपतिवा सेन्‍बु लोङ्‍गिवी, तमा पेराङ्‍बुतिवाला लेन ल्‍यामु ख्‍याप्‍टाक कियी वे।

यूहन्‍ना 1:41

तीकी येशूला ठेसिमा तेरी सिनाङ गोमाला खोरो उज्‍यु सिमोनकी चाला गल्‍नी, “ङ्‍यिरा याङ मसीहला ठेसुङ।” सिनी सिक्‍यासुङ। (ती मसीह सिक्‍यावु तेन्‍दोक ति ख्रीष्‍ट यिन।)

यूहन्‍ना 12:46

ङ दी जम्‍बुलिङला वावु वोसिर यिन। ती ति ङला तेपा कितुपतिवा सु साङ नक्‍तोमीला लु मिज्‍यिवुला यिन।

यूहन्‍ना 3:34

कोन्‍छ्‍योककी तङ्‍गुप तीकी कोन्‍छ्‍योककी सुङ लप्‍किवी, च्‍यिलासिसिन कोन्‍छ्‍योककी तीला खोकी थु चाङ्‍मा छासे मङ्‍मु नङ्‍गुप तप्‍की यिन।

लोमा छ्‍येतिवी लाका 10:38

कोन्‍छ्‍योककी नासरतकी येशूला खोकी थु चाङ्‍मा ताङ ङार छ्‍येवु ओङ नाङ्‍सुङ। तमा कोन्‍छ्‍योक ति खोकी मुला राङ ज्‍यु वोतुप तप्‍की लुङ्‍बाकी छो ज्‍यीला खोकी लाका ल्‍यामुतिवा कियी शैतानकी दुक्‍पा बिन्‍नी नानी वोतुप ताङ डेकी कुलुपतिवा तेरीला टेक च्‍यितुप ति ख्‍यिराङला साङ छ्‍या वे।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

लोमा छ्‍येतिवी लाका 4:26

चोवो कोन्‍छ्‍योक ताङ खोकी पेन नङ्‍गुप ख्रीष्‍टकी तेन्‍दोकला ग्‍येल्‍वुतिवा ताङ ओङ्‍ज्‍येन कितुपतिवा जोम्‍नी लासुङ।’

लोमा छ्‍येतिवी लाका 4:27

वुतुङ के हेरोद ताङ पन्‍तियस पिलातस ङ्‍यिकर यहूदी मिन्‍दुक मिरिक यम्‍बातिवा ताङ इस्राएलकी मीतिवी मुला दी ग्‍येसाला राङ जोम्‍सुङ, तमा जोम्‍सिमा कोन्‍छ्‍योककी खोरुङला शब्‍ज्‍यी बुलुपला पेन नङ्‍गुप चाङ्‍मा वोतुप येशूकी तेन्‍दोकला लासुङ।

कलस्सी 1:13

खोकी दाक्‍पुला नक्‍तोमीकी ओङ्‍ज्‍येन ने थर्वा नाङ्‍नी खोरे ङ्‍यिङ्‍ज्‍येवु सेवुकी ग्‍येल्‍खापला ल्‍यामो क्‍यानी क्‍यल नङ वे।

याकूब 2:5

तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?

१ पत्रुस 2:9

यिने ख्‍यिराङ याङ तुकै मिन, ख्‍यिराङ ति कोन्‍छ्‍योककी पेन नङ्‍गुप गिपा ताङ खोकी ग्‍येल्‍खापकी कोङ्‍यार ताङ टेङ्‍बु वोतुप मिरिक ताङ कोन्‍छ्‍योककी खोरे मीतिवा यिन। खोकी ख्‍यिराङला नक्‍तोमी ने थेन्‍नी खोकी हलेवु वोसिरला टिन फेप्‍सुङ। तुक क्‍यानी ख्‍यिरा खोकी हलेवु लाकातिवा मी यम्‍बाला ख्‍याप्‍टाक कि थुप्‍शी।