लूका 4:1 - कोन्छ्‌योककी सुङ

¹ येशू कोन्‍छ्‍योककी थु चाङ्‍माकी क्‍येङ्‍नी यर्दन चङ्‍बु नेमा लोक्‍नी फेप्‍सिमा कोन्‍छ्‍योककी थु चाङ्‍माकी राङ खोला दासा पाङ्‍थेरीला टिनी फेप्‍सुङ।

लूका 4:1 Iomraidhean Croise

मत्ती 3:16

येशू बप्‍तिस्‍मा लानी चङ्‍बी नाङ ने थेन्‍सिमा देवाच्‍येन पेसुङ, तमा कोन्‍छ्‍योककी थु चाङ्‍मा ति गम्‍देर दोके क्‍यानी खोरे खला पापुप ति खोकी थोङ्‍सुङ।

लूका 2:27

तोजो पेला कोन्‍छ्‍योककी थु चाङ्‍माकी तीला गोमा क्‍यानी ती ति यहूदी ल्‍हङाङ नाङ्‍ला गाल्‍सुङ। ती पेला राङ ते योसेफ ताङ मरियमकी आङा येशूला मोशाकी ठिमला वोतुप दोके लुक्‍सु तेन्‍दुपला खुन लेसुङ।

लूका 3:3

तमा यूहन्‍ना ति यर्दन चङ्‍बुकी फार छुरकी तेरी लुङ्‍बाला गल्‍नी मीतिवाला “ख्‍यिराङ दाक दाक्‍पी दिक्‍पा ने सेम ग्‍युर्नी बप्‍तिस्‍मा लो, तमा कोन्‍छ्‍योककी ख्‍यिरा दिक्‍पा ता ज्‍यिकिवी।” सिनी ख्‍याप्‍टाक क्‍यासुङ।

लूका 3:38

केनान ति एनोशकी पुज्‍युङ, एनोश ति शेतकी पुज्‍युङ, शेत ति आदमकी पुज्‍युङ नोक, तमा आदम ति कोन्‍छ्‍योककी पुज्‍युङ यिनोक।

लूका 4:14

ती ज्‍युक्‍ला येशू कोन्‍छ्‍योककी थु चाङ्‍माकी ङार थोप्‍नी गालील लुङ्‍बाला लोक्‍नी फेप्‍सुङ। तमा खोकी कोर्ला फार छुर तेरी दासाला ताम्‍ङे टाम्‍सुङ।

लूका 4:18

“चोवो कोन्‍छ्‍योककी थु चाङ्‍मा ङे खला ख्‍येल वे। खोकी ङला पेराङ्‍बुतिवाला लेन ल्‍यामु ख्‍याप्‍टाक कितुपला चिनी वे। तमा चोन्‍खाङला शोरुपतिवाला ताङ मिक मोथोङ्‍गुपतिवाला पि तोङ्‍गुपकी कोर्ला ख्‍याप्‍टाक कितुपला ङला ताङ्‍सुङ। तमा मी ङ्‍यप्‍च्‍येला ख्‍येलुपतिवाला पि तोङ ज्‍यितुपला ताङ

यूहन्‍ना 1:32

येलुङ यूहन्‍नाकी दुक सिनी पङ्‍बु बिन्‍सुङ, “देवाच्‍येन नेमा कोन्‍छ्‍योककी थु चाङ्‍मा ति गम्‍देर दोके क्‍यानी पाप्‍नी खोकी खला ज्‍यु वोतुप ति ङे थोङ्‍सुङ।

यूहन्‍ना 3:34

कोन्‍छ्‍योककी तङ्‍गुप तीकी कोन्‍छ्‍योककी सुङ लप्‍किवी, च्‍यिलासिसिन कोन्‍छ्‍योककी तीला खोकी थु चाङ्‍मा छासे मङ्‍मु नङ्‍गुप तप्‍की यिन।

लोमा छ्‍येतिवी लाका 1:2

ती थेप नाङ्ला खोकी पेन नङ्‍गुप लोमातिवाला कोन्‍छ्‍योककी थु चाङ्‍मा नेमा क नङ्सिमा खो देवाच्‍येनला तेङ फेवु छेर्मु सेककी ताम्‍ङे ति तेरी वे।

लोमा छ्‍येतिवी लाका 10:38

कोन्‍छ्‍योककी नासरतकी येशूला खोकी थु चाङ्‍मा ताङ ङार छ्‍येवु ओङ नाङ्‍सुङ। तमा कोन्‍छ्‍योक ति खोकी मुला राङ ज्‍यु वोतुप तप्‍की लुङ्‍बाकी छो ज्‍यीला खोकी लाका ल्‍यामुतिवा कियी शैतानकी दुक्‍पा बिन्‍नी नानी वोतुप ताङ डेकी कुलुपतिवा तेरीला टेक च्‍यितुप ति ख्‍यिराङला साङ छ्‍या वे।

लोमा छ्‍येतिवी लाका 8:39

तमा तिवा ङ्‍यिकर छ्‍यी नाङ ने थेन्‍लुङ्‍मे कोन्‍छ्‍योककी थु चाङ्‍माकी फिलिपला शार्क्येक टिनी फेप्‍सुङ। ती ज्‍युक्‍ला ती मी तीकी फिलिपला माथोङ, यिन्‍सिनाङ गा कियी सिरा खोरो लाम शुसुङ।