लूका 3:3 - कोन्छ्‌योककी सुङ

³ तमा यूहन्‍ना ति यर्दन चङ्‍बुकी फार छुरकी तेरी लुङ्‍बाला गल्‍नी मीतिवाला “ख्‍यिराङ दाक दाक्‍पी दिक्‍पा ने सेम ग्‍युर्नी बप्‍तिस्‍मा लो, तमा कोन्‍छ्‍योककी ख्‍यिरा दिक्‍पा ता ज्‍यिकिवी।” सिनी ख्‍याप्‍टाक क्‍यासुङ।

लूका 3:3 Iomraidhean Croise

मत्ती 3:11

ङ याङ ख्‍यिराङला दिक्‍पा ने सेम ग्‍युरुपकी थोक्‍ला छ्‍यु थ्‍वोनी बप्‍तिस्‍मा तेरिन, यिने ङे तिङ्‍ला फेपुप ति ङ सिनाङ ओङ छ्‍येवु वे। तुक क्‍यानी ङ याङ खोकी शप्‍चे साङ खुर छ्‍योवु मे। खोकी ख्‍यिराङला चाङ्‍मा जोपला कोन्‍छ्‍योककी थु चाङ्‍मा ताङ मे थ्‍वोनी बप्‍तिस्‍मा नङ्‍गिवी।

लूका 1:16

तमा तीकी इस्राएल गिपाकी मीतिवा बङीला खोप्‍रे चोवो कोन्‍छ्‍योककी थाकाला ग्‍युर ज्‍यिकितो।

लूका 1:77

तमा खोकी खोरो मीतिवी दिक्‍पा पङ्‍नी तिवाला थर्वा ङ्‍येकिवी सिरुप रिक्‍पा ख्‍युरुङ लोप्‍कितो।

लूका 4:1

येशू कोन्‍छ्‍योककी थु चाङ्‍माकी क्‍येङ्‍नी यर्दन चङ्‍बु नेमा लोक्‍नी फेप्‍सिमा कोन्‍छ्‍योककी थु चाङ्‍माकी राङ खोला दासा पाङ्‍थेरीला टिनी फेप्‍सुङ।

यूहन्‍ना 1:28

दी तेरी ताम्‍ङे ति यूहन्‍नाकी बप्‍तिस्‍मा बिन्‍दुप यर्दन चङ्‍बी फर्केन बेथानियाला च्‍युङ्‍गुप यिन।

यूहन्‍ना 3:26

ती ज्‍युक्‍ला यूहन्‍नाकी लोमातिवा यूहन्‍नाकी चाला वानी, “गेकेन, गोमाला गेकेन ताङ मुला यर्दन चङ्‍बी फर्केनला वोतुप गेकेनकी पङ्‍बु बिन्‍दुप ती मी ति मीतिवाला बप्‍तिस्‍मा तेरिन नोक, तमा मीतिवा तेरी खोकी चाला डिनोक।” सिनी सिक्‍यासुङ।

लोमा छ्‍येतिवी लाका 13:24

येशू फेपुप सिनाङ गोमाला यूहन्‍नाकी तेरी इस्राएलकी मीतिवाला ‘ङ दिक्‍छेन यिनोक सिनी सेम ग्‍युर्नी बप्‍तिस्‍मा लङ गोकिवी’ सिनी ख्‍याप्‍टाक क्‍यासुङ।

लोमा छ्‍येतिवी लाका 19:4

येलुङ पावलकी तिवाला सिक्‍यासुङ, “यूहन्‍नाकी बप्‍तिस्‍मा याङ मीतिवाला सेम ग्‍युरुप थोक्‍ला तिराङ बिन्‍दुप यिन। यूहन्‍नाकी ‘ङे तिङ्‍ला मी यी फेप्‍किवी, ख्‍यिरा खोला तेपा की!’ सिनी सिक्‍यावु ती मी ति येशू यिन।”

लोमा छ्‍येतिवी लाका 22:16

त याङ ख्‍युरुङ च्‍यिला गुनी देकिवी? खोक लानी बप्‍तिस्‍मा लो। तमा खोकी मिङला रेन्‍नी ख्‍योरो दिक्‍पातिवा क्‍युर।’ सिनी सिक्‍यासुङ।