लूका 3:18 - कोन्छ्‌योककी सुङ

¹⁸ यूहन्‍नाकी यम्‍बा टोङ्‍गुतिवा साङ बङी बिन्‍नी मीतिवाला लेन ल्‍यामु ख्‍याप्‍टाक क्‍यासुङ।

लूका 3:18 Iomraidhean Croise

लूका 3:17

खोकी लकला ग्‍यालुक वे, ती ग्‍यालुक थ्‍वोनी खोरो लेङाङला वोतुप डुप्‍सेनतिवा च्‍यर्नी डुमा ति खोरो पङाङ नाङ्‍ला दुम ज्‍योकिवी, तमा फुङ्‍मा ति नाम्‍साङ मिशिवु मे नाङ्‍ला र्‍हेकिवी।”

लूका 3:19

यिने ग्‍येल्‍वु हेरोदकी खोरो नुपकी पेर्मी हेरोदियासला खोरो पेर्मी जोनी ज्‍यकुप ताङ तीकी क्‍यावु यम्‍बा दुक्‍टातिवी थोक्‍ला यूहन्‍नाकी तीला वोरु तेन्‍सुङ।

यूहन्‍ना 1:15

यूहन्‍नाकी खोकी कोर्ला थोर ग्‍यप्‍नी दुक सिनी मीतिवाला पङ्‍बु बिन्‍सुङ, “दी मी तीकी कोर्ला ‘ङ सिनाङ ज्‍युक्‍ला मिरा च्‍यिक फेप्‍कितो, खो ति ङ सिनाङ चोछ्‍ये वे, च्‍यिलासिसिन खो ति ङ क्‍येप सिनाङ गोमाला के ज्‍युनोक।’ सिनी ङे सिक्‍यावु ति खो राङ यिन।”

यूहन्‍ना 1:29

ती सला तीला यूहन्‍नाकी येशू खोरो चाला फेपिन कितुप थोङ्‍नी, “ल्‍हो ताङ, जम्‍बुलिङ तेरीकी मीतिवाला दिक्‍पा ने थर ज्‍यितुप कोन्‍छ्‍योककी लुक रुक!

यूहन्‍ना 1:34

ती ताम्‍ङे ति ङे थोङ्‍सुङ, तुक क्‍यानी खो ति कोन्‍छ्‍योककी सेवु यिन सिनी ङे पङ्‍बु बिनिन।”

लोमा छ्‍येतिवी लाका 2:40

पत्रुसकी यम्‍बा ताम्‍ङेतिवा साङ बङी सिक्‍यासुङ। तमा तिङ्‍ला तिवाला दुक सिनी टोङ्‍गु बिन्‍सुङ, “ख्‍यिराङ दी दुक्‍टाकी गिपा ने र्‍होकुप लाका किसा।”

लोमा छ्‍येतिवी लाका 20:2

ते वोतुप दासा दासाला गल्‍सिमा तेकी तेपा कितुप मीतिवाला टोङ्‍गु बङी बिन्‍नी ग्रीसला गाल।

रोमी 12:8

मीला टोङ्‍गु तेरुप यिन्‍सिन ल्‍यामु क्‍यानी टोङ्‍गु तेरुप लाका कि गोकिवी। बुल्‍दिर ग्‍यकुप यिन्‍सिन सेमगी दिङ नेज्‍युनी बुल्‍दिर ग्‍यक गोकिवी। ग्‍येला कितुप यिन्‍सिन टेमु क्‍यानी ग्‍येला कि गोकिवी। च्‍यम्‍बा कितुप यिन्‍सिन गा ताङ क्‍यानी च्‍यम्‍बा कितुप छ्‍या देन गोकिवी।