लूका 3:16 - कोन्छ्‌योककी सुङ

¹⁶ तिवी नोवा हाक्‍कोनी यूहन्‍नाकी तिवा तेरीला सिक्‍यासुङ, “ङ ख्‍यिराङला छ्‍यु थ्‍वोनी बप्‍तिस्‍मा तेरिन, यिने ङ सिनाङ मङ ओङ छ्‍येवु वोतुप मी यी फेपिन वे। ङ याङ खोकी शप्‍चेकी र्‍हाम्‍डोक डोलुप साङ पोमु मे। खोकी ख्‍यिराङला कोन्‍छ्‍योककी थु चाङ्‍मा ताङ मे नेसुर बप्‍तिस्‍मा नङ्‍गिवी।

लूका 3:16 Iomraidhean Croise

मत्ती 3:11

ङ याङ ख्‍यिराङला दिक्‍पा ने सेम ग्‍युरुपकी थोक्‍ला छ्‍यु थ्‍वोनी बप्‍तिस्‍मा तेरिन, यिने ङे तिङ्‍ला फेपुप ति ङ सिनाङ ओङ छ्‍येवु वे। तुक क्‍यानी ङ याङ खोकी शप्‍चे साङ खुर छ्‍योवु मे। खोकी ख्‍यिराङला चाङ्‍मा जोपला कोन्‍छ्‍योककी थु चाङ्‍मा ताङ मे थ्‍वोनी बप्‍तिस्‍मा नङ्‍गिवी।

मत्ती 3:12

खोकी छ्‍याकला ग्‍यालुक वे, तमा खोकी लेङाङ चेङ्‍गा जोनी टतिवा टाप्‍नी डुमातिवा ति पङाङ नाङ्‍ला लुकिवी, फुङ्‍मातिवा ति नाम्‍साङ मिशिवु मे नाङ्‍ला र्‍हेकिवी।”

यूहन्‍ना 1:26

तमा यूहन्‍नाकी “ङ याङ छ्‍यु थ्‍वोनी बप्‍तिस्‍मा तेरुप यिन। यिने ख्‍यिरा पर्ला मी मिरा च्‍यिक टङी लानी वे, खो सु यिन सिनी ख्‍यिरा ङो राङ मेशेवी।

यूहन्‍ना 1:27

खो ङे ज्‍युक्‍ला फेपुप यिन, यिन्‍सिनाङ ङ याङ खोकी शप्‍चेकी र्‍हाम्‍डोक डोलुप साङ पोमु मे।” सिनी सिक्‍यासुङ।

यूहन्‍ना 1:33

ङे साङ खोला ङो माशे, यिने छ्‍यु थ्‍वोनी बप्‍तिस्‍मा तेरुपला ङला तङ्‍गुप तीकी ‘चुका मी तीकी खला कोन्‍छ्‍योककी थु चाङ्‍मा पाप्‍नी ज्‍यु वोतुप ख्‍योरो थोङ्‍गिवे, ती ति कोन्‍छ्‍योककी थु चाङ्‍मा नेमा बप्‍तिस्‍मा नङ्‍गुप मी यिन सिनी ख्‍योरो हाक्‍कोकितो।’ सिनी ङला सुङ्‍सुङ।

यूहन्‍ना 7:38

सी ङला तेपा किवे, तीकी सेम नेमा कोन्‍छ्‍योककी सुङला टि वोतुप दोके मिजी तेरुप छ्‍यु नरी दोल्‍गितो।”

लोमा छ्‍येतिवी लाका 1:5

यूहन्‍नाकी याङ ख्‍यिराङला छ्‍युकी बप्‍तिस्‍मा बिन्‍सुङ, यिने त ङ्‍यिमा चेयी ज्‍युक्‍ला ख्‍यिराङला कोन्‍छ्‍योककी थु चाङ्‍माकी बप्‍तिस्‍मा थोप्‍कितो।”

लोमा छ्‍येतिवी लाका 10:44

पत्रुसकी ती ताम्‍ङे ति सियी वोतुप पेला ते सुङ ङ्‍येन्‍दुपतिवा तेरीकी खला कोन्‍छ्‍योककी थु चाङ्‍मा पाप्‍नी फेप्‍सुङ।

लोमा छ्‍येतिवी लाका 2:33

ती येशूला कोन्‍छ्‍योककी खोकी यावी थाकाला छासे ताङ्‍देन वोतुप ठीकी खला ज्‍याक नाङ्‍सुङ। तमा खोकी थाक्‍छ्‍येन नङ्‍गुप थु चाङ्‍मा ति येशूला थोप्‍नी ती ति ङ्‍यिरा पर्ला तङ नाङ्‍सुङ। ती ताम्‍ङे ति तन्‍दा ख्‍यिरा थोङ्‍गुप ताङ थोयी वे।

१ कोरिन्‍थी 12:13

च्‍यिलासिसिन दाक्‍पु यहूदीतिवा यिन्‍सिनाङ ग्रीकतिवा यिन्‍सिनाङ योक्‍पुतिवा यिन्‍सिनाङ योक्‍पुतिवा मिन्‍सिनाङ कोन्‍छ्‍योककी थु चाङ्‍मा च्‍यिककी ओङला राङ दाक्‍पी बप्‍तिस्‍मा लानी जु च्‍यिक राङ च्‍युङ्‍गुप यिन। तमा दाक्‍पु तेरीला खोकी थु चाङ्‍मा साङ च्‍यिक राङ नङ्‍नी वे।