लूका 3:14 - कोन्छ्‌योककी सुङ

¹⁴ तमा मक्‍मीतिवी साङ टिसुङ, “ङ्‍यिराङ ति काङ कि गोकिवी?” यूहन्‍नाकी तिवाला सिक्‍यासुङ, “सु नेसुर साङ वुर्च्युम ग्‍यप्‍नी टङ्‍गा माठोक, तमा क्‍येन मेटेङ्‍बु ग्‍यप्‍नी माठोक, बोरु दाक दाक्‍पी थोपुप लला लोदिवा क्‍यानी दे।”

लूका 3:14 Iomraidhean Croise

मत्ती 8:5

येशू कफर्नहुमला फेपुप पेला ते रोमी मक्‍मी सयी च्‍यिककी खकी छ्‍ये यी खोकी चाला वानी दुक सिनी गोङ्‍बा शुसुङ,

लूका 19:8

यिने जखायसकी खोक लानी चोवोला सिक्‍यासुङ, “चोवो, ल्‍होसा! त याङ ङ ङे टोङ्‍बा फेका यी पेराङ्‍बुतिवाला गोनी तेरिन। तमा ङे मी ललाइला क्‍येन्‍नी काङ रे च्‍यिक रे ठोवु वोसिन तीकी दोम्‍बा ज्‍यी फर लोक्‍नी तेरिन।”

लूका 3:10

तमा मीतिवी यूहन्‍नाला “तुकै यिन्‍सिन ङ्‍यिराङ ति काङ कि गोकिवी?” सिनी टिसुङ।

लूका 3:13

तमा यूहन्‍नाकी तिवाला सिक्‍यासुङ, “ख्‍यिरा दु गोवु सिनाङ ल्‍हक्‍पा से मादु।”

लोमा छ्‍येतिवी लाका 10:7

तोजोयी सिक्‍यासिमा देवाच्‍येनकी लेन क्‍योलुप थु ति गाल। गल्‍सिमा कर्नेलियसकी खोरो लावा मिरा ङ्‍यी ताङ यम्‍बा खोरुङला शब्‍ज्‍यी कितुप कोन्‍छ्‍योककी कला युकुप मक्‍मी यीला कताङ्‍सिमा

फिलिप्पी 2:15

तुक क्‍यासिन ख्‍यिराङ क्‍येन मेतुप ताङ टेङ्‍बु च्‍युङ्‍नी सुर्क्योक्‍पा ताङ ख्‍यम गलुप मीतिवी पर्ला मडी मेतुप कोन्‍छ्‍योककी गिपा च्‍युङ्‍गिवी। तमा ख्‍यिराङ कर्मा शरुप दोके वो ग्‍यकिवी।

फिलिप्पी 4:11

कतुकारला ख्‍येल्‍सुङ सिनी ङे किदुक शेतुप मिन, यिने चो पेला साङ लोदिमु कि गोकिवी सिरुप ति ङे लापिन।

तीतस 2:3

तुक राङ क्‍यानी मी गामातिवा किताङ नालु ति टेङ्‍बु वोतुप ताङ मी यम्‍बी कोर्ला ताम्‍ङे मेलोवा मिकिवु ताङ छ्‍याङ्‍गेले मेतुप ताङ चुका ति ल्‍यामु नोके तिराङ लोप्‍शी

ज्‍यल्‍का 12:10

ती पेला देवाच्‍येनला दुक सिक्‍यावु वोरु ग्‍येर्पु यी ङे थोसुङ। “त याङ दाक्‍पी कोन्‍छ्‍योककी तेरी मीतिवाला थर्वा नङ्‍गुप ताङ खोकी ङार ताङ ग्‍येल्‍खाप ताङ खोकी पेन नङ्‍गुप ख्रीष्‍टकी ओङ्‍ज्‍येन ति वा वे। च्‍यिलासिसिन तेपा कितुप दाक्‍पी अच्‍युनुपतिवाला ङ्‍यी ताङ नुप्‍ज्‍या कोन्‍छ्‍योककी दोङ्‍ला क्‍येन तेरुप शैतान ति देवाच्‍येन नेमा तेन्‍नी क्‍युर्नी वे।