लूका 3:11 - कोन्छ्‌योककी सुङ

¹¹ यूहन्‍नाकी तिवाला सिक्‍यासुङ, “सी मुला छ्‍योवा ङ्‍यी नोके, तीकी मेतुपतिवाला तेर्शी। सी मुला साप समा नोके, तीकी साङ मेतुपतिवाला तेर्शी।”

लूका 3:11 Iomraidhean Croise

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

लूका 11:41

कोरा ताङ देर्माङ नाङ्‍ला काङ वे, ती ति पेराङ्‍बुतिवाला बिन, तुक क्‍यासिन तेरी ताम्‍ङेतिवा ख्‍यिरा थोक्‍ला चेङ्‍गा डिवी।

लूका 18:22

ती थोसिमा येशूकी तीला सुङ्‍सुङ, “ख्‍युरुङला तरोङ साङ ताम्‍ङे च्‍यिक ङ्‍युङ्‍मु वे। ख्‍योरो मुला वोतुप टोङ्‍बातिवा तेरी चोनी पेराङ्‍बुतिवाला गोनी बिन। तुक क्‍यासिन ख्‍युरुङला देवाच्‍येनला टोङ्‍बा थोप्‍किवी। तमा वानी ङे तिङ्‍ला तिङ्‍योक।”

लूका 19:8

यिने जखायसकी खोक लानी चोवोला सिक्‍यासुङ, “चोवो, ल्‍होसा! त याङ ङ ङे टोङ्‍बा फेका यी पेराङ्‍बुतिवाला गोनी तेरिन। तमा ङे मी ललाइला क्‍येन्‍नी काङ रे च्‍यिक रे ठोवु वोसिन तीकी दोम्‍बा ज्‍यी फर लोक्‍नी तेरिन।”

यूहन्‍ना 13:29

तमा ललाइकी यहूदाकी लोला लोमातिवी टङ्‍गी छयी ज्‍यकुप तप्‍की येशूकी तीला “तुछ्‍येनकी थोक्‍ला तिवाला गोवु च्‍यालक ङ्‍योप याङ्‍ना पेराङ्‍बुतिवाला काङ रे च्‍यिक रे बिन।” सिनी सुङ्‍गुप यिन्‍दे सिनी नो क्‍यानोक।

लोमा छ्‍येतिवी लाका 10:2

ती कर्नेलियस ति कोन्‍छ्‍योककी सुङला युकुप मी नोक। तीकी मिछाङतिवा तेरी मुला कोन्‍छ्‍योकला ज्‍यिवा क्‍यानी पेराङ्‍बुतिवाला बुल्‍दिर ग्‍यकुप ताङ कोन्‍छ्‍योकला नरी मोपोर कियिनोक।

लोमा छ्‍येतिवी लाका 10:31

‘ओ कर्नेलियस, ख्‍योरो मोपोर क्‍यावु ति कोन्‍छ्‍योककी थोनी वे। तमा पेराङ्‍बुतिवाला ख्‍योरो च्‍यम्‍बा क्‍यावु ति कोन्‍छ्‍योकला छ्‍या वे।

लोमा छ्‍येतिवी लाका 10:4

देवाच्‍येनकी लेन क्‍योलुप थु तीला थोङ्‍सिमा कर्नेलियसकी ज्‍यिवा लानी दुक सिक्‍यासुङ, “ओ चोवो, ख्‍युरुङला काङ गोसुङ?” तमा देवाच्‍येनकी लेन क्‍योलुप थु तीकी सिक्‍यासुङ, “ख्‍योरो मोपोर क्‍यावु ताङ पेराङ्‍बुतिवाला बुल्‍दिर बिन्‍दुप ति कोन्‍छ्‍योकला छ्‍या वे।

एफिसी 4:28

कुन कितुपतिवी साङ तफेन्‍ला कुन मिकिशी। तीकी लाका टेमु क्‍यानी सशी, तमा कतुकारला ख्‍येलुपतिवाला तेर थुप्‍शी।

१ तिमोथी 6:17

दी जम्‍बुलिङकी मी छ्‍युक्‍पुतिवाला दुक सिनी क बिन, “अम्‍बारङ्‍शिङ माकी, चेयी पर सेक तिराङ लुवु टोङ्‍बाला मिन, यिने दाक्‍पुला गोवु तेरी च्‍यालकतिवा लोदिमुकी थोक्‍ला ग्‍यक्‍चे क्‍यानी नङ्‍गुप कोन्‍छ्‍योकला तिराङ रेवा की।”

१ तिमोथी 6:18

तमा तिवाला “मी यम्‍बाला ल्‍यामु कितुप ताङ लाका ल्‍यामु कितुप सेम वोतुप ताङ सेम बोल्‍मु वोतुप ताङ रङगी लोला वोतुप टोङ्‍बातिवा कतुकारला ख्‍येलुपतिवाला तेरुप सेम वोतुप च्‍युङ गोकिवी।” सिनी क बिन।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

याकूब 2:14

ङे ङ्‍यिङ्‍ज्‍येवु अच्‍युनुपतिवा, दोजो मी ललाइकी “ङ येशूला तेपा किवी।” सिनी सिवी, यिने तेपा क्‍यावु दोके लाका ति मिकिवी सिसिन, तीला काङ ख्‍येप्‍साङ गिवी रो? काङ तीकी क्‍यावु तेपाकी तीला र्‍होक थुप्‍किवी रो?

१ यूहन्‍ना 3:17

मी ललाइकी खोरो लोला टोङ्‍बा वोसिनाङ खोरो अच्‍युनुपतिवाला कतुकार ख्‍येलुप थोङ्‍सिनाङ तीकी सेम क्‍योङ्‍बु जेवी सिसिन तीकी मुला कोन्‍छ्‍योककी ङ्‍यिङ्‍ज्‍ये गिवी रो?

१ यूहन्‍ना 4:20

दोजो मी ललाइकी ङ कोन्‍छ्‍योकला ङ्‍यिङ्‍ज्‍ये कितिन सिवी, यिने यम्‍बा अच्‍युनुपतिवाला ङ्‍यिङ्‍मर किवी सिसिन ती ति जिनोक जोप यिन। च्‍यिलासिसिन तीकी खोरो मिककी थोङ्‍गुप अच्‍युनुपतिवाला साङ ङ्‍यिङ्‍ज्‍ये मिकिवी सिसिन मोथोङ्‍गुप कोन्‍छ्‍योकला ङ्‍यिङ्‍ज्‍ये कि मुथुवी।