लूका 24:6 - कोन्छ्‌योककी सुङ

⁶ खो याङ दे मे, खो ङोसु लानी वे। खो गालीलला ज्‍युवु पेला ख्‍यिराङला सुङ्‍गुप ताम्‍ङे ति नासाम तोङ।

लूका 24:6 Iomraidhean Croise

मत्ती 12:40

च्‍यिलासिसिन योना ङ्‍याकी खोक्‍पी नाङ्‍ला ङ्‍यिमा सुम ताङ नुप सुम लुवु दोके ङ मी पुज्‍युङ साङ ङ्‍यिमा सुम ताङ नुप सुम से दिङ्‍ला लुकिवी।

मत्ती 16:21

ती पेला नेज्‍युनी येशूकी लोमातिवाला “ङ वुतुङ के यरूशलेमला डो गोकिवी, तमा यहूदी गोमा कितुपतिवा ताङ कोङ्‍यार छ्‍येतिवा ताङ यहूदी छ्‍योकी गेकेनतिवी ङला छेटाङ बङी बिन्‍नी सेकिवी, तमा शेप ङ्‍यिमा सुमला कोन्‍छ्‍योककी ङला सेन्‍बु लोङ्‍गिवी।” सिनी सुङ्‍गुप छाल्‍सुङ।

मत्ती 27:63

“पिलातस ला, ती जिनोक जोप मी तीकी सेन्‍बु वोतुप पेला ङ्‍यिमा सुमकी तिङ्‍ला खोरुङ शेप ने येलुङ सेन्‍बु लङ्‍यिन सिनी सिक्‍यावु ति ङ्‍यिराङला टासा वे।

मत्ती 28:6

खो याङ दे मे, खोकी सुङ्‍गुप दोके खो टुङ्‍गुप ने ङोसु लासुङ। दे वानी खोकी फुङ्‍बु ज्‍यकुप दासाला ल्हो।

मर्कूस 16:6

तमा ती मी नाज्‍युङ तीकी तिवाला सिक्‍यासुङ, “ज्‍यिवा माकी। ख्‍यिराङ ग्‍यङ्‍शिङला कल्‍नी टुङ्‍गुप नासरतकी येशूला छोलिन नोक। खो ङोसु लासुङ, खो दे मे। खोकी फुङ्‍बु ज्‍यकुप दासाला ल्हो।

मर्कूस 8:31

ती ज्‍युक्‍ला येशूकी लोमातिवाला खोरो कोर्ला दुक सिनी सुङ्‍गुप छाल्‍सुङ, “ङ मी पुज्‍युङला दुक्‍पा बङी ङ्‍येकिवी। यहूदी गोमा कितुपतिवा ताङ कोङ्‍यार छ्‍येतिवा ताङ यहूदी छ्‍योकी गेकेनतिवी ङे तेन्‍दोकला लानी ङला सेकिवी। यिने ङ्‍यिमा सुम ज्‍युक्‍ला ङ शेप ने सेन्‍बु लङ्‍गिवी।”

लूका 24:34

दुक सियी नोक, “वुतुङ के चोवो याङ ङोसु लानी सिमोनकी चिप्‍ला छ्‍यार्सुङ।”

लूका 24:5

ती थोङ्‍सिमा पुम्‍पेजातिवा कशेन ज्‍यिवा लानी सला खवुतुङ्‍मा देसुङ। तमा ती ख्‍योक्‍पेजातिवी तिवाला सिक्‍यासुङ, “ख्‍यिराङ च्‍यिला ङोसु वोतुप तीला शेपतिवी पर्ला छोलिन वे?

लूका 9:22

येलुङ येशूकी सुङ्‍सुङ, “ङ मी पुज्‍युङला दुक्‍पा बङी खुर गोकिवी, तमा यहूदी गोमा कितुप मी छ्‍येतिवा ताङ कोङ्‍यार छ्‍येतिवा ताङ यहूदी छ्‍योकी गेकेनतिवी ङला क्‍येन बिन्‍नी सेकिवी, तमा ङ्‍यिमा सुम ज्‍युक्‍ला ङ शेप ने सेन्‍बु लङ्‍गिवी।”

लूका 9:44

“ङे ख्‍यिराङला सिक्‍यावु दी ताम्‍ङे ति ख्‍यिरा ङ्‍याम क्‍यानी ङ्‍येना, ङ मी पुज्‍युङ ति मीतिवी लकला चेक तेकिवी।”

लोमा छ्‍येतिवी लाका 2:24

येशूकी छेटाङ बङी खुर्नी टुङ्‍सिनाङ कोन्‍छ्‍योककी खोला टुङ्‍गुप ने ङोसु लाङ्‍सुङ। च्‍यिलासिसिन खो शेप ति शितोक दे मुथुपी।

२ थेसलोनिकी 2:5

ती ताम्‍ङे ति ङ ख्‍यिरा मुला वोतुप पेला नेज्‍युनी ख्‍यिराङला सिक्‍यावु मिन रो?