लूका 24:44 - कोन्छ्‌योककी सुङ

⁴⁴ ती ज्‍युक्‍ला खोकी तिवाला सुङ्‍सुङ, “ङे गोमाला ख्‍यिरा मुला वोतुप पेला ख्‍यिराङला ‘मोशाकी ठिम ताङ कोन्‍छ्‍योककी लुङ्‍तेम्‍बाकी थेप ताङ भजनसंग्रहकी थेपकी नाङ्‍ला ङे कोर्ला टिवु तेरी ताम्‍ङेतिवा छे राङ गोकिवी।’ सिनी सिक्‍या वे।”

लूका 24:44 Iomraidhean Croise

मत्ती 1:22

दी तेरी ताम्‍ङे च्‍युङ्‍गुप ति चोवो कोन्‍छ्‍योककी खोरे लुङ्‍तेम्‍बातिवा नेसुर दुक सुङ्‍गुप सुङ ति छेवुला यिन,

मत्ती 16:21

ती पेला नेज्‍युनी येशूकी लोमातिवाला “ङ वुतुङ के यरूशलेमला डो गोकिवी, तमा यहूदी गोमा कितुपतिवा ताङ कोङ्‍यार छ्‍येतिवा ताङ यहूदी छ्‍योकी गेकेनतिवी ङला छेटाङ बङी बिन्‍नी सेकिवी, तमा शेप ङ्‍यिमा सुमला कोन्‍छ्‍योककी ङला सेन्‍बु लोङ्‍गिवी।” सिनी सुङ्‍गुप छाल्‍सुङ।

मत्ती 26:54

यिने तुक क्‍यासिन दुकै च्‍युङ गोकिवी सिरुप कोन्‍छ्‍योककी सुङ ति चुक क्‍यानी छेकिवी रो?”

मत्ती 26:56

यिने दी तेरी च्‍युङ्‍गुप ति कोन्‍छ्‍योककी लुङ्‍तेम्‍बातिवी टिवु खोकी सुङ ति तेरी छेवुला यिन।” ती पेला येशूकी लोमातिवा तेरीकी खोला क्‍युर ज्‍याक्‍नी टोनी गाल्‍सुङ।

मर्कूस 9:31

च्‍यिलासिसिन खोकी खोरो लोमातिवाला लोपिन नोक। खोकी दुक सिनी लाप्‍सुङ, “मी पुज्‍युङ मीतिवी लकला चेक तेकिवी। तिवी तीला सेकिवी, तमा शेप ङ्‍यिमा सुमकी तिङ्‍ला ती ति सेन्‍बु लङ्‍गिवी।”

लूका 21:22

च्‍यिलासिसिन दी ति टि वोतुप कोन्‍छ्‍योककी सुङ तेरी छेवु पर्च्याकी तुजे यिन।

लूका 22:37

ङ ख्‍यिराङला सिरिन, ‘ती ति मी दुक्‍टातिवी दला शोर्सुङ।’ सिनी टि वोतुप कोन्‍छ्‍योककी सुङ ति ङला छे राङ गोकिवी। यिन, ङे थोक्‍ला टि वोतुप कोन्‍छ्‍योककी सुङ ति ङला छेयी डिवी।”

लूका 24:46

तिवाला दुक सुङ्‍सुङ, “कोन्‍छ्‍योककी सुङला दुक सिनी टि वे, ‘ख्रीष्‍टकी छेटाङ खुर्सिमा ङ्‍यिमा सुमला शेप ने ङोसु लङ्‍गिवी,

लूका 9:22

येलुङ येशूकी सुङ्‍सुङ, “ङ मी पुज्‍युङला दुक्‍पा बङी खुर गोकिवी, तमा यहूदी गोमा कितुप मी छ्‍येतिवा ताङ कोङ्‍यार छ्‍येतिवा ताङ यहूदी छ्‍योकी गेकेनतिवी ङला क्‍येन बिन्‍नी सेकिवी, तमा ङ्‍यिमा सुम ज्‍युक्‍ला ङ शेप ने सेन्‍बु लङ्‍गिवी।”

लूका 9:44

“ङे ख्‍यिराङला सिक्‍यावु दी ताम्‍ङे ति ख्‍यिरा ङ्‍याम क्‍यानी ङ्‍येना, ङ मी पुज्‍युङ ति मीतिवी लकला चेक तेकिवी।”

यूहन्‍ना 3:14

दासा पाङ्‍थेरीला मोशाकी सेर्मी रुल जोनी जोवाकी लोला लङ्‍गुप दोके मी पुज्‍युङ साङ लोङ गोकिवी।

यूहन्‍ना 5:39

ख्‍यिरा कोन्‍छ्‍योककी सुङ लोपुप ति ती सुङ नेमा नाम्‍साङ मिशिवु मिजी ङ्‍येकिवी सिनी नासाम ताङ्‍नी यिन। तमा ती सुङगी ङे कोर्ला पङ्‍बु तेर्किवी।

यूहन्‍ना 5:46

दोजो ख्‍यिरा मोशाला तेपा क्‍यावु यिन्‍सिन ङला तेपा कि गोवुजा, च्‍यिलासिसिन मोशाकी याङ ङे कोर्ला राङ टि वे।

लोमा छ्‍येतिवी लाका 13:33

तीकी तेन्‍दोक ति खोकी येशूला ङोसु लाङ्‍सिमा ती थाक्‍छ्‍येन नङ्‍गुप ति तेरी दाक्‍पु तिवी गिपातिवाला डुप्‍सुङ। तुक क्‍यानी भजनसंग्रह ङ्‍यीला दुक सिनी टि वे, ‘ख्‍युरुङ ङे पुज्‍युङ यिनो, हारिङ ङे ख्‍युरुङला क्‍येवु यिन।’

लोमा छ्‍येतिवी लाका 13:40

ती तप्‍की च्‍याङ्‍से देता! मिसियाङ कोन्‍छ्‍योककी लुङ्‍तेम्‍बातिवी थेप नाङ्‍ला सिक्‍यावु दोके येशूला तेपा माक्‍यासिन ख्‍यिराङ दिक्‍पा ने थर मुथुप्‍तो। ती कोन्‍छ्‍योककी लुङ्‍तेम्‍बाकी थेपला दुक सिनी टि वे,

लोमा छ्‍येतिवी लाका 2:27

च्‍यिलासिसिन कोन्‍छ्‍योककी ङला शेप मीला ज्‍योकुप टककी फुक नाङ्‍ला राङ क्‍युर्नी मोज्‍योकिवी। तमा खोरो पेतुप मीला शेप ति शितोक ताङ रुल्‍नी ना साङ डो मिज्‍यिवी।

लोमा छ्‍येतिवी लाका 3:18

यिने ख्रीष्‍टकी छेटाङ खुर राङ गोकिवी सिनी गोमाला नेज्‍युनी कोन्‍छ्‍योककी लुङ्‍तेम्‍बातिवी नम्‍दर शेतुप ति कोन्‍छ्‍योककी तेरी छे च्‍यिसुङ।

लोमा छ्‍येतिवी लाका 7:37

ती मोशाकी राङ इस्राएलकी मीतिवाला दुक सिक्‍या वे, ‘कोन्‍छ्‍योककी ख्‍यिरा रङगी उज्‍युनुपतिवी पर नेसुर ङ दोके खोकी लुङ्‍तेम्बा मिरा च्‍यिकला तोङ्‍गितो।’

हिब्रू 10:1

मोशाकी ठिम ति वुतुङ्‍की ताम्‍ङे टेङ्‍बु मिन, यिने ज्‍युक्‍ला वुङ्‍गुप ताम्‍ङे ल्‍यामुकी पेशुवु तिराङ यिन। तुक क्‍यानी ले टेङ येलुङ येलुङ जिन्‍बा पुल्‍नी कोन्‍छ्‍योककी चिप्‍ला डोप छोलुप मीतिवाला टेङ्‍बु जो मुथुपी।

हिब्रू 3:5

मोशा कोन्‍छ्‍योककी मिछाङकी मीतिवाला लावा दोके क्‍यानी शब्‍ज्‍यी कितुपला खोङ्‍तेर्मु च्‍युङ्‍सुङ। तमा ज्‍युक्‍थमाला वुङ्‍गुप कोन्‍छ्‍योककी येन्‍देनकी कोर्ला पङ्‍बु बिन्‍सुङ।

हिब्रू 7:1

ती मल्‍कीसेदेक ति शालेमकी ग्‍येल्‍वु ताङ चोछ्‍येवु कोन्‍छ्‍योककी कोङ्‍यार यिनोक। अब्राहामकी ग्‍येल्‍वुतिवी मुला मक ग्‍यप्‍नी तिवी खला ग्‍येल्‍नी लोङ वुङ्‍गुप पेला तीकी अब्राहामला ठेनी मोलाम बिन्‍दुप यिन।

हिब्रू 9:8

तुक क्‍यानी कोन्‍छ्‍योककी थु चाङ्‍माकी दाक्‍पुला काङ लोप्‍किवी सिसिन, जे तङ्‍बुला वोतुप दासा चाङ्‍मा ति मादोवा सेक्‍ला तेरी सिनाङ दासा चाङ्‍माला शुकुप लाम ति मेपेवी।

१ पत्रुस 1:11

तिवी ती थर्वा ति नम पेला गिवी, चुक क्‍यानी गिवी सिनी हाक्‍कोवु छाल्‍सुङ। तमा तिवी सेमला वोतुप ख्रीष्‍टकी थु चाङ्‍मा नेसुर ख्रीष्‍टकी खुर गोवु छेटाङ ताङ ती ज्‍युक्‍ला वुङ्‍गुप मोवाकी थोक्‍ला गोमाला के पङ्‍बु छ्‍या तेन्‍सुङ।

ज्‍यल्‍का 19:10

ती पेला ती देवाच्‍येनकी लेन क्‍योलुप थु तीला शावा कितुपला ङ तीकी काङ्‍बी चिप्‍ला खवुतुङ्‍मा देतिन। यिने तीकी ङला “ख्‍योरो शावा माकी। ङ याङ येशूकी थोक्‍ला पङ्‍बु तेरुप ख्‍युरुङ ताङ ख्‍योरो अच्‍युनुपतिवा दोके कोन्‍छ्‍योककी लावा तिराङ यिन। ख्‍योरो कोन्‍छ्‍योकला तिराङ शावा की। च्‍यिलासिसिन येशूकी थोक्‍ला पङ्‍बु तेरुप मी तेरीकी कोन्‍छ्‍योककी थु चाङ्‍मा नेमा वुङ्‍गुप ओङला पङ्‍बु तेर्किवी।”