लूका 23:4 - कोन्छ्‌योककी सुङ

⁴ तमा पिलातसकी कोङ्‍यार छ्‍येतिवा ताङ मी माङ्‍छ्‍योकला सिक्‍यासुङ, “ङे याङ दी मी तीला काङ साङ क्‍येन तेरुप माथोङ।”

लूका 23:4 Iomraidhean Croise

मत्ती 27:19

तमा पिलातस ठिम कितुप ठीला देनी वोतुप पेला तीकी पेर्मीकी तीला “ती क्‍येन मेतुप मी तीला काङ साङ माकी, च्‍यिलासिसिन हारिङ नुपला मिलामला तीकी थोक्‍ला ङे छासे दुक्‍पा खुरिन।” सिनी लेन ताङ्‍नोक।

मर्कूस 15:14

पिलातसकी टिसुङ, “दीकी काङ लाका मेलोवा क्‍या वे?” यिने तिवी मङ च्‍यार ग्‍यप्‍नी, “तीला ग्‍यङ्‍शिङला कल्‍नी काँडी दाप्‍नी से!” सिनी सिक्‍यासुङ।

लूका 23:22

तमा पिलातसकी थेङ्‍मा सुम्‍बाला सिक्‍यासुङ, “च्‍यिला? दी मी तीकी काङ लाका मेलोवा क्‍यासुङ? ङे याङ दीला से गोवु क्‍येन काङ साङ माथोङ, तुक क्‍यानी ङ दीला दुनी पि तोङ्‍यिन।”

यूहन्‍ना 18:38

तमा पिलातसकी येशूला “टेङ्‍बु सिरुप ति काङ यिन?” सिनी टिसुङ। तोजोयी सिक्‍यासिमा पिलातस ति येलुङ पाङ्‍ला थेन्‍नी यहूदीतिवी चाला गल्‍नी, “दी मीला याङ ङे काङ साङ क्‍येन तेर गोवु माथोङ।

लोमा छ्‍येतिवी लाका 25:25

यिने दीकी से गोवु छ्‍येर्पा याङ काङ साङ माक्‍यावु ति ङे थोङ्‍सुङ। तमा दीकी साङ रोमी ग्‍येल्‍वु कैसरकी चाला डो च्‍यी सिनी गोङ्‍बा शुवु तप्‍की ङे दीला रोमी ग्‍येल्‍वी ते राङ तोङ्‍सा क्‍यायी।

लोमा छ्‍येतिवी लाका 3:13

अब्राहाम ताङ इसहाक ताङ याकूब ताङ दाक्‍पी पगावा हङ्‍गावाकी कोन्‍छ्‍योककी खोला शब्‍ज्‍यी बुलुप येशूला मोवा कि छ्‍योवु जो नाङ्‍सुङ। ती येशूला राङ ख्‍यिरा पिलातसकी लकला चेक तेतुप यिन। तमा पिलातसकी खोला पिताङ तोङ्‍गुप सिक्‍यासिनाङ ख्‍यिराङ माङ्‍येन।

हिब्रू 7:26

दाक्‍पी थोक्‍ला गोवु कोङ्‍यार छ्‍ये ति येशू यिन। खो चाङ्‍मा ताङ क्‍येन मेतुप ताङ टेङ्‍बु वे, तमा दिक्‍छेनतिवा नेसुर कुतुक पेनी देवाच्‍येन सिनाङ येर तेक्‍नी वे।

१ पत्रुस 1:19

यिने काङ साङ मडी मेतुप ताङ चाङ्‍मा वोतुप लुक रुक येशू ख्रीष्‍टकी गोङ छ्‍येर्मु ठक नेसुर गोङ तेनी ख्‍यिराङला थोपुप यिन।

१ पत्रुस 2:22

खोकी काङ साङ दिक्‍पा माक्‍या, खोकी ख नेमा जिनोक जोप ताम्‍ङे साङ माथेन।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।